|
رد: قهوة هذيل ..حيااااكم الله تفضلوا
سلامتك ملوووووووكه اشبك لي متضايقه خيتوووووووو
ياشيخه لاتضايقين نفسك ولا شي الدنيا ماتسوى تنام وخاطرك زعلان>>>>قلبتها أغاني |
رد: قهوة هذيل ..حيااااكم الله تفضلوا
هلا عبوووره حبتك العافيه
القلوب عند بعضهااا بنت عمك ياليت ماعندي بنات عم كثير وكلهم بعيد مو قريبين مننا سوري توي أقرا ردك ماأدري اشبه الإتصال مره زفت عندي ساعه على بال مايفتح الصفحه ان شاء الله انبسطتي بالعزيمه>>>>اكيد انبسطتي ادري من دون ماتقولين |
رد: قهوة هذيل ..حيااااكم الله تفضلوا
اهليين فرووحة
صباحك ورد يا وردة.. ايييه صح الضفحاااات بطييييييئة ماتفتح بسرعة:( غثتني بقوه.. بالنسبة للعزيمة والله انبسطت نوعا ما بس مشكلتي تعودت ع الهدوء وبيت جدي ما شاء الله يجتمعون فيه الاطفال وانوااااااااااع الازعاج هذا يصيييييح وهذي تبغى لعبة عبودي وهذا يتضارب مع عزوز عشان ضرب اخته يعني ازعااااااج احب الاطفال الهادئين اللي مسمييين بالرحمن مو الجن اللي عندنا نسأل الله السلامة بس>>وحده مقهووورة : : بقية الاعضااااء صبحكم الله بالنوور والسرور وريحة البخور اقلطوا افطروا حيااااكم الله يا مرحبا يا فروووحة جهزي الفطور خخخخ |
رد: قهوة هذيل ..حيااااكم الله تفضلوا
صبااح النور والسرور
على سالفة الورااعين اللي ماهم مسمين بالرحمن اللهم يكااافي تلقى الورع ملبسينه اهله ثوب واااصل لنص الساق علشان مايشل حركاااته البهلواانيه وتلقاااه يطاامر من ركن لركن <<<<<<<<<< ياهو يفقع مرارتي واللي ماتخش العقل يوم يجيبه ابوه ويقعده معه على الصحن وشوف انواع الرسوماات في الصحن والحركه اللي تخليك تستااذن يوم يجيك ويمسح رعاامينه في لياقت ثوبك على باله يسلم<<<<< قد صاارت له وكله كوم ويوم يجون في زوواج <<<<<<<<<< الصاله تنقلب حرب للعصابات بقشر الموز والطفااياات نسال الله المولى القدير ان يصلحهم بس تحيااتي لكم هتلر |
رد: قهوة هذيل ..حيااااكم الله تفضلوا
تشقيره على الصبح
مع وقت الافطار عليكم يا رواد القهوه لا احد يقول خلك معنا آآآسف لان النوم يسحب فيني يقول تعال كمل وبيني وبينكم ما شبعت نوم والله بس الجوع صحاني قلت خلني افرفر هنا بالسياره واشوف من فيه؟ سلا11111111م |
رد: قهوة هذيل ..حيااااكم الله تفضلوا
سلاااااااااام
اش ذا الطفش المنتدى مافيه أحد حتى اللي فيه شكلهم نايمين ماحد يهرج ولا ينزلون مواضيع اموت وأعرف اش يسووووووووون >>> ملقووووفه بقووووه |
رد: قهوة هذيل ..حيااااكم الله تفضلوا
ابد الله يسلمتس
في انتظار مفاجأه ستعلنها ادارة المنتدى قريبا وستكون مفاجأه حقا وهي الاولى من نوعها اعتقد اذا طفشتي تعالي هووون قهوة الشربيني<<< هذي من التراث لا تسألون عنها والا سموها قهوة ابو حمدان ماهو خوينا اللي بالمنتدى هذي قهوه مشهوره عند كثير من الناس وبالذات اهل الحجاز |
رد: قهوة هذيل ..حيااااكم الله تفضلوا
على طاري فلذات اكبادنا ابا انقل معاناة اخواني من ولدي >>> كل الموضوع معاناه
هذا الله يسلمكم رحت زياره لاهلي قال ابوي الله لايقطعني منه باتي عندنا الليله قلت ابشر طال عمرك المهم اخواني عندهم مدرسه طبعا ولدي مايخليهم ينام دخل غرفة خالاته وفتح الدولاب وطلع الملابس ويجيب في الصاله والثانيه يحطها في المطبخ غير اللي لقيوها في الزباله ويروح ويسحب البطانيه عنهم يباهم يصحون قامت وحده منهم وجابته في الصاله وقفلت الباب ويطق الباب عليهم بالريموت المهم الساعه ثلاثه ونص بالليل انواع الازعاج ودخل عند ابوي وامي ولقي الرادي حق ابوي وشغله اعلى صوت وفجعه الصوت وقعد يبكي ورقد الساعه اربعه ولدي عمره سنه واربعه اشهر لا تحسبونه كبييير وعلومي سلامتكم اييه قبل لا انسى ان شاء الله يارب ان فتى هذيل وهذلي ينقلون مكه اميييييييين |
رد: قهوة هذيل ..حيااااكم الله تفضلوا
هذلي والفخر لي حركاات نص كوم مانبي
وش هي المفااجاه ترى ورانا سفرياات وعلوم علمني بليز واذا تبي تعلمني بلحالي دق على جواالي صفر اربعه اصفار صفر لي واطلع لك انتظر ردك طال عمرك <<<<<<<<<<<<< يتمغط شعارنا في الحياااه (( تمغط حول نفسك تجدها )) |
رد: قهوة هذيل ..حيااااكم الله تفضلوا
هتلر كم تدفع واعلمك؟
ورقم جوالك هذا يبي له فرمته مايستقبل وبعدين تعال على الايميل اعلمك ابو بسام ثلاث تسعات هوتميل دوت كم دوت كبك دوت غتره دوت:mh94: والاعلى الياهو نفس الايميل وآخر شئ دوت ياهوووو انت ماتفهم؟:smi_83: |
رد: قهوة هذيل ..حيااااكم الله تفضلوا
بنت ابو متعب
الله يخليه لك بس والله اخواتك ماعندهم سالفه ليه طفشانين منه والله اني اتمنى يكون عندنا بالبيت طفل ياحليلهم وهو يلعبون بس قريب ان شاء الله بصير عمه احم احم احم |
رد: قهوة هذيل ..حيااااكم الله تفضلوا
ملوكه بتصيرين عمه لثنين ماشاء الله ماهو لواحد
وبعد خاله لا تنسين ترى الملاك خاله وعمه و(جده ) صدق والله هههههههههه |
رد: قهوة هذيل ..حيااااكم الله تفضلوا
بنت أبو متعب أم ماشاء الله عليك
والله يحفضه لك ياااااارب ويتربى بعزك وعز أبوه إن شاء الله ملوووووكه عمه وخاله فهمناها بس جده كيف يعني>>>لا يكون عجوز وإحنا ماندري أما أنا سالفتي سالفه ذي أمي الله يطول بعمرها شايله اللاب توب حقي لأني حامله مادتين ومو راضيه تدينيه الا لمن أعدي الترم ذا المهم أنا أدخل من البي سي ذحين وأخوي عال في كبدي إلا بيدخل المنتدى ويشارك فيه>>>>عمره 15 سنه مو كبير قلت له يابن الحلال ماينفع أنا مسجله بإسمي يقول مالي صلاح أبي أدخل يعني أبي أدخل المهم حاولت فيه وجيته منا ومنا حد ماوافق وقال خلاص بس بيقرا بس والله إني حاسه إنو كذاب بيستغفلني ويسجل بس إذا قريتو هباله ولا شي بإسمي أعذروني أكيد انو العله أخوي لا وترى هو أكثر مني يدخل 24 ساعه وهو بالمنتدى على العموم إدعو لي أعدي الترم ذا بسلام وأنجح مع إنو ناويه أحول من القسم إللي أنا فيه مو عاجبني بس المهم ذحين إنو أنجح بس |
رد: قهوة هذيل ..حيااااكم الله تفضلوا
بنت ابو متعب فصحتيني
انا احسب بس نظاراتي هي اللي تدل على اني جده ههههههههههههههههههههههه الله ياخذك ضحكتيني من قلبي انا قلت بصير عمه لطفل مو عمه لبنات بعمري وعيال اكبر مني فروحه اي عجوز وش تبين شكلك كنتي بتخطبيني وبنت ابو متعب خربت علي اسمعي انا اعلمك ياقلبي>> تحسن اخلاقها هههههههه احنا عايلتنا كبيره مررره يعني اخواني الكبار متزوجين من زمان وعيالهم كبار ومتروجين ومخلفين فعيال عيالهم بعمري اي والله ويقولون لي جده واذا قالوا جده ودي اصحكها على جبهتها والله حاله جده وانا بالعشرين الله يهدي اخواني كان لازم يتزوجون بدري فروحه شدي حيلك وانا اختك ولاحقه على اللعب المهم ادعولي بكره عندي مناقشه والله المصيبه يابنات انها قدااام ثمانين بنت وكلهم بيطالعون فيك وهذا غير التليقف والاسئله اللي مال امها داعي والله حااااله |
رد: قهوة هذيل ..حيااااكم الله تفضلوا
" وإذا مرضت فهو يشفين "
تعرض أخوكم أبو شموخ لعارض صحي منذ أيام وكل مرة أبروح المستوصف _لأني بقرية_ أتكاسل فيها ، الى يوم الخميس يوم اشتدت عليَ الحمى لكن خلاص المستوصف قفل ، وأقرب مستشفى في رابغ تبعد عننا 40 كيلو المهم طنشت ، لكن الحال تزداد وماغير مرابط في الحمام_الله يكرمكم_ والدش فوق راسي من زود الحمى قعدت ليلة الجمعة وأصبحت والا الحال هوهو الى صلاة المغرب وماقدرت أصبر ، المهم صليت وأكلم واحد من الزملاء ويوديني رابغ _الله يجزاه بالخير_ وأروح في ذاك المستوصف الخاص _ولد نعمه _ ، المهم يوم حط الدكتور الترمومتر في فمي الا يوم أنقلب وجهه قال :. حرام عليك ياأبني حرارتك وصلت 38,9 يعني مايصحش تهمل في نفسك كدا. والا يصحكني بذيك الإبرة _لابارك الله فيه _ وبعدها محلول لمدة ساعة ويكتب لي ذاك العلاج الا يوم رجعت درجة الحرارة ووصلت 33 >>>>>>> الله أكبر قويييييييييييية والأهم من هذا كله إنه عطاني اليوم إجازة يعني أنا أكتب هالكلام يوم السبت الساعة 7:41 وأبو بسام مكرووووف هالحين مع بزارينه صحيح اللي قال "الصحة تاج على رؤوس الأصحاء لايعرفها الا المرضى " والحمد لله عليها. |
| الساعة الآن 02:50 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل