من روائع
عبدالله بن زويبن
[poem=font=",6,sandybrown,normal,italic" bkcolor="black" bkimage="" border="none,4," type=2 line=1 align=center use=ex num="0,black""]
ياسعود عسـى داركـم عمهـا السيـل=عقب البروق اللـي تكاشـف جهتهـا
عطني جميـع اخبارهـا بالتفاصيـل=عسـى الرجـوع التالـيـة سيلتـهـا
لعلهـا دايــم تـصـب الهمالـيـل=علـى فـروع جبالـهـا واوديتـهـا
دار ربـو فيهـا الرجـال المشاكيـل=من ماضي الايـام مـا احـد شمتهـا
حمايـة الخايـف وصبابـة الهـيـل=وعوق السمين الللـي تمـوح ذنبتهـا
لو كان ما رجي من وراهم محاصيـل=مير الرجـال تحـب مـن سامعتهـا
وفي ضفهـم راع العيـون المكاحيـل=اللـي يـذوب القلـب مـن سلهمتهـا
إلى اقبلت قـام يتكفكـف دجـا الليـل=كـل الـديـار المظلـمـة نورتـهـا
وإلى ادبرت غطت جسدهـا المجاديـل=بيـن الخلايـق لـو تعـرى كستهـا
أن كفتـه مثـل الغصـون المحاميـل=وان فلتـه قــام يتثـنـى تحتـهـا
كنه سبيب اللـي ليـا ماحـت الذيـل=راسـه تعـدى راسـهـا وأرقبتـهـا
صفرا وهي بعذارهـا سمعـت الخيـل=اشد مـن ضـرب الدفـوف أرجفتهـا
وقامت تشيل بنفسهـا بالسمـاء شيـل=وصاح النذير وسبـق الخيـل جتهـا
خيالهـا دايـم علـى خصمـه الميـل=الـيا فـرق رجليـه عـن معرقتهـا
شيـخ مضريهـا لنطـح المقابـيـل=صـوب الخـلا بعنانهـا ماعفتـهـا
تفرح بـه اللـي ماوراهـا رياجيـل=وصكت عليهـا خيـل قـوم وخذتهـا
قـوم تقـفـوا جلـهـا والمخايـيـل=اقفـوا علـى خلفاتـهـا وأجنبتـهـا
وأبطـت فـزوع مسحبيـن الشمـاليل=وجاء من يرد البـل علـى راعيتهـا
نـادى لهـا يـام الحلـق والخلاخيـل=ويـن اتجـاه القـوم يـوم اقتفتهـا ؟
وقامـت بذرعـان زهتهـا المفاتيـل=تنعـت وراهـم ليـن وكـد نعتـهـا
وقامت تزغـرد بالغنـاء والمواويـل=وجاه اندهاش وشاش مـن غطرفتهـا
وأومى بهم مثـل الهـوى بالمخاييـل=وضاقت بهم جـرد السهـال وسعتهـا
من راح ماعود ومن طاح مـا شيـل=وقطم الحذا راجـت عليهـا اغبرتهـا
فيما مضى واوردتها ضـرب تمثيـل=لوكـان دورات الزمـن كـد محتهـا
دنيا تفـرق شمـل جيـل بعـد جيـل=قدامـنـا كــم عـاالـم فرقـتـهـا
دارت بهـا الايـام مثـل المحاحيـل=عنهـا نحـت فيـه وعنـي نحتـهـا
نحـت ولاجتنـي خطـوط ومراسيـل=وإلـى كتبـت رسـالـة ماقرتـهـا
لاكـن قـرار الحـب مافيـه تعديـل=لو عشت بالدنيـا إلـى آخـر سنتهـا
هاض الضمير وقلت من عر ض ماقيل=واخير مـن سـرد العلـوم اثمرتهـا
اختـرت ماتصلـح عليـه التعالـيـل=مع الرجـال اللـي تصـوغ أمثلتهـا
بعض الرجال يقابـل الكيـل بالكيـل=وبعـض الرجـال تحدهـا معرفتهـا
والنـاس بالللـي ماتعرفـه جهاهيـل=ويبيـن غيـب قلوبـهـا بالسنتـهـا
وتعـرف فصيلـة دمهـا بالتحاليـل=وتبيـن جنسياتـهـا مــن لغتـهـا [/poem]
