سلاماً نعده من شمال الجزيره

[خالد الهذلي]

السلام عليكم ورحمة الله وبركاته

مساكم الله بالخير


استلم يابوعبدالله



سلامي عليكم يالرجال المناعير
سلاماً نعده من شمال الجزيره
انا اشوف رايد قام قدم الطوابير
يسوي الصفوف ويعترض للمغيره

 

[رايد الياسي]

وعليك السلام ورحمة الله


مساك الله بالخير يابو نايف وصح لسانك

 

[رايد الياسي]

هلا مرحبا ترحيب شيمة وتقدير
نكمل وجوبه ماننقص شعيرة

انا شوف خالد ياعرب عاكس السير
يلاحي مع العربان في كل ديرة

 

[خالد الهذلي]

صح بدنك

الله الله

يدوم البقا والعذر سد المعاذير
وماجودكم موفور ياهل السعيره
ويارايد انته مانته بسالم الزير
وسيفاً تحده رجعه في جفيره

 

[رايد الياسي]

ولا يا زمنا شفت فيك التناكير
غدا بالحقايق صاحبي مع خشيرة

اليا جيت تفرع لا تعد المخاسير
عسى عظمك المشعور يلقى جبيرة

 

[خالد الهذلي]

ترا الحرص مايكفي لرد المقادير
ولارد عنكم حر شمس الظهيره
مقاطيع حق ولو نسوق التباشير
نجيب المغني معه دقاق زيره

 

[رايد الياسي]

طيب طيب يابو نايف




ولا ياعميلي رد هرشك على البير
ترا الضلع ناحورة ولا لك بصيرة

ليا دقوا المزمار جاتك البواكير
واذكرك علم الاوله والاخيرة

 

[خالد الهذلي]

ضميتم وحنا مع جملنا مصادير
ولاعاد نحسب للدورب العسيره
لياطاح راس شعيل جتك السواطير
عسى تمتلي منه البطون الفقيره

 

[رايد الياسي]

جبلنا جبلنا ما تحرك اعاصير
ولا يزعجك شاوي يلج بصفيره

تقوله بعد ماطحت وسط المحاذير
وشلت الحمول اللي عليكم مجيره

 

[خالد الهذلي]

تثور البنادق ثم تقفي العصافير
لو ان الرمي من فوق راس الشعيره
كسبتم جنيه وراح عشرة دنانير
معوض بخير وجعل فالامر خيره

 

[خالد الهذلي]

هههههههههههه

صح لسانك يارايد وبيض الله وجهك اختم القاف
شاعر جزل ومافيك حيله افحمتني ولاخليت لي درب هههههه

 

[رايد الياسي]

خبرنا الحباري صيدتن للصقاقير
وبندق تشيلوها بليا ذخيرة

تووووسد همومك ثم تصبح على خير
شقاووووي وعينك يعميلي سهيرة





صح بدنك يابو نايف وتشرفت باللعب مع شاعر بحجمك نستفيد منه


وتصبح على خير

 

[خالد الهذلي]

ههههههههههههههههه

طيب طيب يارايد
بيض الله وجهك تشرفت باللعب معك وإن شاء الله نلتقي في محاورات قادمه

 

[السلاطين]

قواكم الله يا شباب الموقع أسمتعت بالمحاورة وأن شاء الله اسوى معكم محاورة بس ماني شاعر أتعلم وأجيكم

 

[فارس المطرفي]

ياسلام ياسلام

صح لسانك اخوي الكريم خالد الهذلي على هذا البدع الذي يسجل ضمن ابداعاتك

صح لسانك اخوي الكريم رايد الياسي

محاورة من العيار الثقيل​

 

[عمر العميري]

خالد الطلحي

رايد الياسي


صحت الألسن ابدعتو فهالطاروق ابداع منقطع النظير


واحييتو القسم من جديد

وفي انتظار الحضور الدائم لشعرائنا

 

[أبوريتال الياسي]

الله .. الله

صحت الألسن


وبيض الله وجيهكم

 

[أبو رديد]

صح لسانك يابومحمد وماقصرت
صح لسانك يابو عبدالله وأبدعت


لاهنتم

 

[رايد الياسي]

ياسلام ياسلام

صح لسانك اخوي الكريم خالد الهذلي على هذا البدع الذي يسجل ضمن ابداعاتك

صح لسانك اخوي الكريم رايد الياسي

محاورة من العيار الثقيل​

حياك الله اخوي فارس وصح بدنك لاهنت

 

[رايد الياسي]

خالد الطلحي

رايد الياسي


صحت الألسن ابدعتو فهالطاروق ابداع منقطع النظير


واحييتو القسم من جديد

وفي انتظار الحضور الدائم لشعرائنا

صح بدنك يابن عادي لاهنت