مواقف وتجارب

تسلسل أغراض الشعر

تاريخ النشر: ٥ أكتوبر ٢٠٢٦، الساعة ٥:٥٧ مساءً بتوقيت مكة المكرمة

👁️ 26 مشاهدة

*كتبت اول قصيدة في حياتي يوم مات العود**نهار ابوي مات الشعر قلته* ماتصاعبته

*نهار من الحرم حطوه داخل قبره الملحود**سبب مبداء القصيد اللي على الاوراق سطرته*

*كتبته هيض ماادري غيض ماادري نزف وسط الفود**نزف جرحه قصيد الشعر والاحزان حاصرته*

*بعد ذلك كتبت الشعر وأتقنته وصار يزود**وشعري قبل مايعلن على غيري تخيرته*

*ودوٌنت البيوت اللي لها بين الرجال وجود**ولن شفت الكريم الشهم بالابيات وصفٌته*

*بلا زودٍ ولا نقصان اقول الواقع الموجود**بصدق القول اعبٌر عنه لا ابخصته ولا زدته*

*وقلت الشعر في. الدين القويم ويومنا المعبود**وصفته مثل مااعرف عنه واللي حافظه جبته*

*اوضح فيه شي من المعاصي والرجال شهود**واذكر فيه من لايحسب لدنياه واخرته*

*ولو في الوصف جاء مني خطأ ماهو خطأ مقصود**وإذا اخطينا طلبنا من عظيم الشان مغفرته*

*وقلت الشعر في موت الرجال اهل الكرم والجود**اذا مات الكريم ارثيه وادعي عند مقبرته*

*لعل الله يغفر له بفضله ربنا المعبود**ويسمع دعوتي ويبعٌد عن النار منزلته*

*وقلت الشعر فرجالٍ غياب وفي رجال قعود**ولن جاني بدل منهم مثل جزلي تقبلنه*

*ولن ماجاء بدل قلت الكريم من الحصيل يجود**ومن هو يطلب المعذار في المكتوب عذٌرته*

*وقلت الشعر في وصف البداوه والدبش والذود**وحتى في الغزل فيما مضى قلنه ونظمته*

*كتبته في البداية من خيالي في العيون السود**ولا قابلت شاعر غير سمعني وسمعته*

*وبعدينه عرفت انه كلامٍ مايجيب الفود**وكبيت القصائد في الغزل والبوك قطعته*

*ومن تاريخها دوٌرت غيره ماني بمحدود**على شعر الغزل واليوم ليٌ سنين بطلته*

*الا ياكاتبين الشعر ماشعر الغزل محمود**كلامٍ مايجيب ولا يودي ويش مصلحته*

*نهار توصف المحبوب مثل الكوكب المعدود**ويوم تقول ليته كان ماشافك ولا شفته*

*يقوله شاعرٍ جرب وشاف ويبذل المجهود**يقول الشعر ويجيدالشعر ومجوٌد انظمته*

*بنى بيته على ساسٍ جويد ولا يبا المنقود**وكلٍ من قصيدة ينعرف مقدار معرفته*

*وانا شعري وراثه من جدودي والعدود عدود**ولاهو عيب لو جدي بعد موته تورثته*

*اقول اللي سمعتوا والحقيقة ماعليكم زود**وهذا مختصر شعري وللجمهور سجلته*

*رثائية حزينة قلتها نهار مات العود**وسني كان في العشرين يوم الشعر دونته*

كلمات الشاعر الشاعر صالح بن وسيمر المطرفي الهذلي