::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - .. معــــايده .. (https://hothle.com/vb/showthread.php?t=43466)

رد: .. معــــايده ..

شاااااااااااااااااااااعر متفرد في كل شي

اختيارك لهذا البحر المناسب للحدث بحد ذاته حس شعري نادر بين الشعار

صح لسانك يابو دخيل الله ,,,,,,,,,,,,والله يوفقك

رد: .. معــــايده ..

ونعم بالمادح والممدوح

ليت رب البيت علاَم السدود
عنه ينحي الشيب ويرده شباب

والعدايد والقصايد والردود
عن محل الطيب ماعنها حجاب

جعلها دايم وعيد الله يعود
بالمحبه والاناسه والثواب

صح لسانك ياشاعر الوصف الاول

لله درك

رد: .. معــــايده ..

بيض الله وجهك يابو دخيل الله بياض يشيع ويبدي كل ريع
وماعليكم زود والله ياهل النخوة والنعم في هذيل كلها والله

قصيدة أقل مايقال عنها بأنها شامخة بشموخ جبل كساب
ورائعة بروعة فارس الصحراء
وجميلة بجمال أخلاقة ورفعة شأنه

لله درك من شاعر تنقاد له القوافي طواعية لتنسج لنا أعجوبة من عجائب ابو خراش
التي تعودناها منه دائماً

والنعم فيك يابو دخيل الله والنعم في ربعي الفهدة وعز الله إنهم يستحقون المدح

رد: .. معــــايده ..

بيض الله وجهك وصح لسانك يافارس الصحراء وماعليكم زود

وماهذه الارائعة من ر وائعك سلمت يمينك

تقبل تحياتي

رد: .. معــــايده ..

صح لسانك فارسنا.. وعلا شانك وعلا شإن هذيل ,,,قصيدة من أجمل ما قرأت في الوصف ...تقبل مرورري كل عام وانت بخير أيها الفارس الشاعر ,,,

تحياتي الهنوف

رد: .. معــــايده ..

اقتباس:

المشاركة الأصلية كتبت بواسطة فارس الصحـراء (المشاركة 461144)

الاعزاء اعضاء وزوار مجالس هذيل الكرام
كل عام وانتم بخير .. وعيدكم مبارك ..

هذه القصيده كانت مشاركه ومعايده ,,
في حفل معايدة قبيلة الفهده من دعد من هذيل ..
الذي اقامه كلٌ من الشيخ / محمد بن لويفي الفهيدي
والشيخ / منيع بن هزاع الفهيدي

في البر من بادية ملكان .. والذي اقاموا فيه مسيره لهجنهم الاصايل , وعروض من الحداء والرجز , والتعشير , والمجارير , وقصائد النظم , والمحاوره

ياعظيم الجود ياخير معبود
فكَ في صدر السماء مثل الكتاب

باب عفو وباب خير وباب جود
وباب من غرَة هماليل السحاب

شيَ بيض وشيَ دهم وشيَ سود
مختلط فيها السحاب امع الرباب

من مزون ومن بروق ومن رعود
ياعساها مع قدوم الخير باب

في قرار وفي حرار وفي صمود
وفي تلال وفي جبال وفي هضاب

وفي فراع وفي تلاع وفي نفود
وفي رجوم وفي حزوم وفي شعاب

ركز نوَه مايحدَد بالحدود
وينكَسر وبله على ضفة( كساب )

ضلع ٍ مزمىً مسمىَ بالعدود
وفي رهاده يطَرد ضوح السراب

فــــ الوطى بارك مثل وصف القعود
وان دخلته مثل جنحان العقاب

شقَه الايمن من الورش معقود
وشقه الايسر عليه القوز ذاب

له دفوف وله كتوف وله حيود
وله طروق وله وسوق وله اوقاب

ديرةٍ بنة شجرها ريح عود
ومن جميع النبت كاسيها ثياب

وان سمر فيها من البارق عمود
وارتخى سبله ورى عدة وجاب

ترتعي فــــ حماه سمحات الخدود
العواد الحمر .. والحمر العراب

مرتع (الشرهات) فــــ ديار الدعود
الرجال اللي لها باب وجواب

عزوةٍ تلطم مقاديم الجرود
يوم زرقات الهنادي والحراب

فعلهم مشهود والعالم شهود
للخوي جنه وللغازي عذاب

وخصَ به ربعي عريبين الجدود
حضرة .. الآد الفهيدي.. والغياب

الفهود اللي حموا شعب الفهود
ووقـَفوا دونه رياجيل الصعاب

محمد لويفي عمى عين الحسود
راعي الوقفات .. عسَاف الركاب

في محلَه من خيار القود قود
زينة الغرَب صخيفات الرقاب

ومع وساع نحورها فجَ العضود
والخفاف اقضاف والجوشن قراب

وذكرها مشهود والاصل امعدود
ضمرٍ تزهى الاشده والزهاب

ذخر عودٍ .. مايهاب من الحشود
قاسي ٍ راسه وقلبه مايهاب

ان قلط بالشعر فالمحفل يزود
وان قلط فوق النضاء ودَا وجاب

وفي منيع الشعر براقه يقود
طيًب الوقفه وممدوح الجناب

عند ابن هزاع جعله فالوجود
عند قناص الجوازي والذياب

في يده مسلوبة ٍ شقراء عنود
من جلود الصيد كاسيها عضاب

كم جردها للسباع وللصيود
والخطاء منها ليا ثارت صواب

وساق من روس العرابا الحمر ذود
زينها راهي .. وزاهي بالخضاب

ذخر عود ٍ .. يوم صفقات الورود
ينذكر فعله .. ويحسب له حساب

ليت رب البيت علاَم السدود
عنه ينحي الشيب ويرده شباب

والعدايد والقصايد والردود
عن محل الطيب ماعنها حجاب

جعلها دايم وعيد الله يعود
بالمحبه والاناسه والثواب

كساب / جبل عظيم في صحراء ملكان من جبال هذيل سمي على ماء هناك بهذا الاسم
يتخلله اوديه وشعاب ووهاد ,, وله مناظر صحراوية خلابه في ايام الربيع ..

الشرهات / الابل المكتملة الجمال

صح لسانك وبيض الله وجهك

ليس غريب عليك هذه الجزاله

سنوووووووووووووود

رد: .. معــــايده ..

صح لسانك يابو دخيل الله ولك تحياتي

رد: .. معــــايده ..

صح لسانك يابو دخيل الله وماعليكم زود

جزاله معهوده وشاعريه مشهوده

وبيض الله وجيه ربعنا الاد عمي الفهده

رد: .. معــــايده ..

صح لسانك يابو خراش

شاعر علم نستمتع بقراءة ابداعاته

قصيدة قمة في الوصف والمفردة والتركيب

لله درك

ونعم بك وبالممدوحين

رد: .. معــــايده ..

ونعم بالمادح
ونعم بالممدوح
ربعنا دعد يستاهلون
القصيدة اكبر من أن أعلق عليها
لكن كما يقولون
اتيت لأسجل اسمي في لوحة الشرف
مبدع ياصالح

رد: .. معــــايده ..

صح لسانك اخوي صالح وكل عام وانت بخير

نص من أروع ماقرأت

يعطيك العافيه

دمت في خير

رد: .. معــــايده ..

صح السانك واعتلا شاك ولا هنت

انا اشهد انك قاموس المفردات الشعريه اللتي يفتقدها اكثر الشعراء

أجدت إجآدة غير طبيعيه .والنعم با المادح والممدوح

وكل عام وانت بخير

وتقبل احترامي وتقديري

رد: .. معــــايده ..

اقتباس:

المشاركة الأصلية كتبت بواسطة صالح الكعبي (المشاركة 461148)

في محلَه من خيـار القـود قـودزينة الغـرَب صخيفـات الرقـاب
ومع وساع نحورها فجَ العضـودوالخفاف اقضاف والجوشن قراب

الله الله يابو دخيل الله

وصف تفصيلي .. وذكرتني بالوالد الله يرحمه في مره من المرات كان يريد شراء قعود وكان مركز على هذه المواصفات .. لله درك ياشيخ

ولكن

هل تقصد بالجوشن : درع الحديد الذي يلبسه المحارب . أم ماذا ؟

قصيده أكثر من رائع وربعنا دعد يستحقون المدح .. نعم المادح والممدوح

ياحيالله صالح
مرحبا يابوخلود

مرورك يثلج صدري طال عمرك ..

وذكرتني بالوالد الله يرحمه في مره من المرات كان يريد شراء قعود وكان مركز على هذه المواصفات .. لله درك ياشيخ

ابوك يبا يسابق !؟ والا يباه للتلاجه :54:

الجوشن .. بارك الله فيه ( منطقة الصدر ) واللي يبا يحط درع يحط هههه

لاهنت ياصالح
على هذا المرور الكريم وهذا الشعور الطيب .. ولاعليكم زود ياربعنا

رد: .. معــــايده ..

اقتباس:

المشاركة الأصلية كتبت بواسطة عقيلي من هذيل (المشاركة 461166)

كل عام وانت بخير

مدبع يا ابو دخيل الله

صح لسانك وسلمت يمينك

كفيت ووفيت ونعم بالمادح والممدوح

قصيده جززززززله

تقبل مر و ر ي

صح بدنك
اخوي الغالي وصل الله

ولاهنت طال عمرك على هذا المرور الجميل
وهذا الشعور النبيل

رد: .. معــــايده ..

اقتباس:

المشاركة الأصلية كتبت بواسطة عز الرفيق (المشاركة 461178)

و النعم بالمادح و الممدوح ...

.
.

ياعظيـم الجـود ياخيـر معبـود
فكَ في صدر السماء مثل الكتـاب
باب عفو وباب خير وبابجـود
وباب من غرَة هماليـل السحـاب
شيَ بيض وشيَ حمر وشيَ سـود
مختلط فيها السحاب امع الربـاب
من مزون ومن بروق ومن رعود
ياعساها مع قـدوم الخيـر بـاب
في قرار وفي حرار وفي صمـود
وفي تلال وفي جبال وفي هضـاب
وفي فراع وفي تلاع وفـي نفـود
وفي رجوم وفي حزوم وفي شعاب
ركـز نـوَه مايحـدَد بالـحـدود
وينكَسر وبله على ضفة( كساب )

...
اللهم أمين و على بلاد المسلمين أجمعين ...
إستهلالية رائعة و استغاثة من قلب شاعر
.
.
لله درك يا أبو دخيل الله
وش أقول ... قصايدك أكبر و أعلى من الرد المستعجل

شمولية متعاليه ... لها وقع الغيث في قلوب عشاق الشعر الحقيقي

و الله إن الشعر يفخر بك و يماري بشعرك
.
.

ماعلاكم زود يابوعباد
والكبير الله طال عمرك

لاشي يعلوا على محبة ربعنا الغالين
فلهم نصخر الحروف غلا واجلال ..

مرورك مطر
وكلامك درر

لاهنت اخي الغالي عزالرفيق
على هذا التعليق البهي