مواقف وتجارب
مراحل الحياة
الشاعر صالح بن وسيمر المطرفي الهذليتاريخ النشر: بتوقيت مكة المكرمة
👁️ 32 مشاهدة
انساقت الايام وسنين العمر على عجلاعوام عشناها شقاء واعوام منها رايعه
عشرين عامٍ وادبرت بين البراءه والجهلبين الاماني والمشاعر والبطون الجايعه
هي مرحلة كان التراحم والمحبه والوصلبين العرب بالرغم من كل الظروف الشايعه
الجار مع جاره من اول كنهم ربعٍ واهلوالطيب والمعروف بين الاقربا صنايعه
ايام كان الفقر والرجال محدود الدخللكن لاجا ماقفٍ تلقاه في طلايعه
هذي نهايه فصل والقادم من القصه فصلحروفها في خد كراس الليالي مايعه
ثم ابتدت عقدين وازداد التطلع والاملودي احقق كل فرصه في حياتي ضايعه
ومرت سنه ورى سنه بين التجارة والعملوالشعر صرت اهواه واكتب شيء من روايعه
والحمدلله الكثير اللي تمنيته حصلواللي طلبته ماتهيأ سر ماني ذايعه
وفجاءه وانا في الاربعين النضج والعقل اكتمليالله طمن كل قلب وكل نفسٍ لايعه
ومرت عشر واصبحت في الخمسين حتى الشوف قللكن راع الطيب يبقى الطيب من طبايعه
والمشترك بين الطفوله والشباب اني رجلواضح ومبداي اتجنب كل كلمه تايعه
على العموم اللي لهذا المرحله مثلي وصلالمفترض ماعاد يندم لاي فرصه ضايعه
من ياصل الخمسين معناها قريب من الاجلفتره بسيطه ثم ياخذ ربنا ودايعه
لكن انا مومن موحد ربنا عز وجلرحمتك يامن كل مسلم مؤمن به طايعه
واسألك ياحنان يامنان يكرم من سؤلياحي ياقيوم يامن نتبع شرايعه
اجعل سكنا في جنان الخلد مع خير الرسلوانك تطمن كل قلب وكل نفسٍ لايعه
كلمات الشاعر الشاعر صالح بن وسيمر المطرفي الهذلي