المشاركة الأصلية كتبت بواسطة فارس الصحـراء (المشاركة 339887)

بسم الله الرحمن الرحيم


السلام عليكم ورحمة الله وبركاته


اعزائي الكرام ..

بمنتديات الإباء والشموخ ( منتديات هذيل )


اهدي لكم .. هذه المعايده .. عسى أن تنال اعجاب ذائقتكم الرفيعه ..


الوطن قصيدة ( حب وولاء وعتاب )



[poem=font=",6,green,bold,italic" bkcolor="transparent" bkimage="" border="none,4,white" type=2 line=1 align=center use=ex num="0,black""]
وطن ماني غريب وما الغريب إن جيت اطق الباب = ابا ارد السلام وحااااجتي ماني بقايلها


انا ماني ولد من يسحب المشلح رياء واعجاب = مضرَا له بــلقمه مايروَح لين ياكلها


انا نسل الرجال اللي نهار الموقف الغصاب = تقف دون الوطن بافعالها اللي ماتخجَلها


نهار ان المدى مايحتمل صادق ولا كذاب = مايقلط دون هيبات الرجال الا فعايلها


طرف ليل .. وصلف خيل .. ومنايا وارده .. واسباب = ودقلات الجموع بروقها تسبق مخايلها


تحت هيبة سيوف .. وروس شلَف مجهزه .. وحراب = توخَرها .. مقابيس البلا .. والموت فأولها


جموع تفك فــــصفوف الجموع المقبلات كتاب = تيامنها .. عن الموت الحمر .. والا تشاملها


بنو مثل الجبال من الولاء .. بيت .. وعمد .. واطناب = تبا تعجز براكين المشاكل ماتزلزلها


محبه والمحبه ماتبا .. حبر .. وورق .. واسهاب = تبا وقفة شرف تستنهض الدنيا وتذهلها


وطن عندي وصايه لك وحافظها من الشياب = امانه والامانه .. من تحمَلها تحمَلها


ترانا تحت حكم الشرع دونك مانحسب احساب = مراسيل العصاه .. اللي يبيَنها تعاملها


تحت راية ملوك ٍ للوطن درع .. وحجا .. وحجاب = نعاهدها على الدين الحنيف ولا نبدَلها


وطن منته .. دماء .. والا سماء .. والا بحر .. وتراب = تراك اكبر من اوصاف الحياه اللي نخايلها


وطن جيتك !! وانا من حبي الصادق عليك !! اعتاب = وقد قال المثل ... من حب نفس ٍ ما يجاملها


ابا صارحك من باب الغلا .. لن صكت الابواب = مواكير الحرار .. اهل القدايم .. لاتجاهلها[/poem]




لكم أعذب التحايا ..

المشاركة الأصلية كتبت بواسطة سلطان هذيل (المشاركة 340125)

المشاركة الأصلية كتبت بواسطة مطر الهذلي (المشاركة 340238)

صح لسانك يا فارس الصحراء لا نملك الا ان نقول هذا لك ولامثالك من المخلصين لوطنهم

المشاركة الأصلية كتبت بواسطة خالد الياسي (المشاركة 340306)

وعليكم السلام ورحمة الله وبركاته

ما شاء الله تبارك الله

ما ينلام من دق التحيه لهذه الرائعه

صح لسانك ابو دخيل الله وبيض الله وجهك

شكرا فارسنا الموقر..

المشاركة الأصلية كتبت بواسطة العود القماري (المشاركة 340356)

وعليكم السلام ورحمة الله وبركاته
صح لسانك يابو دخيل الله مدد بلا عدد
والوطن يستاهل المزيد لا هنت

المشاركة الأصلية كتبت بواسطة أبو حمدان (المشاركة 340549)

ترفع مرات ومرات

المشاركة الأصلية كتبت بواسطة عز الرفيق (المشاركة 340710)

نبض الوطن ...

نبض مواطن

أي حب بلا عتب

و أي شعر بلا صدق


هذه الفاتنه

استلمت القلوب ربما لأنها خرجت من القلب

فيها صدق مشاعر و شعر رهيب

العتب هنا أتى دلاله على صدق الحب

كما أتى سبق في الوطنيات


,
,

صالح المطرفي

فارس الحرف

لله أنت و لله ما تكتب

كأنك ذات الشعر

المشاركة الأصلية كتبت بواسطة أبو عمار (المشاركة 340725)

بيض الله وجهك يابو دخيل الله

على هالنص الرائع

صح لسانك مدد بلا عدد

تقبل مروري واعجابي بشعرك الجزل

المشاركة الأصلية كتبت بواسطة فهد الندوي (المشاركة 340762)

صح لسانك يابو دخيل الله ......... قصيدة جزلة من شاعر جزيل

المشاركة الأصلية كتبت بواسطة ابن مغبش (المشاركة 340765)

ماشاء الله تبارك الله صح لسانك مدد بلا عدد وبيض الله وجهك

والله اكبر يابو خراش عزالله انك جبت قصيده وطنيه احيت الاحساس الحقيقي للوطنيه باسلوب

شاعري عذب ومتمكن كل بيت قصيده وكل وصف عالم من الخيال الجميل الذي يجعل المتلقي وكانه

يتابع مشهد حي بكل مافيه من صوت وحركه انا اشهد انك شاعر الوصف الاول وبلا منازع

صح لسانك يابن العم ويافخر القبيله وكل عام وانت بخير وصحه وسلامه واعذرني على المرور

المتاخر الذي هو من سوء حظي فلم اجد هذه الدره الا عند كتابتي لكلماتي هذي التي لم توفيك حقك

وما اشعر به من مشاعر الاعجاب لما قدمت اشكرك مره اخرى وصح لسانك .