::{ مجالس قبيلة هذيل }:: موقع يهتم بتراث القبيلة ومفاخرها

[poem=font="arial,4,#00008b,bold,normal" bkcolor="" bkimage="" border="solid,4,#800080" type=0 line=0 align=center use=ex num="0,"]

الزيداني

ولا ياشاعر(ن) تبني وتهدم في بيوت الناس=ولكن ماتخاف الله تغـش النـاس فـي المونـه
ونا ماقول هذا القـول لكـن صاحبـك حسـاس=كبـيـره يارفيـقـي تـبــدل الـمــوال ولـحـونـه

برررق الحيا

اخاف الله يابـن عمـي ولا ابنـي غيـر فـوق السـاس=واغض الطرف عن بعض الحكي وارتاح من دونه
وانا زرت الرجوم اللي هجرها الطرقـي الجسـاس=ولـو مـر الغنـي فــي الـسـوق مانـاظـرت كرتـونـه

الزيداني

تبي تنظر لكرتونه مادام ان الذهب والماس=فيديـن التاجـر الـي مـر بـك مـا لــد بعيـونـه
ولكـن ياولدعمـي تحـذر مـن شـديـد الـبـاس=ترى التاجر يبيع ويشترى ماعطاك عربونه

برررق الحيا

غناني الله مـن فضلـه ولقمـه عيـش ماتنـداس=ولااناظر فمن يجمع ويتـرس جـوف ماعونـه
ولو تقسي ظروفي ما بخلت ورافعين الراس=وضيفـي مكرمـه والجـار مابيـحـت مكنـونـه

الزيداني

طموحك ياعميلي شابه المرحوم ابن فرنـاس=يبي يرقا السما لكن هوأ فـي الارض بمتونـه
وترى درب المراجل ماتعرف الفقر والافلاس=ولـو الـراس شامـخ ينحـنـي لاكـثـرت اديـونـه

برررق الحيا

اشوفك راكب اللكزس وتضغط لنبة الكباس=نسيت ان الونيت آمن ولـو صفيـت طبلونـه
اقلـك مايعيـب الفقـر غيـر سالفـة محـمـاس=رسول الّلّه مات ودرعه بصاعيـن مرهونـه

الزيداني

رسول الله تعوذ منه قبل العاصي الخناس=حديثه في البخاري و عند مسلم دوم تقرونه
ونا وانته محنـا لارسـول الله ولا العبـاس=خلقنـا الله بشـر والنـاس بالدينـار مفتونـه

برررق الحيا

اذا ً ياصاحبي مابـه عليـك ولا علينـا بـاس=عساك بخيـر والديـن الحنيـف نـدل قانونـه
ونختمها بصلى الله علي محمد شفيع الناس=في يوم مانفع راعي الدراهم كثر مخزونـه [/poem]