الله من صبر صبرته من العامصبر العميل اللي يساير عميله
أعد واحسب لليالي والايامواليا سرى برق سريت استخيله
ما ني بمن يحلى منامه ليا نامولاني يفرح ليا طل ليله
قلبي كما نار بتنور لحامينفخ علاه الكير(1) مده طويله
ونفسي يراودها هواجيس واحلامأثقل علي من الجبال الثقيله
أخفيت مابي عن مودين الاعلاموصبرت صبر اللي يريد الجميله
أكتب عن الحاضر واسجل بالاقلاموابحث عن الماضي بشتى الوسيله
وآخذ من الاحداث عبرات وأحكاموالناس كل عابر في سبيله
وليا نشت عن الرفاقه والارحامكل ورى دنياه يركض بخيله
والورع وأهل البيت في البيت حكامفوق الفراش وتحت فيه ظليله
وأنا على بحر الهواجيس عوّامالبحر واسع والمسافة طويله
محتار متحير ومهتم ومهماموليا انتصف عمر الفتى وش بقيله
يا رايد الدنيا تصرم تصرامتكفي وتقبل بين يوم وليله
ليا اضحكت لك يوم تبكي لك أياممفرقه بين الخليل وخليله
والله لو عمرت فيها مئة عاملتروح منها ما معك ما تشيله
إلا عملك وما طويبك من الخامليا انقطع عنك الولد والقبيله
وان كان باراك السعد والبخت قامأنعم عليك الله بخير وفضيله
وإن كان حظك في اليمن وأنت في الشامما عاد تطلعك الحبال الطويله
بيع الرخيص وخل عنك التلزاموالزم طريق الحق واعرف دليله
وصل الفروض وكمل أركان الإسلاموالرزق عند اللي ينشي مخيله
كلمات الشاعر الشاعر مساعد بن سعيد السويهري