رد: خالد الهذلي ......
 

الختام من عندك ياخالد وصح لسانك مقدما ولنا لقاء ان شاء الله خروووج ولي عوووووووووووده

رد: خالد الهذلي ......
 

الله الله


لو يموت الصقر مانقبلك ياهد الحدادي /// الصقور مجربه صيداتها دايم سمينه
كيف تبغى يفوز نادي النصر واللعب اتحادي /// واكثر الجمهور مايدري عن التشجيع وينه

رد: خالد الهذلي ......
 

ههههههههه

صح يدنك يابشت المسعودي

والله يحييك اليوم وكل يوووم شكراً لك على الدعوه الكريمه تحياتي وتقديري ،،

رد: خالد الهذلي ......
 

بشت

قلت بسم الله سلام الله يازبن المنادي
.....ياربوع النايف اللي دون سورك يالمدينه

الليال الفايته امحت مواريها الجدادي
....والخبر كثروا رواته بعد ماغابت جهـينه



خالد

قلت بسم الله هلا يامرحبا عنبر وكادي /// ياعميلاً ماذكرت من السنين الا سنينه
الرديف الي تقدم من على راعي الشدادي /// لو يوردها هماج ولو يصدرها غبينه


بشت

البقا وانتم هل التكميل في بيض وسوادي
..... ولا تلوم اللي يموج ابه البحر تحت السفينه
الدروب تزين يومن القمر بالنور بادي
.... وان لحقنا خيال تمسكنا عن الدرب السكينه



خالد

لاتسيرها بلا نيشان وتدوس الزنادي /// رمية العجلان ماتقضي مع العربان دينه
العلوم الي تجينا فالصحافه والروادي /// تطلق الي عام الاول حاجزه وسط الخزينه



بشت

مارمينا اذ رمينا فوقنا رب العبادي
..... والشياطين الثلاثه اصبحو اليومه ثنينه
والعصابه جهزت ثوب الفرح مدري الحدادي
..... خايفه يعرس حسين وخايفه تشرد حسينه


خالد

العرب قامت تزاحمني تبى شربي وزادي /// لو شفت اسنونها تضحك ترا العله دفينه
الربيع الي مضى ماكب ضلع وكب وادي /// ثم يلحقه الدبا الحنان يامقوى حنينه


بشت

ماعليك خلاف دام ان الدبا ماراح غادي
......... خايفن ياصل عشيره ويتعشا فالدفينه
ياعسى عم العبيد يطيح بشته في الايادي
........ ثم مايبقى عليه يكود سروال وفنينه


خالد

لو قلبت النار تلقى جمرها تحت الرمادي /// كيف تامنها وهي من قبلكم ماهي امينه
لاتجاهدني ولاتسمع لمن يبغى جهادي /// من رضي بالبيع مايقدر يقول انها رهينه


بشت

انعرف سعر البضاعه ردها بنك البلادي
...... مايبا بيعة ربا يالله على التقوى تعينه
والله ان النار صاليها ممري فالزبادي
..... راعي الماعون واقف والعرق روش جبينه


خالد

لو يموت الصقر مانقبلك ياهد الحدادي /// الصقور مجربه صيداتها دايم سمينه
كيف تبغى يفوز نادي النصر واللعب اتحادي /// واكثر الجمهور مايدري عن التشجيع وينه


صحت ألسنتكم

رد: خالد الهذلي ......
 

والله ان النار صاليها ممري فالزبادي
..... راعي الماعون واقف والعرق روش جبينه





بيت تشخص له العقول 😇😇😇.....😉



كيف تبغى يفوز نادي النصر واللعب اتحادي
واكثر الجمهور مايدري عن التشجيع وينه


بيت فكاهي سؤال وإجابته فيه 😀😀😀😀😀😀 التشجيع وينه 😳😳



ابدعتو يا شعارنا والله يبيض وجيهكم


بشت لا تغايب يا شاعر بني



والله يحييك في كل وقت

رد: خالد الهذلي ......
 

صحه الالسن ولاهنتم

تحياتي

رد: خالد الهذلي ......
 

وعليكم السلام ورحمة الله وبركاته

بشت المسعودي ،،، خالد الهذلي

صحت ألسنتكم .. وبيض الله وجيهكم

رد: خالد الهذلي ......
 

صحت الألسن وبيض الله وجيهكم

..