|
رد: مقتطفات من روائع محاوراتي
صح لسانك ياحسام..
|
رد: مقتطفات من روائع محاوراتي
اقتباس:
سلمت الأنامل يالغالي 000 وصدقني كلها مزوح وتروح 0000 تقبل احترامي وتقديري لشخصك الكريم وسجل إعجابي بشعرك الجميل 000 بالرغم من أنني ما زلت أرى أنّك في رحى المعركة هههههههه أخوك \ ثامر السويهري |
رد: مقتطفات من روائع محاوراتي
الطير
سلام وجيت أبى أربي جنون الشاعر المجنون بعد ماجاتني شكوى نويت أصفي حسابه يقولون اختلف طبعه وعوّد في زمانه دون لسانه مانطق بالصدق وأهل الشعر تبلابه الرد يقولون الزمن عوّد مثل بعض العرب مجنون وأنا أقول الزمن صاحي ولكن طلعت أنيابه ومثلك ماعرف يدخل من الغيبة بدون عيون تحاول تعرب الحاضر وشوفك يخلف إعرابه الطير مادام الذيب واعي كيف تبراله بدون سنون تجاهد ياخوي ابليس والأيام غلابه أشوفك تطرد الشهرة وتبغى شاعر المليون لكنه ماشهد لك دون وجهك سكر أبوابه الرد أشوفك صرت تتميلح وأظنك بالغ ومزيون ومن مثلي ترى تايب ومثلك يقصد أصحابه شعوري شعري الغالي وشعري ردده هالكون نصيحة لاتسبلها ترى دربك وسط غابة الطير أقول أطلق شنب يعقب ومثلك حبهم مطحون تتوب الراقصة فيفي لكن في السر كذابة أعرف إنك شويعر مالهرجك طعم وإلا لون ترى الغابات مايسكن بها إلا قرود وذيابة الرد ترى غربك في المعنى غدى داين مع المديون ووجهك ماتغطى لوتدبل خامة نقابه مثل شرواك لو يكتب لبكرة عايش ٍ مغبون جنون الشاعر المجنون وحده علمك أدرابه الطير بعد شرقت يالساهي فضح خافيك رب الكون ثلاث أصناف تحرفها ووجهك نعرف حجابه أنا بنشدك وش خلاك تقرب جمرة الغليون وكية عقب كية لين ذقت الويل وارهابه الرد أنا خالد ولابدخل بغير اسمي وذاك جنون وغيري يختلف وضعه جبان ولاحد ٍ هابه أنا لاجيت أجي وافي وعلمي واضح ومضمون وأنا خابر وراعين ٍ تجي وتروح لعابة الطير ترى محد ٍ درى عنك ولك ضربة براس الشون عساك تفوق من غفلتك ياشاطر ويابابه تجي مثل الجراد اللي بزيت العافية مدهون وتقفي مثل شاة ٍ مالها راعي وحلابة الرد نباح الكلب مايزعج شموخي والعرب يدرون وأنا ماشوف من يمشي وراي ولاني بآبه يطيب الفال من فالي وفالك ميت ومدفون وحي اللي غدت قحطان عزه والشرف لابه الطير قنيب الذيب سوى فيك حالة والعرب يوحون ياكثر اللي وراك يتابعك ويفتل أشنابه ونعم بعزوتك لكن مجدك بالفعل مقرون وفعلك للأسف خايب وحنا نعرف أسبابه الرد خروف العيد صورنا عليه وعوّد المسجون متى يطلع من سجونه وكل الشات يرعابه حقيقة واضحة تبقى حقيقة والكذب مركون وهذا اللي حصل واللي نشدني وش فعلنابه الطير نهار العيد نورة جاتنا واحنا لها بالعون وكرّمنا معازيب الشرف كل ٍ وهندابه أظن الفبركة محد ٍ يصدقها سوى الملعون لكن قحطان ماتسوى الخروف ورزة أذنابه الرد صحيح إن الحيا ميّت ومثلك بالبلا مقرون بترجم كلمتي يعني قفاكم صار منغابة بيوت البعض مفتوحة وهم من خلفها يحمون .................................................. .......... الطير أقول الزيف والبهتان فلم ونعرف الكرتون قصص للطفل مثلك تشغله عن مشية أصحابه بعد ماعشت فبلاد اليمن بالجبن والزيتون تصلح لبسة الفوطة وست البيت منصابة .................................................. ............ ثامر السويهري بارك الله فيك المطرفي الهذلي بارك الله فيك والله ولي التوفيق . |
رد: مقتطفات من روائع محاوراتي
بسم الله الرحمن الرحيم
السلام عليكم ورحمة الله وبركاته .................................................. ................................ بعد البحث والتقصي أقدم لكم مجموعة من المحاورات إن شاء الله يستفيد منها الشعراء والله ولي التوفيق .................................................. ............................. أولا ً : محاورة مع شاعر الطير يامرحبا واليا نوينا الكايدة غصبا ً تهيد والجن تسلم في يدينا والجنون احنالها عمك ترى ناويك مافكر لو إن اليوم عيد يبى يعيّد في ذلولك من بعد جمالها الرد الجن فيها مسلمة لاتخلط المعنى وتزيد يادمعة الرجال جيتك شارب ٍ فنجالها اليوم عيد وصاحبك عظمه قوي مثل الحديد لاتأخذك غفلة تصيّح بين حمر أميالها الطير وقت الشدايد مانبي غير المريد ابن المريد والكلمة اللي هينة ترجع لمن هو قالها اليوم عيد المسلمين ومنزلك عنهم بعيد الناس ماتبغى وجودك وأنت تتعنالها الرد وقت الشدايد مانبي غير اللذي دمه يزيد والا أنت لاهي اللي سعت لك خفها وثقالها اليوم عيد وعيّدت الأفراح في دم الوريد ياللي تبى تزرع على صحرا هجدك ضلالها الطير وقت الشدايد سكروا دربك رغم رايك عنيد ظليت تحت الشجرة اللي مايظل ظلالها وأنت على طول السنة عيدك مع أصحابك سعيد من عادتك لاجات حملة تبرك وتشتالها الرد يالشاعر اللي مبتلينا لاتظن إني بليد أنا ليا مني وقفت بشمسها تبرالها ولا أنت لاتقوى ولالك شرب يم أرض الجليد وأنا سبحت بحور عقب بحور ماتقوالها الطير هذا اختبار ومانجحت ولاتفيد وتستفيد ماغير تلحق بعض خلق الله تقيس أطوالها واليا لقيت اللي تريده دبر الله مايريد وأبدى علومك للعواذل دقها وإجلالها الرد من هو اختبرني ياولد لاتقرب حبال البعيد أنا اللذي علمتك فنوني على موالها .............................................. اهدها مثل الحصون اللي تقر احوالها الطير راسب فخمسة مايفيدك لاطبيب ولاعقيد عقدتك لو تتعب جميع الناس أنا حلالها أصحابنا حول الجنازة وأنت ماأظنك شهيد عقب الفريضة كل خلق الله تروح فحالها 1/10/1428 .................................................. ............. ثانيا ً : محاورة مع صفق الهوى (فهد الروقي ) الطير سلام ياصفق الهوى تسليمة ٍ ترقى الجبل غنى بها شاعر علوم أهل الوفا يختارها هات المعاني كلها قدام أعشق بالدبل وأضوي لكم شمعة تموت ولاتطفي نارها فهد يامرحبا ترحيبة ٍ حلوة مثل در الابل يأصحابنا اللي مانقص من يمنا مقدارها حنا نقول إن الأسد لومات يطلع له شبل مير الليالي ماتجيك بدور غير أدوارها الطير دام البقا والسعر غالي كيف تصرف من هلل يامقابل الضيفان بالدلة علي ّ ابهارها الطيب ينبت طيب والمتردية منها الهمل واللي تسمع موجز النشرة يجيب أخبارها فهد الليلة الموضوع فحص أخلاق مافيها زعل ورا الهذيلي قامت يمينه تخبط يسارها وراك خليت السفينة عقب مامات البطل واليوم تلحق به كبار القوم قبل صغارها الطير ترى الجزا لابد ماياتيك من جنس العمل لكن خلك مع عتيبة واستمع لأشوارها لوغاب أبوزيد الهلالي ينقطع حبل الأمل واليا انقطع ماتغدر الجارة وتسرق جارها فهد أنا مع عتيبة وأقف وأشيل ماشال الجمل قيادة الطابور لاثارت وطار غبارها اليا نزل نجم السما لاتقول ويش اللي حصل والجدي وسهيل اليماني ماتغيب أنوارها الطير أنت قعود ٍ يهبد السكة وشدقه مايكل والقوم ماتشهد لربع الشات مع شعارها تبغى الصراحة منت حول البنك أبو باب وقفل خلك مع أهل الروم وإلا المرجلة لأحرارها .................................................. ......................... ثالثا ً محاورة مع رابح المطيري سلام الله بردية تجيك الحين بالشقلوب ولك مني الوفا والطيب في الروحات والجية بعد جات المعاني وافية وضح لنا المكتوب ترى علمي وصلك ونيتك ياصاحبي نية رابح سلامك مانبيه اخذه وحطه في جيوب الثوب ونفسك تحت علم الرب مأمورة ومنهية تفضل هات علمك ياعسى علمك ماهو منكوب لو إني عارف إنك منت من قوم الحرامية الطير بنادم صد عن حكم القدر مير القدر محجوب نفذ حكم القدر والقوم مأمورة ومنهية تواجه بالنذالة ليت قلبك يستمع ويتوب ليا أخطيت الطريق تموت بين الشمس والفية رابح يارايق لاتحط تشيل ماتبعد عن المكتوب لكن اركد شوية قبل تدفع حسنتك سية تذالتنا على عز ومعزة والدروب دروب يبى يبطي وتبطي ماوصلتم للمطيرية الطير أنا ماجيت أدور دلة ٍ فنجالها مشروب أبى أعلمك كيف النقض والزلات ملغية مدامك معترف بابعد وكل ٍ يالخوي فصوب ولو تدري مطير تقدمك للداب والحية رابح تقوله وأنت ماتدري عن الغالب ولا المغلوب لكن ياليح ليحاني لكن ياطاق طاقية ياليتك تنشد وتعرف من الطالب من المطلوب لأجل تعرف وش اللي صار في وادي الجهيمية الطير نبى المعنى جويد ولانبي بني الحجر والطوب ياراع الخيمة أم العود هبت بك شمالية نصب السمن في جوف الدقيق ولاتحصل كوب ودار العز مايسكن بها غير السنافية رابح ياراع الموتر اللي مشكلة شاصيه من الهوب ترى هوبك وشاصيك ماهن مية على مية وألا ياحظي الأقشر وألا ياحظي المنكوب بلاني ربي برايق يحط ذية على ذية الطير تقوله مير أنا فوق الحصان اللي سرى مركوب موثق بالعنان وحالته ماهي طبيعية تردد جابة الميت وتنهب بيتك المنهوب لكن ماهي غريبة والنذالة فيك فطرية .................................................. ......... لا إله إلا الله وحده لاشريك له له الملك وله الحمد وهو على كل شيء ٍ قدير ومالنصر إلا من عند الله العزيز الحكيم والله ولي المؤمنين الأحد 28/4/1429 |
رد: مقتطفات من روائع محاوراتي
الطير
ياسلامي على سلطان شاعر عتيبة لوثبت في الشدايد يرفع الراس عالي كان صيته مثل مطلق ويلقى نصيبه يحصد الفخر كله دوم فأول وتالي سلطان مرحبا وأنت شاعر منك ماهي غريبة رجل وافي وقدرك مع جميع الرجالي اكتب الشعر من فيض القريحة وأجيبة ماندور على الشهرة وجمع الريالي الطير أدري إنك زعيم ولاتجيك الغليبة سبع غابة ولاتقبل لروس الجبالي القصيّر نساكم لو شملكم بطيبه كان تلعب مع الصفين يابن الحلالي سلطان كل ضلع ٍ ذبحت اليوم يارجل ذيبه مابقى إلا العقارب في خبوت الرمالي القصيّر علامه قول لي ويش أبي به يالله ستر علاه فكل حل ٍ وحالي الطير لو نعد الجنايز كل لحد ونصيبة توصل ألفين بعد المر والإحتلالي وأنت تفخر بذبح الضب هذي مصيبة من تنكر لبن عمه جحد كل غالي سلطان أنت من قبل أحطك للمشوك ضريبة عرّف اليوم نفسك ياكريم السبالي راح وقت الدعاوي والطليب وطليبه أنت فازع ودمك مثل دم الغزالي الطير رامي النوز داري مار ليتك تصيبه منت نافع نسيت الروس والبنك خالي روق وادعي لحاكم مملكتك الحبيبة بعد عشتم نهايب عمكم في الظلالي سلطان كم خصيم ٍ نضده لين نأخذ ذهيبه مثل من هو قتل واللي عطى الفج خالي خل عنك التعمم دام ماهي غصيبة أنت منت بلا عمي ولاأنت بخالي الطير مدّعين الحمية ماتصادم كتيبة ألف منهم يعادلها الفتى ليش أبالي الجماجم حصاد السيف ماهي صعيبة كان تقدر تضد هذيل وقت القتالي .................................................. ...................... لا إله إلا الله وحده لاشريك له له الملك وله الحمد وهو على كل شيء ٍ قدير وماتوفيقي إلا بالله العلي العظيم عليه توكلت وإليه أنيب وعلى الله فليتوكل المتوكلون ومالنصر والعزة إلا من عند الله العزيز الحكيم والله ولي المؤمنين . |
رد: مقتطفات من روائع محاوراتي
محاورة افتراضية بين الساحر (روني ) وزين الدين زيدان
رونالدينيو سلام الله من الساحر زعيم الفن في الميدان ( برازيلي ) من الأجداد وارث لعبة الكورة مع ( البرشا ) لعبت ولا نبي ( تشلسي ) ولا (الميلان ) ونفسي تعشق ( الليقا ) مع الابداع مأسورة زيدان هلا يامرحبا واسمع كلام اللاعب الفنان وتذكر قصة (القولين ) قبل نحقق الدورة لو تقابل ( ريال ) بكل صراحة تصبح الخسران بعد فورتك ( يالبيبسي ) لزوم توقف الفورة رونالدينيو مع التحكيم لازم تحصد ألقابك ولا تنهان ( وألا يابلاتر الفيفا ) مساعي الخير مشكورة كسبنا دوري الأبطال زايد دوري الأسبان تظل افذاكرة كل البشر لاشك محفورة زيدان أجل لو نرجع الحينه معاك لماضي الازمان تبى تظهر علوم ٍ خافية للبث محظورة وحنا قبلكم خذنا ثلاثة مالها نقصان وخزنات الذهب في نادي الأبطال موفورة رونالدينيو تحاول تجحد التهمة وانا أعرف نظرة الخوان سجلات الشرف للناس معروفة ومخبورة أخذتوها بغش وعقبها صمتم لحد الآن وأظن احداثكم متوثقة بالصوت والصورة زيدان أنا مابي تصدقني ولا جيت احلف الأيمان تعرفونا ونعرفكم وكل ٍ عارف ٍ دوره ترى فنهاية المشوار يكسب فارس الفرسان وتوقف مهرة ٍ خطواتها في الدرب معثورة رونالدينيو يكفيني ويكفيكم نهاية اسمكم ( زيدان ) لو انك كنت نشمي كان دارك تذكر اجذوره حسمناها بفارق فن متميز وزود أقوان وأخذتوها بشيكات الذهب والحال ميسورة زيدان أنا مسلم ولي كل الفخر بالخير والايمان من ابلاد الجزائر دورنا بالطيب معمورة على دين النبي نمشي ونرجم جمرة الشيطان لنا وقفات لأهل الخير والطاعات محصورة رونالدينيو أجل وش سكنك داخل ( فرنسا ) تلبس القمصان تكب ابيوت ربعك داخل الغابات مهجورة مصير اللي هداك يدلنا للخير والاحسان وأظن النفس يازيدان منهية ومأمورة زيدان جميع الأرض ملك الله وحنا مثلكم سكان ليا شفنا الربيع أنبت بلد جيناه ونزوره ترى هالشيء يرجع لك ولكني لكم شفقان أبي ( تتشهد ) و ( تسلم ) ( وتذعن نفس مغرورة ) رونالدينيو أشوف النفس مرتاحة بلا كبر وبلا عصيان بعد ماشافت الاسلام لاح وشعشع بنوره طلبت الله يهديني طريق الخير والغفران وأنا ( مسلم ) من الحينه عسى الزلات مغفورة .................................................. ...................... لا إله إلا الله وحده لاشريك له له الملك وله الحمد وهو على كل شيء ٍ قدير ومالنصر إلا من عند الله العزيز الحكيم والله ولي التوفيق الأحد 17/10/1428 |
رد: مقتطفات من روائع محاوراتي
الله لا يهينك --- استمتعت واجد في ها المتصفح وقراناه من اوله الى اخره
ولا اله الا الله .... |
| الساعة الآن 03:12 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل