::{ مجالس قبيلة هذيل }:: موقع يهتم بتراث القبيلة ومفاخرها

- مجلس الشعر الشعبي (https://hothle.com/vb/forumdisplay.php?f=15)

- - إهداء للأخ الشاعر مازن الهذلي (https://hothle.com/vb/showthread.php?t=24410)

رد: إهداء للأخ الشاعر مازن الهذلي

حنا هذيل الي ليـا جـــــات الشـدايد مـا نحـــيد
نعــرف دروب المرجـله قـدام لا نرقــى لهــا

صح لسانك يافهد والله

والف شكر على النقل اخي الخيال

بيض الله وجهك

رد: إهداء للأخ الشاعر مازن الهذلي

اقتباس:

المشاركة الأصلية كتبت بواسطة هذلي والفخر لي (المشاركة 249789)

صح بدنك اخوي هذلي والفخرلي

شاكر لك مروك الجميل

دمت كما تحب

رد: إهداء للأخ الشاعر مازن الهذلي

قصيده رائعه من شاعر اروع ومازن يستاهل اكثر ومشكور اخوي الخيال وتحياتي للجميع

رد: إهداء للأخ الشاعر مازن الهذلي

اقتباس:

المشاركة الأصلية كتبت بواسطة الخيال (المشاركة 245360)

السلام عليكم ورحمة ا لله وبركاته

في اول حضور لي في المنتدى في قسم الشعر الشعبي

وأول مشاركة لي بقصيدة وهي قصيدة

للشاعر / فهد بن محمد بن عالي البقيلي الهذلي وهذه القصيدة

قيلة في مناسبة زواج الشاعر الشاب / مازن عبدالله البقيلي الهذلي

والقصيدة هي

[frame="7 60"]
الليلـــــة الفرحـة تسـاوي ليلـة العيــد السعيد
وانوارهـــا زادة بمقـدم كـل مـن لبـا لهــا
ولا الصراحة وش يفيد البنك من دون الرصيــــد
وانتم رصيد حساب فرحتنا وروس اموالها
وان قلتــهـا مـاني بقـايلهـــا ســوالف مــا تفيـد
وش فايدة كـل الرجال الا بصـــدق اقوالها
يامـرحبــــا مـا زانت احـروف القصــايد بالنشيـد
ترحيبـــة بالـــزعفــــران مبهــرات ادلالهـا
عد السحـاب الـــي تلاقـا وانهمر فوق الصعيــد
واسقا ربـــوع اديـــارنا بسهـولهـا وجـبالهـا
من شـاعر رحب وصـاغ الفـكر في بيت القصيـد
طوع حروف الشعر من شان العريس وقالها
مازن ليا بانت علــــوم الطــــيب والعـلم الأكيــد
يافرحــة الملهـوف لا صكـت عليه اقفــالهــا
من راس قـوم المعرفة والعـز والرأي الســديد
سمو البقيلي والعرب تفخـر بفعـل رجــالهـا
حنا هذيل الي ليـا جـــــات الشـدايد مـا نحـــيد
نعــرف دروب المرجـله قـدام لا نرقــى لهــا
في ذمـة التاريـــخ والـمله ليـا بـوم الـــوعيــــد
تاريخنا سيــرة وفـا تحـكي صفــات ابطــالها
تشهد لنا صحبة رسـول الله في الماضي التليد
والشعر عند هـذيل حمسه مـا برد فنجــالها
ولا الفصـاحة واللغة فيـنا من لطفـــل الـــوليد
حكمـة وتبـقى ثابته نمشي على منــوالهـا
ولا مهــــونه بالقبـايل مـن قـــريب ومن بعـــيد
مـا ابنقص الكـيلــه ونا الي عارفــاً مكيالهــا
والفخـر مـا بين القبايل ما هـو بالشي الجــديد
من سابق الأزمان ورث اســـلافهــا لأجيالها
يا مرحـبـــا واللــيلـه الفرحـة بمقـدمكم تــزيد
انتــم هــل الحـله ودبـــرتنـا عـلى نـزالهـا
والله يتمــمهـا ويـــفعـل مـا يـحــب ومــا يريد
والله يعـز الـدين والـدنيا ويصــلح حالـــهــا[/frame]

جزاله شعريه

لايجيدها الى

الشاعر فهد البقيلي

وهوا من الشعار الذي تفخر بهم القبيله

شكر من القلب

والممدوح يستاهل المدح

رد: إهداء للأخ الشاعر مازن الهذلي

اقتباس:

المشاركة الأصلية كتبت بواسطة الخيال (المشاركة 245360)

قصيده رائعه يستاهل الممدوح مازن البقيلي

وحقيقه قرات بعض الملاحظات ولكل قارئ وجهت نظر

مما يلاحظ في القصيده مثلا انها بدأت بأبيات في مدح أصحاب المناسبه وبعدها في البيت الرابع عاد ليرحب واستمر في الترحيب ثم عاد بعد ثلاثه أبيات لمدح أصحاب الاحتفال
في وجهة نظري الخاصه أن القصيده لو تم ترتيبها بشكل افضل لحسن مستواها

رغم انها قصيده رائعه وتتميز بأبيات عده جميله ورائعه

حنا هذيل الي ليـا جـــــات الشـدايد مـا نحـــيد
نعــرف دروب المرجـله قـدام لا نرقــى لهــا

انا أشهد

تقبل مروري وتحياتي لك