رد: فكرة برج المليون رد .............!!!
 

يالله ياللى من ترجاك ماخاب ** يامن عليه اشكي مشاكل حياتي
افرج لمن هو من الغرابيل ما طاب ** دايم عيونه بالخفى ساهراتي
البارحه ممسيت والدمع سكّاب ** يحرم على عيني لذيذ المباتي
عزّي لمن مثلي عن حبيّبه غاب ** مالوم من يشكي حبيبه سواتي
انا وان شكيته عند ربعي والاصحاب ** وان جيت ابسكت ما قويت السكاتي
شعلٍ عيونه تطلق سهوم وحراب ** وسنه ما غير اربع وعشر سنواتي
له مبسمٍ كن العسل داخله ذاب ** وريقه دواء لجروحي الخافياتي
حبه مكن بالقلب ماني بكذاب ** واعز الله اني منه قربت وفاتي
انا جريح القلب والزين الاسباب ** وارجي عسى المعبود يحسن مماتي

رد: فكرة برج المليون رد .............!!!
 

إهداء إلى أبو خالد

الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون
يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون
..............................

رد: فكرة برج المليون رد .............!!!
 

صبرنا وطول الصبر يقضي على الارواح ** اذا طال واتعدى حدوده ومعقوله
وصدقت من قال الصبر للفرج مفتاح ** وهي كلمهٍ صارت للامثال مقيوله
سقى الله زماني يوم انا دالهٍ مرتاح **اذا مر يومي ما احسبه قلت وشوله
وجاني زمانٍ ما ابتسم يوم بالافراح ** يمر النهار وقول ذااليوم يا طوله
اغني على وقتي مع روضه الوضّاح ** اكيل الندم ودمعه العين مرسوله
اصارع همومي مثل ما يصارع الملاح ** شراع السفينه واطبق اليم من حوله
ألا مال تدفعني واحلق بدون جناح ** وتمسى همومي بين حيه ومقتوله

رد: فكرة برج المليون رد .............!!!
 

علام حرف السين ما عاد سيّر .. ولي بغينا نوصله ما لقيناه
واليوم معدوم الوصايف مخيّر .. ان جاد جدنا وان نسانا نسيناه
وضعه طبيعي خابره ما تغيّر .. لو كان عنده حال ثاني عفيناه
لو كان له حقٍ علي ما اتحيّر .. الشاهد الله ما اذكر انّا جفيناه
مسافه البيتين فوق المقيّر .. قريب يسمع صوتنا لي دعيناه

رد: فكرة برج المليون رد .............!!!
 

كل ساعه من حياتك رايحه ** ما يرجعها لك المال الكثير
ويش جاب اليوم مثل البارحه ** الزمن يمشي على سلك الحرير
ليلهٍ تخسر وليله رابحه ** والهنا لا يخدعك عهده قصير
وانت يا شايل همومٍ فادحه ** خل في صدرك سعد وابشر بخير
صفحه الايام ماهي واضحه ** بقدره الله ما توريك المصير
ليتني مثل الطيور السابحه ** في سماها وين ما تبغى تطير
................................

رد: فكرة برج المليون رد .............!!!
 

رد: فكرة برج المليون رد .............!!!
 

رد: فكرة برج المليون رد .............!!!
 

والله يا ها البيت إنه يسواله مسواه
شكرا لك

رد: فكرة برج المليون رد .............!!!
 

رد: فكرة برج المليون رد .............!!!
 

بسم الله الرحمن الرحيم

اتوجه بالشكر الى الله في نجاح الرجز المباشر وبالنسبة للبنر لو كان مثل مااقترحنا على الادارة

أن يكون الرجز كل شهر في اول ربوع

ولكن نحن امام الامر الواقع وهذا يرجع على عدم انتظام بعض الشعراء في مواعيد الرجز المباشر

طبعا ً لحفظ الحقوق الدارة فكرة الشاعر خالد بن مغبش الطلحي اللذي يسعى للارتقاء بالموقع الهذلي

إن أصبنا فهذا فضل الله سبحانه وتعالى

وإن أخطأنا فنحن بشر والانسان ليس معصوم من الخطأ والله جل جلاله غفور لعباده اللذين يسعون لانكار اي منكر

والرجل لايستغني عن قبيلته مهما صار لان النسب لاشك فيه والجد واحد والجميع اخوان في الاسلام والعروبة

والله ولي التوفيق ومن سل سيفا ً من حروفه فوالله لن يخشى أي أحد إلا الله العظيم تبارك وتعالى

رد: فكرة برج المليون رد .............!!!
 

الك هقوات ماتدري بها يوم الفرج ماجاك

لكن انته كما ماقيل لاسارح ولاضاوي

تبى تمزح مع اهل الشعر لكن الزمن رباك

وراسي في المواقف يالمغني يردع الغاوي

رد: فكرة برج المليون رد .............!!!
 

ياللي سواليفك لها وقت مخصوص

انتي من انتي كود بعض الهواجيس

وقت الجهاد نكون بنيان مرصوص

في طاعة الله ماتبعنا الاباليس

رد: فكرة برج المليون رد .............!!!
 

ليا جيتك لقيتك في الاماكن وانت مالك دور

وانا رجال اميز في العلوم اللي توردها

لكن احنا مع الاسلام ماعشنا الغدر والجور

صناديد الرجال اللي تميزها مقاصدها

رد: فكرة برج المليون رد .............!!!
 

ارحب فيك ترحيبة لها بين العرب ميزان

ولايصعب علينا شي دام الله يحمينا

سيوفي ماتخاف من العرب والعلم له عنوان

ليا كونتم الاحزاب رب الكون يكفينا

رد: فكرة برج المليون رد .............!!!