مدح
*هذه قصيدتي في حفل الشيخ الدكتور ماضي بن مشعل العميري واخوانه بمناسبة ترقية اخوه يوسف وتخرج ابنه مشعل من الدورة العسكرية بتاريخ 1445/10/18*
الشاعر صالح بن وسيمر المطرفي الهذليتاريخ النشر: بتوقيت مكة المكرمة
👁️ 37 مشاهدة
*1-يابو مشعل ويايوسف حرام انه يشوش الراس*لرجالٍ حضر في حفلكم وانتم بني عمه*
*2- حضر تقدير داعيكم ولا عن حفلكم مجلاس**لو ظروف الليالي تجبره بالحيل ماهمه*
*3-وانا شاعر وربعي من بني مطرف رجال الباس**4-رجالٍ في مواقفها تعلت نايف القمة*
*5-وقفت امامكم وافكاري اخماس وتروح اسداس**فكر يطلبني ابعد عنه وانا متجه يمه*
*6-انا بيش ابتدي واقول في المنبر وامام الناس**اسلم ولا ارحب كلبوها تبري الذمه*
*7-انا ضيف الكرام اهل الوفاء اللي يقتلون الياس**وانا راعي محل اثني الترحيب واعمه*
*8-سلام الله عدد نبض القلوب ونبضة الانفاس**يابيضان الوجية اهل الكرم والطيب والهمه*
*9-سلام يخص ربعي كاسبين الصيت والنوماس**وسلام يعم كل ضيوفهم في الحفل ملتمه*
*10-اهني في البداية ماضي الحاضر من الهوجاس**رجل شيخٍ كريم سبال لاقال الوعد تمه*
*تقلد منصب الشيخه وهذا منصبٍ حساس**شداد ابوه واجداده ليا جاء لك ولد سمه*
*جمع كل المعارف علم اكاديمي وادب واحساس**يتوجه التواضع مايعرف الكبر والزمه*
*حكيمٍ وارث الحكمه وعاقل هرجته بقياس**جمع ربعه على العلم المشرف والشمل لمه*
*و يوسف وافي المده وله هده كما القرناس**سلوم الطيب وعلوم المراجل تجري بدمه*
*خوي الجنب يانعم الخوي في حزة المرواس**رجل نبراس قوم ولايحب الذم والنمه*
*واهني مشعل ابن ماضي الغالي سوات الماس**مثل جده وابوه وكل عمانه على اليمه*
*رجال ٍ من هذيل أهل المواقف طيبين الساس**وواحدهم *مايخشى الموت لو ياصل طرف كمه*
*من العمران والعمران في وقت الدجاء نبراس**شيوخ وروس قومٍ في المواقف تجلي الغمه*
*مشايخ عرف واذكر مشعل بن هليل من الناس**حكيم الرأي متواضع وقول الحق من فمه*
*توارد مجلسه كل القبائل عد دون قياس**يبون يحكمونه ثم يسقيهم من الجمه*
*لو ان المشكلة مع ماضي ومع واحد من الناس**حكم بالحق لو انه على ماضي ولا همه*
*عسا الله يرحمه ويشربه من حوض طه كاس**ويرحمنا ويرحم كل ميت مسكنه ضمه*
*وصلى الله وسلم فوق مبعوث الهدى للناس**شفيع الخلق يوم الخلق تحت العرش ملتمه*
كلمات الشاعر الشاعر صالح بن وسيمر المطرفي الهذلي