رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

مرحبا يا عقيد والله يحييك :HeartSpin6: :HeartSpin6:


ومن سلام إلى ملعبة :waaady34:

وأقول يا عقيد :
ليا منك بغيت البحر بتلقى من يعومونه

عموما واصلوا والله يقوي كل واحد على صاحبه :waaady37:

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

السلام عليكم ورحمة الله وبركاته.
واقول ونعم لكن يالسنافي شفت نجم سهيل
تبا تبطي عظم ماتاصله وتطيح من دونه...

الصدق اني كنت متعجل شوي والميم قريبة من النون ..يعني خطأ إملائي المعذرة من شاعرنا..

أستاذنا سلطان الله يخليك ويكرمك ..
أخوي أبو حمدان ماعليك زود والعقيد شاعر وأخوك عليمي ..

للجميع تقديري.

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

خلوووووووووووووووووها

علومي يالهجومي مجد ابو مع جد وقت الخيل
وربعي لا عتزوا عبـــاد بالميقاف يحمونه
انا ماسب خنذف مير الاجرب بطرده يا شعيل
واعزله عن فحول الذود قدم الناس يطلونه

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

اقدم الشكر الجزيل لكل من عطر هذه الصفحة بمروره الكريم
واطلالته البهية ...

اخواني اعضاء منتدى قبيلة هذيل العريقة
تقبلوا جزيل شكري وفائق تحياتي ،،

اخوكم

العقيد

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

السلام عليكم ورحمة الله وبركاته.

ونعم اقولها مليون بس اصبر وشد الحيل
وحنا كم رجل فالمواقف نعمي عيونه ..
لكن الخيل به خيل لحرب وخيل حط وشيل
ولو يعجبك سرج فوقها ماهي بمضمونه ..

السالفة قصيد اخوي العقيد ولا هنت يالغالي أخ وعزيز.

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

بيض الله وجهك يمشعل بيوت رد من الطراز المسعودي
بارك الله فيك

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

ما يحتاج يا اخوي مشعل الهذلي الدعوى مزووح وعلوووم تروح
وترى صاحبك صدره شمالي
وانت ايضا اخ عزيز وغالي يابن هذيل
وانا ما قلت غير ان الدعوى قصيد واستلم

على السنة بلا منــَــه وهذا ناتج التحصيل
هذيل اطيب هل الاقوال في قولٍ يقولونه

تقوله وانت وضعك عند ربعك وضعك التحميل
بعد حملتكم يا هذيل حملٍ ما تشيلونه

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

الله الله المحاوره شاده



متابعين لكم

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

السلام عليكم ورحمة الله وبركاته.

أنا احمل صحيح وجيت باحملك حمل ثقيل
وترجع لاصلها لو صاحبي غير من الحونه
وانا بنصحك لا تمسي ولا تصبح بدرب السيل
يبا ياخذ مراحك ويحفر عن كل مدفونه

أخوي مشهور الله يعطيك الصحة على المتابعة ماعليك زود.
أخوي هذلي نحاول نتعلم ....القصيد مايجي الا مباشرة اخوي هذلي أنا ماتكلم عن نفسي لاني مجرد محاول على قدي بس اقصد كل من يبدع تحددون له ليلة ..مع خصمه.
العقيد صحيت يالذيب.

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

خلوووووووها

تحمَل ميم مشدودة وفتحتها كما الاكليل
وشفنا للفصاحة حبل هذلانك يشدونه

علامك تسبق المفتين بالتحريم والتحليل
نصايح فاجرين الدين يالهذلان ملعونه


العقيد صاحي ما رقد يامشعل

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

السلام عليكم ورحمة الله وبركاته.

انا ادري قلبك اطيب من نسيم هب تالي ليل
وربعي لاتقدم رجل مثلي مايوصونه ...
تعال وعل من عد قراح وخل قال وقيل
وربعي لا لقوا مثلك عمى لازم يقدونه..

أنا اشهد يالعقيد ...

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

وربعي لا لقوا مثلك عمى لازم يقدونه..

كفو يا مشعل

انا اشهد انك كفو

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

[glint][align=center]وربعي لاتقدم رجل مثلي مايوصونه ... [/align][/glint]




[align=center]كفو والف كفو يامشعل بيض الله وجهك[/align]

رد: اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"
 

خلوووووووووووووووووووها

استلم يا مشعل هذيل

عسى الله يغفر اذنوبك بعد مازدت فيك الكيل
ترى يدّيك فيها والخرابه منك مصيونه
عزمت الصادر الوراد وعدودك تبى تقبيل
ومفتاحي ليا جبته فتح بـــابٍ تصكونه