::{ مجالس قبيلة هذيل }:: موقع يهتم بتراث القبيلة ومفاخرها
صفحة 2 من 3 1 2 3
عرض 15 مشاركات من هذا الموضوع لكل صفحة

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس الشعر الشعبي (https://hothle.com/vb/forumdisplay.php?f=15)
-   -   شآعر في ورطة . . . . ( عقيلي من هذيل ) (https://hothle.com/vb/showthread.php?t=47476)

عقيلي من هذيل 03-27-2011 03:20 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة قرناس بني ياس (المشاركة 515577)
مرحبا مليون يا بو عيضة
اقتباس:
المشاركة الأصلية كتبت بواسطة قرناس بني ياس (المشاركة 515577)


مرحبا ترليووون يارايد وحياك الله


لا هنت يالذيب بيتين عن المقناص


في ديرة هذيل الكرم ذرب الايمان
إلي ليا جا الضيف ياحي حيه
شفت الحجل شفت القهد شفت وبران
شفت الارانب شفت درب المطيه
الصيد حاصل لوهو من غير نيشان
بس انت تعرف تمسك البندقيه



شكرا لمرورك اخي رايد


عقيلي من هذيل 03-27-2011 03:39 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة حامد السالمي (المشاركة 515581)
ألف شكر أخي العزيز تيك أوف
اقتباس:
المشاركة الأصلية كتبت بواسطة حامد السالمي (المشاركة 515581)

كل الشكر لـ تيك اف

وتحية وتقدير لأخي عقيلي من هذيل

هلا ومرحبا بك يابو خالد





س/ عرفنا على الشاعر عبدالله المسعودي ؟



مرحوم ياعبدالله المسعودي

يامعجزه تشهد بها العربان

يامنهلٍ دايم عليه ورودي
من طيب عده يروي الضميان
لاواوجودي لو تفيد وجودي
عليك ياالنادر وياذيبان







س/ وصيتك لشعراء هذيل المشاركين في مسابقة شاعر المعنى 2 ؟



هذيل ماتحتاج من يوصيهم

وشعارنا منسب ومنبع طيب

لاكن ربعك وش تبا تعطيهم
لهم عليك حقوق وانته ذيب
صوت ترى تصويتك يعليهم
رشح ولا تبخل بما فـ الجيب








تحياتي وتقديري ،،،

جــ التحايااا ــل

عقيلي من هذيل 03-27-2011 03:59 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة أبو عمار (المشاركة 515584)
اشكرك ياتيك أوف
اقتباس:
المشاركة الأصلية كتبت بواسطة أبو عمار (المشاركة 515584)

ويامرحبا يابوعيضه

هلا بك يابو عمار الله يحييك

س 1

ماذا تعنيلك شرائع النخل







ديره من الصغر ساكنها

حي الشرايع يامحلا الحي

الله محلا مساكنها

ويازين تحت النخيل الفي
هويت انا كل اماكنها
من ظلعها لامياه الري
س2
وماذا تقول فـ معمر القذافي
بعطيك انا زبد الكلام
اللي وضح مثل الكهارب
الرجل هذا مو تمام
لو قالو ان اصله محارب
إما يعاني انفصام
والا فيوز المخ ضارب
ينصب ويطوي في الخيام
وفكل ديره له مظارب
وإلى الأمام إلى الامام
ياليبيا والوضع خارب
ونادوا بإسقاط النظام
شعبه بعد ماصار كارب
نكبت شعبك ياحرام
وانته على هـ الوضع طارب
وجاك العدوا بسم السلام
اللي معانا له تجارب
وحلف الشمال اليوم قام
والكل منهم له مأرب
والرمي من تحت الحزام
ثم غثربوا كل المشارب
روحت جعلك للعدام
ونجمك خلاص اليوم غارب

شكرا لمرورك ياسعد

عقيلي من هذيل 03-27-2011 04:40 PM
رد: شآعر في ورطة . . . . ( عقيلي من هذيل )
 

لي عوده بإذن الله للإجابه على باقي الاسئله

دم تم في حفظ الرحمن

بن قاسي الهذلي 03-27-2011 04:54 PM
رد: شآعر في ورطة . . . . ( عقيلي من هذيل )
 
متابع ياعقيلي واصل الله يقويك

لي عوده تليق بك

عقيلي من هذيل 03-27-2011 10:06 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة رايد الهذلي (المشاركة 515669)
مرحبا ومسهلا ..



يا الله حيه ..
هلا يابو سليم يامرحبابك
يابو عيضه تعرف بيننا صحبه قديمه و لنا اصحاب انقطعو عنا وانقطعنا عنهم ..

س\ اين نحن من هذيك الايام الان ؟


الله يذكر ذيك الايام بالخير
يوم اجتمعنا كلبونا رفاقه
اصحاب في وقت الرخا والمعاسير
صداقةٍ يازينها من صداقه
يازينهم لامن لفوني مسايير
واشفق على الممشى معاهم شفاقه
ايام راحت كنها فيت عصير
ووقتٍ علينا مثل موس الحلاقه
وربيع وقتٍ قافيته المعاصير
وبعد العسر لابد فيه انفهاقه
ولابد للصاحب ترى من معاذير
كلٍ لرزقه قام ثم مد ساقه
وانته قريب ولاحصل منك تقصير
وحبل الوفا عندي وعندك وثاقه

س\ من يتابع من الشعراء بهتمام وصل الله العقيلي الان ؟

اخاف اقول فلان وانساك يافلان
لاكن منهو يسمعك يستمعلي
المجتمع واحد وانا وانته اخوان
نفس التوجه فعلك تقول فعلي
....


احترامي

كل الود والتقدير لك يارايد

عقيلي من هذيل 03-27-2011 10:16 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة بن عادي (المشاركة 515687)
يامرحبا يامرحبا يامرحبا بالشاعر الخلوق وصل الله العقيلي الهذلي

يالله حيه يامرحبا يامرحبا

هلا حياك الله ياعـمـر
انت جيت صبيرك ؟

ياالله يامعين

لي عوده لطرح الاسئله

هلا بك في اي وقت وبأي سؤال يابو عبيد
تيك شكراً ياعسل
كل الشكر لـ تيك اوف
اطيب تحيه يابن عـادي

حماس 03-27-2011 10:29 PM
رد: شآعر في ورطة . . . . ( عقيلي من هذيل )
 
ما شاء الله

أبدعت يا عقيلي

يعطيك العافية

عمر العميري 03-28-2011 03:01 PM
رد: شآعر في ورطة . . . . ( عقيلي من هذيل )
 
س\ ماهو افضل برنامج تابعته فالاذاعه ؟

س\ ماهو افضل برنامج تابعته فالتلفاز ؟

عقيلي من هذيل 03-28-2011 07:24 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة الشعيفي (المشاركة 515886)
مرحبا بك أخوي العقيلي
اقتباس:
المشاركة الأصلية كتبت بواسطة الشعيفي (المشاركة 515886)


هلا يامرحبا بك

يا أخي والله إني أحبك في الله وأنا ما أعرفك ...



احبك الله اللذي احببتني فيه
والله ان هذي فخر لي يا الشعيفي ان يحبني في الله شرواك من اهل العلوم الغانمه
الله يبيض وجهك



وأسأل الله أن يعينك على هذه الورطة ....لكن أنت قدها




ان شا الله اني قدها وان شا الله مافيه ورطه




أما الأسئلة فهي كالتالي :




س / أين تسكن وبالتحديد ؟




ساكنٍ فـ الشرايع من زمانٍ قديم
كانت ام النخيل إن كان شفت النخيل



شرق مكه وبالتحديد والله عليم
خمسه وعشرين كيلو وانت ناصي هذيل



س / بيتين في جبل النور الله لا يهينك ...:swaffff:



يكفيه فخر ان الرسول اعتكف فيه
ويكفيه فخر ان الرساله بدت منه



يوم اول الايات تزل فـ عاليه
على نبينٍ جعلنا فدوةٍ عنه

شكرا لمرورك اخي الشعيفي
دمت في حفظ الرحمن

عقيلي من هذيل 03-28-2011 07:33 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة عماد الهذلي (المشاركة 515936)
ماشاء الله جميل هذا التفاعل

الله يبيض وجيه الاعظاء الكرام

والأجمل شاعرية شاعرنا الرائع

الاجمل و الرائع هو مرورك ياعماد الشعر

سأعود إن شاء الله


حياك ربي في اي وقت

ويامرحبا بك شاعرنا عقيلي من هذيل

ياهلا ويامرحبا بك ياعــمــاد

دمت في حفظ الرحمن

عقيلي من هذيل 03-28-2011 07:49 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة عز الرفيق (المشاركة 515962)
أهلا اهلا . . . و فرصةسعيدة طال عمرك





.حياك يافيصل
. الله يسعدك يارب

1) . . . الثلوثية و أصحاب الثلوثية يستحقون منك كم بيت . . .


اهل الفصاحه والبلاغه والفراسه والقصيد
واهل العلوم الغانمه ربعي هل الماضي المجيد

حطو وعدهم فـ الثلوث وفي لقاهم يوم عيد
جلسه على وضح النقا واهل النقا دايم هذيل


2) . . . من وجهة نظرك لماذا نجد أن كل هذلي يعشق الرمي و القنص . . . ؟

خلقت فـ الدنيا على صوت قناص
واكثر لعايبنا الفشق والعباريد

طفلٍ صغير ولعبته كومة رصاص
حي الطفوله ياحياة المقاريد

ماغير رد جفارنا واركب الشاص
واليا طفشت اركز لنا عالي الحِيد

وفلان رميه حاص وفلان ماحاص
وفلان شاري من خيار البواريد

والورع فـ الشعبان كنه فلقفاص
ودايم يدينه للرمايه مجاريد

مفكر انه للرمي منخلق خاص
مخه تبرمج من رجالٍ اجاويد

الطفل ينشأ نشأت الاب مافاص
عن درب من ربوه لا يمكن يحيد

لاكن يابن عباد ماعندك رصاص ؟
عندي تحدي في ديار المساعيد
شكرا لمرورك ياعز الرفيق

دمت في حفظ الرحمن

عقيلي من هذيل 03-28-2011 07:56 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة بن قاسي الهذلي (المشاركة 516129)
متابع ياعقيلي واصل الله يقويك


حياك يابن قاسي

سررت بمتابعتك والله يعطيك العافيه

لي عوده تليق بك

الله يرفع قدرك يابن العم
شكرا لمرورك الكريم

عقيلي من هذيل 03-28-2011 08:03 PM
رد: شآعر في ورطة . . . . ( عقيلي من هذيل )
 
اقتباس:
المشاركة الأصلية كتبت بواسطة حماس (المشاركة 516175)
ما شاء الله
اقتباس:
المشاركة الأصلية كتبت بواسطة حماس (المشاركة 516175)


أبدعت يا عقيلي


الابداع لايكتمل الا بمروركم ومشاركتكم

يعطيك العافية

الله يعافيك ويخليك



سررت بمرورك
جــ التحاياااا ــل

هذلية نجد 03-29-2011 12:24 AM
رد: شآعر في ورطة . . . . ( عقيلي من هذيل )
 


عقيلي من هذيل صــح لــساانك وعـلا شـأنك أبدعت بماا نثرت وليس غريب عليك الإبداااع


متااابعيينك بشغف الله يعطيك الصحه والعاافيه ..


الساعة الآن 07:53 PM
صفحة 2 من 3 1 2 3
عرض 15 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل