*والله اني كنت متوقع وكني داري**مير قلت اجس ميقاف الرجل واشوفه*
*بعد مااعطيته من الاخبار نص اخباري**واضح العنوان والطابع على مظروفه*
*المواقف تكشف المستور والاسراري**والنقاط عن الحروف المهمله محذوفه*
*يابيوتي لو سمحتي فاقبلي معذاري**النتيجه بينه متعينه مكشوفه*
*من يدور زلتي ولا كثير اعذاري**ماانتظرنا منه وقفاته ولامعروفه*
*يامبرر لاتبرر شوف واحد غاري**واما انا شاعر وينقى بدعته واحروفه*
*لاجل تفتح للعتب واللوم ذكر وطاري**والكفو لازم تمد الوافيات كفوفه*
*الرسائل واضحه للي يبا معذاري**لايكرر لوم ماني طامع بمعروفه*
*الرساله مرسله واذا قراها القاري**يفهم المضمون والعنوان في مظروفه*
كلمات الشاعر الشاعر صالح بن وسيمر المطرفي الهذلي