::{ مجالس قبيلة هذيل }:: موقع يهتم بتراث القبيلة ومفاخرها

بنت الوزيــــر

//

*

[poem=font="mateen,4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الشعـر لـو مالفلسفـه ماضيّـع الفـكـر الخطـيـر!=واللوثـة الـلـي طاولتـنـي ماتـقـاس بمسـطـره
البارحـه فيمـا يـرى النـايـم عـلـى ذاك الغـديـر=رأيـت مـن لـو أَشّـرَتْ جتهـا الكـواكـب بقـمَـره
فيها جمـال ؛ بجـد ..قـدْ / وحسـن منقطـع النظيـر=تـغـري بمبسمـهـا وتقلبـنـي بتقلـيـب شـعَـرَه
كـ( إنسيـاب المـاء )..تدفعـه الجـداول فـي خريـر=مـن دون صـوت / وليلهـا كـن الهبايـب تـذعـره
واشوف راسي من ذَهَبْ .. والبس مثـل لبـس الفقيـر=واشـوف معهـا اربـع مـن الحـراس تتبعهـم مَـرَه
قرّبت منها قلـت : ( مرحـآ .. أَيّهـا البـدر المُنِيـر)=قالت علـى استحيـاء : ( ويَحـك مالِقلبـي مَقـدِره)!!
فجـأه وجتنـي مقبلـه .. واسقتنـي بيدهـا عصـيـر=حلـو بمعـنـى لــذّة التّخمـيـر عـنـد السـكّـرَه
واذا بـ( ابوها ) يرقب الموقـف مـع الجيـش الغفيـر=حاولـت آسـارع بالهـروب وطوّقـونـي عسـكَـرَه
قالوا لي : انت اشلون تتجـرأ علـى بنـت الوزيـر؟!!=الأمـر فـي سجنـك صَـدَر والحكـم بكـرى ننـظـره
شالـونـي الله لايوريـكـم عـلـى ظـهـر البعـيـر=حـطّـوا يديـنـي بالـوثـاق وكتّفـونـي بـظـهـره
وساعـة وصلنـا بعـد تعذيـبـي بأثـنـاء المسـيـر=بغيـت اقـول .. وشفـت بـإن الحكـي مافيـه ثمَـرَه
بقيـت داخـل سجنهـم فتـره ولااااااعـرف المصـيـر=ماغير انـا واثنيـن .. والسجـن السياسـي مااقشـره
وفـي ذات بَـردْ وليلهـا اقـوى فصـول الزمهـريـر=والغيـم متلبّـد بَـرَد تـحـت السـمـاء الممـطـره
غَفيت مـن كثـر التعـب علـى فـراشٍ مـن حصيـر=واشوفني ثاير غضـب واصيـح :( وش ذالمصخَـرَه)؟!
ولاصحيـت إلا بـسـوط الـويـل بيـديـن الخفـيـر=الله يكفـيـنـي شـــرورك يالـلـيـال الـمـدبـره
راح وتركنـي بيـن همـي / والـعـذاب المستطـيـر=وانـا اكآبـد حلمـي اللـي كـل مانـمـت اسـهـره
نويـت اقابـل حضـرت الوالـي يصيـر اللـي يصيـر=ابعتـذر عـن غلطـتـي يمـكـن تفـيـد المـعـذره
زهمتهم : ( ياصاحبـيَّ السجـن ).. مانـي راس طيـر=الـوضـع هــذا مايناسبـنـي ولا اقــدر اصـبـره
قالوا لـي : الله يرحمـك .. قدامـك السيـف الشطيـر=قلـت : البقيـه فـي قصيـدي ويـن ماكنـت انـثـره
وان اعدمونـي رغـم ان الذنـب بعيـونـي صغـيـر=هـذا جـزى اللـي مايحاسـب ويـن طيحـات انظَـرَه
صرخت في معنـى قنيـب الذيـب ؛ او معنـى الزئيـر=والسجـن فـي معنـى الكبـوت اللـي تظلّلّـه شجـره
ودخـل علينـا قايـد الـحـراس ابــو راسٍ كبـيـر=الـلـي كتـوفـه مااكـبـره ويدايـواتـه مااكـبـره
قال : ( اصدقوني القول , ماهذا الصراخ ؟!!)..وقلت: خير=( ما غير انـا فيـك َ رأيـت الشعـر ان استذكـره !! )
ياسيدي تبغـى الصراحـه شفـت فيـك الطيـب غيـر=مـاادري ولكـن فيـك طـيـبٍ مـاحـدٍ يستنـكـره!!
ياسـيـدي ابـغـى تقدمـنـي لـديـوان الأمـيــر=لعلّنـي القـى العفـو مــن حضـرتـه والمغـفـره
نظر بوجهي قال لي : ( هل انت قاتـل ؟ ام اسيـر ؟ )..=قلـت : الا والله قاتـلٍ فـي حـق نفـسـه مااكـفـره
ضحـك وقـال لكـل جنـده : ( وإلـى الأمـر الأخيـر=فكـوا قيـوده واكرمـوه احسنـوا و مـن مظـهـره )
ومن بعـد فتـره تعتبـر جـداً مـن الوقـت القصيـر=قالوا : ( بنـا هيـا الـى الوالـي أمـر ان تحضَـرَه )
دخلـت ديوانـه واذا فـي مجلـسـه جـمـعٍ كثـيـر=وإذا الوزيـر اللـي سجنّـي متكـي عـلـى ايـسـره
استـل سيفـه وانتهـض .. وكـاد رأسـي ان يطـيـر=لــو ماالأمـيـر الله يخـلـي حضـرتـه تنـهـزره
كنّـي بــه الله يقلـعـه يــرد سيـفـه بالجفـيـر=وانـا لـو انـي فـي يدينـه مـتْ ذبــح بخنـجـره
تـرك لـي المجلـس وهـو ماحيلتـه غيـر الهـديـر=تقـول هــرشٍ منـخـره ينـقـاد فـيـه لمنـحـره
قال الأمير: ( أخطأت صنعاً ).. قلت انـا فيـك استجيـر=عفواً / وعـذراً سيـدي .. ( والعفـو عنـد المقـدره )
انا انسجنـت اسنيـن سبّـة مـن تـرك دمّـي يحيـر=لـذا بحـيّـر دمــه الـلـي مـاقـدرت استنـفـره
قال : ( انصبوا له خيمـة التتويـج واكسوهـا حريـر.=وخيّـروه مـن المحاسـن كــل مــالا يحـصـره)
قفّيـت مـن عنـده وانـا ادعـوا يالـهـي ياقـديـر=علـى عــدوه يالـهـي ويــن مـاحـلّْ انـصـره
دخلـت للخيمـه واذا فيهـا مجـهّـز لــي سـريـر=مصنـوع مـن ريـش النعـام اللـي يسـرّك منظـره
ولاطرالـي بعـد مـا عانيـت مـن مــرْ ومـريـر=الا المنـام اللـي خذانـي مـن رمـوشـي بسـفَـرَه
واشوفنـي نايـم وصايـر عالـمـي كـلّـه شخـيـر=غـارق بأعمـاق السُبَـات اللـي خطفـنـي مبـحـره
واذا الوزيـر يزورنـي يـا زورة الـشَّـر والشـريـر=( كانمـا الحُـرَاسَ حمـرٌ هاربـه مــن قـسـوره )
فـرّوا وساقـوا لَـه بشايـر .. لعنبـو غـدر الحقيـر=اللـي يبشّـر بأعـزلٍ وثــق بطيـبـه .. وغــدره
علمي بروحـي يـوم حـط السيـف بالقلـب الحسيـر=واشوفهـم يـوم ادفنونـي ظـلـم وســط المقـبـره
واسمع واذا بالهمس.. قلت : اكيـد ( مُنكَـر وَ نَكِيـر)..=.. قلـت : الله المعبـود ربـي ويـن ماكنـت اذكــره
ونبيّـي َ محمـد وصلـى الله علـى الهـاديْ البشـيـر=مسلـم واحمـد الله علـى الاسـلام واثنـي واشكـره
واشـوف يرثينـي الفـرزدق وامـرؤ القيـس وجريـر=والبحتـري وابــن المقـفّـع مانسـانـي بأسـطـره
حتى رأيـت انـه نعانـي ابـن ابـي سلمـى / زهيـر=وابـن المعـرّي اعتبـر مـوتـي حقيـقـه منـكـره
لنّي بعينـه ..( عَنكبـوت الشعـر / والبحـر الغزيـر )=يعلـم بأَنَّـي ماكتبـت الشـعـر قـصـدي فشـخـره
ولأن قيـس ابـن الملـوّح شـاعـرٍ مـنّـا شهـيـر=صخّـر قصيـده حـزن ترثينـي مـدامـع محـجـره
وإذا بسهـل العامـري مرسـل علـى الوالـي سفيـر=يطالبـه بالثـار مـن تسعـيـن فــارس وعـشـره
رفض طلبـه .. وبعـد يـوم اقبـل مـن القبلـه نذيـر=يقـول : جـاء العامـري بجيـوشـه المستسـعـره!!
معـه ربيعـه , وسـواءه , والهـلالـي , ونمـيـر ؛=اخـوان فـي عامـر / وعامـر ماتشـق إلـه غبـره
طقّـت طبـول الحـرب / والفريـس قامـت تستـديـر=واجتمعـوا حـول الأميـر اللـي خطـب مـن منبـره
وراحت حريم القوم تبكـي مـن عنـا الوقـت العسيـر=تلطم َ خـدودٍ كـن فيهـا الـورد مـن لـون احمـره
وقف على راسـي مـن الشيبـان ابـو قلـبٍ كسيـر=اللي دموعه كل مـا طاحـت مـن الكسـر / جبـره!!
ذكرت بـإن الصلـح خيـر .. بجيّـت الشيـخ البصيـر=اللـي علـى عينـي فتـح قلبـه لقلـبـي وبـصـره
قلت : انتشلنـي كـان لـي حـظٍ مـع العالـم وفيـر=وازرع بطهـرك مـن عزومـي كــل ارضٍ مقـفـره
لجلـك بحـاول انهـي اليـوم العـبـوس القمطـريـر=ابمتطـي ظهـر القصيـد الـلـي غَمَـرنـي بأكـثـره
قال : انت فعلاً في عيـون الشعـر ( ياصالـح ) جديـر=قلت : الشّعر شيـخ ٍ زبنّـي / كيـف اردّه .. وانهـره؟
واشوفنـي عنـد النهايـه والخبـر .. عنـد الخبـيـر=اللـي قرانـي مبتـدا / والمبتـدا مــن يكـسـره؟!!
فزّيـت مـن نومـي علـى نغمـة رسالـه تستثـيـر=فيـنـي معـانـي للتـأمّـلْ والـرجـوع َ لمـصـدره
قبـل صـلاة الفجـر تقريـبـاً وبالـقـدر اليسـيـر..=فتحـت جوالـي علـى اكـثـر رسـالـه مبـهـره!!!
مـع الأسـف !! ياليـت .. او ياليـت تأنيـب الظميـر=يحـل فـي عـدٍ قضـاه القيـض لـو قلـت خـسـره
انا قرضـت الشعـر / ياللـي ماقرضـت إلا الشعيـر!!=انـا سحـرت الشعـر فينـي يـوم فكـري يسـحـره
انـا كتبـت مــن البنفـسـج ياسميـنـه والعبـيـر=انا رسمـت الليـل / والا الليـل مـن جـاب خبـره؟!!
وأنا اليامنّـي حضـرت الشمـس فـي حـزة عصيـر=شكّكـت بـإن الارض تجـري يـوم قـيـل مــدوره
الشمس ؛ تجري فـي عـروق الليـل ويبـان الهجيـر=يشهـد بهامـي كـل مـا قـبّـل مـجـازاً خنـصـره
ياشعـر احبـك مسـك / واكـره جيتـك ياجيـت كيـر=تعـال لـي بيـن الهـدوء / وبيـن فــن الهسـتـره
تعـال نقـرا فـي كتـاب الفلسـفـه لأبــن الأثـيـر=ننهـل مـن اعماقـه ورق عليـه نــزف المحـبـره
انـا اليامنّـي كتـبـت الشـعـر والمعـنـى كبـيـر=ماهمّتـي حتـى لــو انــي ماتـجـرأت انـشـره
والشعـر لـو مالفلسفـه ماضيّـع الفـكـر الخطـيـر=واللوثـه اللـي طاولتـنـي ماتـقـاس بمسـطـره!!! [/poem]