*انا من يوم كنت صغيٌرٍ واصبحت عود اليوم**وانا افقد وانقد واعرف الجاهل من الصاحي*
*احاول قدر الامكان ابعد عن العيب وعن اللوم**واقفل قبل لوم الناس بيباني بمفتاحي*
*قتاعة مطرفي عاقل ورجلٍ من خيار القوم**يصون لسانه ولاهو لخلق الله بجراحي*
*غني النفس عن كل العلوم التايعة محشوم**ولاني مثل من يقلون سراقٍ ومزاحي*
*صحيح اني بشر ضمن البشر مافيه احد معصوم**ولكن ميزتي رجال للهفوات دماحي*
*اقدر كل غانم فيه خير وطيٌب وشغموم**والا ادور ورى التقدير جاه ومدح وارباحي*
*لكن عندي خطا ماقول ماعندي خطا معلوم**وقررت اعترف باخطاي بين الناس وارتاحي*
*وهو ماهو بتقصيري بديني من صلاة وصوم**ولاهو غيبةٍ وبهت العرب من جاء ومن راحي*
*ومن شان استريح ويستريح البال انا ملزوم**اوضح وش خطاي اللي مسبب بعض الاجراحي*
*مثل ماتعرفون الشاعر ببحر الجزال يعوم**وله نظره مع الساعات والايام تنزاحي*
*ولا اخفيكم تسرعت ومدحت من الرحال رخوم**وانا كنت اتوقع يستحقون افضل امداحي*
*ياما قلت انهم وافين وشيوخ ورجال قروم**وهم لاذي ولا هذي ماغير ازوال واشباحي*
*وياكم ليلهٍ عيني قزت عافت لذيذ النوم**واسلي خاطري مابين جوالي ومسباحي*
*انا ظالم لهم واللي مدحته بالشعر مظلوم**خطا فادح مدحت انسان ماهو كفو الامداحي*
*لكن العذر انا رجل استحي هذا الامر محسوم**ليا منه نخاني رجل كنت احسبه صاحي*
*واجامل واتجمل والنتيجه ظالم ومظلوم*انا ظالم بمدحي له وهو مظلوم بامداحي
*وانا ماني لحالي كل شاعر له هدف مرسوم**لكن احيان مايسمع جهور الصوت لو صاحي*
*نصيحة من مجرب ميزوا للغانمين وسوم**تبين لكل شاعر قبل يبداء كيل الامداحي*
كلمات الشاعر الشاعر صالح بن وسيمر المطرفي الهذلي