|
رد: ام الخلايق كيف ما ترحم قوي ولا ضعيف ( للعموم )
هالله هالله
الله وكبر يا عقيد أحوالكم صارت تخيف **** ما أدري علامك تاكل الحلوه وتنكر نوعها أظننا بنزّل الرتبه وبنردك عريف **** ونذوّقك مر الحياه وهمها وفزوعها هلا والله بالأخو العزيز مشعل الهذلي |
رد: ام الخلايق كيف ما ترحم قوي ولا ضعيف ( للعموم )
مــــــــــــــــــــــــ ـــــــــــــع الله
يعني لأنك ضعت بالدمام ما تدخل لعفيف 000 حتى امتلت بطنك بحزنك واستمر بلوعهــــا منته من الاسرة مجرد شاعر اهذيلي ظريف 000وان قلت ابن عبــاد كل العافيه بتزوعها مرحبا مليون يا مشعل ... |
رد: ام الخلايق كيف ما ترحم قوي ولا ضعيف ( للعموم )
التعديل طاف وتوني انتبهت يا هشام
والبيوت هي كما يلي : يعني لأنك ضعت بالدمام ما تدخل عفيف 000 حتى امتلت بطنك بحزنك واستمر بلوعهــــا منته من الاسرة مجرد شاعر اهذيلي ظريف 000وان قلت ابن عبــاد كل العافيه بتزوعها |
رد: ام الخلايق كيف ما ترحم قوي ولا ضعيف ( للعموم )
حياك الله يا القرم يا ابن عباد
تهرج بها وأنا ملقمكم من أطراف الرغيف **** ودياركم يشهد عليكم غصنها وطلوعها أنا هذيلي والهذيلي ما يجي علمه خفيف ****صليب رايٍ لا ألتوت حوله يطش جموعها |
رد: ام الخلايق كيف ما ترحم قوي ولا ضعيف ( للعموم )
مــــــــــــــــــــــــ ـــــــــــــــــــــــــ ــع الله :
نفعل بها والهرج لامثالك على الفرسان ريف 000واليوم واحد فيه يكمل شهرها واسبوعها وانا مطيري والمطيري هابه السيف الرهيف 000 ولاّ انتم الخنجر مع السكين هبتم كوعها |
رد: ام الخلايق كيف ما ترحم قوي ولا ضعيف ( للعموم )
هالله هالله
يبست عروقك يا ولد عباد وأخطيت الكليف *** بعض العلوم الغابره لا كثر الله نوعها نعمين فيك وعزوتك عزوه ومعدنها شريف *** وهذيل ما تحتاج من يشهد على مصنوعها |
رد: ام الخلايق كيف ما ترحم قوي ولا ضعيف ( للعموم )
اخي وعزيزي الشاعر هشام الهذلي
صح لسانك وتشرفت باللعب معاك وانا هالحين النوم جاني وبكرة الصبح علي دوام ولنا لقاء آخر باذن الله وتراها مزوح وعلووم ترووح تقبل تحياتي ،،، اخوك العقيد |
رد: ام الخلايق كيف ما ترحم قوي ولا ضعيف ( للعموم )
هلا وغلا بالشاعر والأخ العزي العقيد
وصح لسانك أنت بعد كل اللي أقوله اللعب مع أمثالك مكسب ويعلم الله إنها أول مرة ألعب القلطة والنعم فيك با ابن عباد والنعم في مطير كلها نومة العوافي إن شاء الله ولا تغيب علينا حنا ننتظرك |
رد: ام الخلايق كيف ما ترحم قوي ولا ضعيف ( للعموم )
السلام عليكم ورحمة الله وبركاته.
الصدق أني أنشغلت وخرجت ماقدرت أتابع المحاورة المعذرة.. بيض الله وجيهكم جميع.. هذا وأنت ياهشام اول مرة تقول رد الله يخارجنا.. والعقيد عقيد ...أنا اشهد.. لكم تقديري.. |
رد: ام الخلايق كيف ما ترحم قوي ولا ضعيف ( للعموم )
وعليكم السلام ورحمة الله وبركاته
هلا والله أخوي مشعل عذرك معك وأنا أخوك ويعلم الله أنها أول مرة لكن اللي يلعب مع العقيد لابد يطلع منه شي مشكور على المرور ما قصرت |
رد: ام الخلايق كيف ما ترحم قوي ولا ضعيف ( للعموم )
محاوره رائعيه من شاعرين رائعين
و يا ابو سعود عيني عليك بارده و الله يحفظك لك مستقبل بس انت واصل المسيره ولا هان اخوي العقيد تحياتي ,,, |
رد: ام الخلايق كيف ما ترحم قوي ولا ضعيف ( للعموم )
هلا وغلا
بمراقبنا الغالي أبو سعد ووصيتك على عيني وراسي وأنا أخوك ونسأل الله التوفيق سلمت على مرورك الكريم |
رد: ام الخلايق كيف ما ترحم قوي ولا ضعيف ( للعموم )
وينكم ما تخبروننا عن الموعد؟
محاوره بوزن هذه المحاوره حرام ما يحضرها جمهور شرهتنا على اللشعار المفروض يعزموننا نتفرج ونشجع العقيد منت بسيط هشام عيوني الثنتين عليك بارده وتراها جاتك هديه فاقبلها لا هنت كفيت ووفيت ونعم فيكم جميع والله |
رد: ام الخلايق كيف ما ترحم قوي ولا ضعيف ( للعموم )
محاورة من الوزن الثقيل جداً لكن ليش ماأعلنتوا عنها على شان نحضر ونشجع ؟
العقيد صح الله لسانك وبارك الله فيك ووجودك مكسب لنا أخي الغالي هشام مافيك حيلة وبيض الله وجهك أنا أشهد إنك شاعر ومتمكن وين الموهبة هذي من زمان ياخوي أنت شاعر نفتخر فيك ولك مستقبل زاهر بإذن الله لكن نود منك المواصلة والحضور المتميز دائماً في الحفلات وابشر بالمساندة . |
رد: ام الخلايق كيف ما ترحم قوي ولا ضعيف ( للعموم )
هلا وغلا أبو بسام
والله حنا ما أعلنا والسبب إنها كانت مفاجئة من أخوي العقيد دخل بالبيتين على طول وكنت موجود ورديت عليه وبدأت المحاورة وسامحونا أما عيونك وأنا أخوك هدية غالية وما تنرد بس متى تجيبها <<<<<<<<<<<هههههههههههههههه أبو حمدان هلا وغلا يا لغالي اي والله صح لسان العقيد اللي نشف ريق ومن جد وجوده معنا مكسب وأما بالنسبة لأخوك هشام عز الله ماش ذاك الزود الدعوة كلها محاولات لكن أن جات حفله أخذتك معي والله الله بالصف |
| الساعة الآن 12:41 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل