المشاركة الأصلية كتبت بواسطة مطر الهذلي (المشاركة 303919)

السلام عليكم ورحمة الله وبركاته

[poem=font="tahoma,4,black,normal,normal" bkcolor="" bkimage="" border="none,1," type=2 line=0 align=center use=sp]واقلبي اللي من مكانه يتلي = تل الرشا للدلو من قاعة ألبير
والعين تسهر وأزرق الدمع هلي = والصدر ضاق وقلت يا خاتمة خير
من يوم غاب اللي قباله يسلي = لي شفت زوله مر بين المسايير
أشفق على شوفه وارحب واهلي = واقول ياربي تمسيه بالخير
واليوم راح وزاد همي وغلي = كن الحشا يقطع حد المناشير
واللي حصل لأهل المحبة حصلي = لا في يدي حيله ولا لي معاذير
لوعة فراق وعقدةً ما تحلي = ما هي حكاية ندهن السير ويسير
يا عود موزاً مال في وسط ظلي = ما يطرقه غير الهوى صبح وعصير
خليتنا نرجع على طير يلي = يوم القلوب ترف مثل العصافير
عهد ٍ قديم وسيرةٍ ما تملي = قاضينها بين الزهر والنواوير[/poem]