::{ مجالس قبيلة هذيل }:: موقع يهتم بتراث القبيلة ومفاخرها

بشت
سلام تسليم وافي
..... ياعل تاف التحيه
اقول والجو صافي
..... خابرك يالنارحـيه

رايد
يامرحبا يالسنافي
في ديرة اهل الحمية
عقب السنين العجافي
جيت الديار العذية

بشت
تكميل والخير ضافي
...... في كل روحه وجيه
اثقال ماهي خفافي
.... ياللي شعبت المطيه

رايد
البدر نوره يشافي
،،،،،،في الليله السرمدية
لا والله إلا عوافي
،،،،،،، وخطامها في يديه

بشت
البدر فالغيم طافي
....... يامخايل العقربيه
يازين نظم القوافي
...... بين العميل وخويه

رايد
النو عدى وطافي
واسقى الديار السنية
يامسند الضلع حافي
الدرب قدمك عضية

بشت
قالوا عريف المطافي
........ في مركز الجودريه
ليت السلامه ياكافي
....... من زحمة الفيصليه

رايد
لاتحسب ان المصافي
،،، تشبه لضرعا وصفية
وجهة نظر واختلافي
ماهي تسبب قضية

بشت
امشي معي لا تخافي
...... وابشر بمهر الصبيه
النخل فالشرق صافي
.......... باعوه والله بوقيه

رايد
البندق ام المشافي
تقطع ليا جات هيه
ان طاح راس الخرافي
ما اظن ياتيك زية

بشت
بين الشمغ والكوافي
...... ضيع رياله عطيه
موعود ليل الزفافي
..... بغطروفة النخوليه

رايد
الهرج بعضه خرافي
عواقبه فوضويه
اشوف بشت متعافي
ينطح في هضبة طمية