أنا أشره على نفسي وصدري يضيق البالليا جيت مجلس ناس ما هم على قدي
ودنو ركايبهم(1) وشدوا بغير حبالوكثر الكلام وجاله مجيب ومودي
وانا انقد على الجابه وانا اشره على الرجالليا شفت علم الرجل هزلان متردي
لزمت الحياد(2 ) ليا سمعت العلوم اشكالوخليتها تطلع مع الباب(3) وتعدي
وانا متبع الجابه ولاني لها نقالولا جبتها عنهم ولا جات من عندي
ولا فك باب إلا ليا شفت لي مدخالوفي ما قفي وقت اللزوم احتمي حدي
وأنا أعرف كلام الصدق من حيلت المحتالولا كل من جاني بحيله لحق سدي
وأنا عارف اللي يخرب الطيب البطالوعندي ملامح (4 ) في الرياجيل من بدري
وكم واحد لابس عمامه وحط عقالوهو ما يعرف اللي يمره ولا يدري
تعلم واخذ ممتاز في رشفة الفنجالويطلب من الله كل يوم الغدا مندي
قضى نص عمره ما جلس مجلس العقالتزفه هبوب الريح من حيث لا يدري
شرح الكلمات
( 1 ) : وتعني خاضوا في الكلام (2 ) يعني : لزمت الصمت
(3 ) : يعني الجابه اللي ما لها معنى (4 ) يعني نظره
كلمات الشاعر الشاعر مساعد بن سعيد السويهري