المشاركة الأصلية كتبت بواسطة عماد الهذلي (المشاركة 299232)

السلام عليكم ورحمة الله وبركاته


صح لسانك أخي الشعيفي،،

قصيدة جميلة ،، واحساس جميل،،

فالخد حمره كن قارصه عارد

وصف من محيط بيئي ، جميل يالشعيفي أخذت الحمره من جراء القرصه ، وتركت الانتفاخ ههههههههههه

صح لسانك صح لسانك ،، وتم التعديل


تحية طيبة

المشاركة الأصلية كتبت بواسطة الشعيفي (المشاركة 299055)

بسم الله الرحمن الرحيم

السلام عليكم ورحمة الله وبركاته

أُهدي لكم هذه القصيدة والتي لم يمر عليها أكثر من 24 ساعة

علها أن تنال إعجابكم أو بعضا منه ......

[poem=font="tahoma,5,,normal,normal" bkcolor="" bkimage="" border="none,1," type=0 line=0 align=center use=sp]الصدر ضايق والمعاني توارد = كنها طيور ظامية في ضميري

وقفت على كلمات شعري بتارد = واسقيتها من صافيات الغديري

من بعدها حب التعلي لها رد = قامت تحلق في فضاي وتطيري

ما بينها اللي مخلف الصف شارد = متنظمه والكل له خط سيري

ما بين ورد وبين زهرٍ تغارد = تهدي حبيبي نفحةٍ من عبيري

الناعس اللي ذكرها دوم وارد = كنها معي داخل كياني خشيري

اللي شعرها فوق الامتان فارد = يفرق عن شعور البنات الكثيري

يفرق كما فرق القمر عن عطارد = متسدلٍ ما كنه الا حريري

والمبسم اللي شفتينه موارد = للتوت لا صارت تكلم عصيري

والوسع فالعينين للشين طارد = والرمش متمثل بجنحان طيري

فالخد حمره كن قارصه عارد = والوجه كامل مثل بدرٍ منيري

والحضن أجيه إن غبت لحظات و أرد = يا كيف اطوّل غيبتي عن مصيري

وقت الشتا دافي وفالصيف بارد = لا ضمني ضمة عشير لعشيري

اما لباقي الوصف ماني بسارد = خوفي عليها من الحسد والجهيري

ما تشغل التفكير فيها شوارد = تفرض عليه الفكر لا جا يحيري

يا لعاذل اللي بالمفاتن تطارد = واخذت لك شيطان جنبك شويري

تسعى بفتنة معك شيطان مارد = لكن تراها مالها عشق غيري[/poem]
وسلامتكم ....

لا تحرموني ردودكم

وتقبلوا تحياتي

المشاركة الأصلية كتبت بواسطة ساري الليل (المشاركة 299272)

صح لسانك ياالشعيفي وبيض الله وجهك على هذه الجزاله وتقبل مروري

المشاركة الأصلية كتبت بواسطة عبيدالله المجيريشي (المشاركة 299275)

يا سلام عليك اخوي الشعيفي قصيد قيمه ورائعه هذا وهي على عجل ماشاء الله عليك و صح لسانك
تقبل مروري وتحياتي

المشاركة الأصلية كتبت بواسطة فهد الصماني (المشاركة 299288)

(((( صح لسااانك ))))

تصوير رائع وبيوت جزله من شــــــــــــاعر مبدع بيض الله وجهك أستمتعت بقراءتها


تقبل مروري وســــــــجل أعجابي 000000000


أخـــــــوك / أبو ضـــــــــــــــــــــاري

المشاركة الأصلية كتبت بواسطة بث تجريبي (المشاركة 299303)

[align=center]وعليكم السلام ورحمة الله وبركاته

صح لسانك وعلى شانك

أهنيك على خيالك الواسع أخوي الشعيفي



حسب معلوماتي المتواضعه إن كانت صحيحه العارد مايقرص

ولا كن يحق للشاعر مالا يحق لغيره

فما بالك إذا كان الشاعر أنت

أبسط حقوقك بعد

تقبل مروري وتقديري

ودمت مبدعاً




[/align]