ياشين وقتك لي رمابك على لاش=وانته على سبل الرياجيل ماشي
وياشين حظك يوم يقفي وينحاش=ولياك في عيون الرماهين لاشي
وياشين قلب(ن) لزرق الدمع ينهاش=قلب(ن) ضعيف ولتمسكن هشاشي
وياشين حبك لي توقف على ماش=وتسير في نهاية طريقك ولا شي
وياشين ضحكت كل خادع وبكاش=هاذاك جثه مادخلها مشاشي
وياشين من وده من الكذب يعتاش=ماعمر رجال(ن) على الكذب عاشي
وياشين صحبة كل ماكر وغشاش=الي يطاوع كل نمام واشي
والذيب مايقلط على سور وعراش=والنمرمايبقى وراه العراشي
لاكن خذها ياسود الوجه بي الكاش=ترا معاشك مايسمى معاشي
عدا سحاب الصيف هتان ورشاش=ولا لحقني من سحابه رشاشي
والى انت يلي قلبك ابيض كما الشاش=ابقى معك يامسندي زند واشي
ابشر وتلقى راس رجال لي شاش=يفزلك طنخه ونخوه وجاشي
وانا حياتي ماتوقف على لاش=احيا حياه ابعز والى بلاشي

ابيات رائعه وقصيده جزله وبيض الله وجهك وصح السانك ونتطلع لجديدك يا
ذيـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــب
وبأمانه هذا هو الشعر وإلا فلا

يعني اذا ما وظفناه في معاني جزله والا فلا

الحميا

اشكرك على هذه القصيده الرائعه واتمنى لك مزيد من التوفيق

والى الامام ياحميا