في مجال الشعر لي بصمة على شعر الاصالةاكتب بيوت الشعر على قوافيه الاصيلة
واتخير في بيوت الشعر واحب الجزالةوابتعد وابعد بعيد عن المواضيع الهزيلة
واعتبر شعري لمن يقراه مضمونة رسالةمثل من يكتب رسالة ثم يعطيها رسيلة.
كان في غزورالشعر بين العرب زود ورجالهوالله اني بالشعر لرقى على راس الطويله.
الشعر برقه لساني صدق وافكاري خيالهلا برق ورعد هجوس الفكر كلن جاب سيله
صب شعري من هجوسي مثل كيف من دلالهيجذب الصلفان ريحه من غلا بنه وهيله
الشعرعرف وذكى ماهو خرابيط وجهالهوش سوى من خطا كل على يشد حيله.
الشعر نقض وفتل يوخذ جوابه من سوالهوالجواب يحدده للي يسأل مبدأ زميله
يا رموز الشعر خلوا شعركم واضح مجالهبالنصيحه والنصيحه بالقصيد ابسط وسيله
كم جاهل ما يميز وش يمينه من شمالهتنصحه ويصير عقب النصح مقدام ودليله
والغشيم اللي على شان الشعر تعبان حالهلايجيب الشعر بوصوله ولا يخلي سبيله
كم شاعر يحسبن الشعر في لبسة عقالهلا مسويه العقال ولا عقاله مستويله
ليت لهل الشعر في هذا الزمن قاضي عدالهويحكم بالعدل بين اهل الخفيفه والثقيله
والله اني لا زبنه قبل الشعر تطوى حبالهواكتب المعروض عند الباب واروح اشتكيله
كلمات الشاعر محمد خريص المسعودي