مواقف وتجارب
زحول الرجال
الشاعر صالح بن وسيمر المطرفي الهذليتاريخ النشر: بتوقيت مكة المكرمة
👁️ 22 مشاهدة
زحول الرجال اليا احتمى العلم والميقافترى يرخصون الحال والمال من شانه
مواقف ذيابه تبدي بعالي المشرافوصفحاتهم بالطيب والنعم مليانه
عزومٍ قوية باس ماهي عزوم ضعافوسوق الغلاء يشرون من غالي اثمانه
دنادين والدندون له ميزةٍ واصنافميادين قوم القول والفعل ميدانه
ليا جات حزة وقفة الغانمين يشافومعروف عند اهل المواقيف عنوانه
لكن الضعيف ان جات بعض العلوم يخافوينقص مع اهل الكيل والوزن ميزانه
ليامن نخيته مالقيته يعود خلافعظامه تراقل ساعة العسر خرثانه
ووقت السعه عاداته يغطها بلحافيبا المدح مير المدح يزهى بفرسانه
عن اللازمه والحازمه موقفه ينعافولو كانت جيوبه من المال مليانه
حياته ماغير اجمع وحسب هلل وانصافتمر السنه ما فك للضيف بيبانه
سنينه عجاف ومن بعدها سنين عجافمن اول زمانه وانتهاء باخر ازمانه
يشوف الكرم والجود نقصة عقل واسرافولاشاركه في زاده يكود ورعانه
مقاس الرجوله ماهو المال والصرافمقاس الرجوله فعل والطيب سيسانه
ليا كان مالك قسم بين الرجال خلافحياتك وموتك كلها مالها خانه
بيوتٍ على بالي طرت ثم جبت القافوموضوعها واضح وقررت تبيانه
ومسك الختام انا اشهد ان الرجال اصنافاحد تذكره واحدٍ من الخير نسيانه
كلمات الشاعر الشاعر صالح بن وسيمر المطرفي الهذلي