::{ مجالس قبيلة هذيل }:: موقع يهتم بتراث القبيلة ومفاخرها

اقتباس:

المشاركة الأصلية كتبت بواسطة خالد الهذلي (المشاركة 578669)

منور

سـلام للـي هنـا سـلام للـي هـنـاك!!!!من هاجس لانشـا مزنـه يهـل المطـر
ياصاحبـي يالهذيلـي لاتكسـر عصـاك!!!!ان طولت بالصخر تضرب كسرها الصخر

خالدالهذلي

يامرحبا ياهلا ياحـي مبـدا نبـاك!!!!ياغايب غاب وابطى ثم بعدها حظر
هذي عصاتي تبى تبعد دروب الهلاك!!!!مدري لو انها تبى تفتح طريق فبحر

منور

دام البقا يالصحيب اللي يذعذع هواك !!!!ياللي لك اشهور ذعذاعك يهز الشجر
نبي نشب بعصاك ان كان ربي هداك!!!!حتى تدفا بها عن بـرد بـر الحفـر

خالد الهذلي

انا ليا قمت شفت البرق يلمع قفـاك!!!!عاداتنا يالتميمي من قديـم الدهـر
عساك باقي بخير وثم بعدها عساك!!!!اترد روحك لاتاقع في محيط الخطر

منور

بغيت تشوي بصيخك مير صيخك شواك!!!!والحين تبغى السلامه مير مامـن مفـر
وشلون بالقيظ واتطالع بعالـي سمـاك!!!!مابالسماء غير شمس تشوي اللي ظهـر

خالدالهذلي

ياذيب يلي تـدور فالطويلـه عشـاك!!!!ترا الطويله بها سبع(ن) يسمى النمـر
ازعلت نفسك وانا من عام ادور رضاك!!!!لكن هذي الليالي تحـت حكـم القـدر

منور

ياسبع هود وناظر جرحك اللي بـراك!!!!نابك تسوس ورجلك مشيها قد قصـر

ترى المداوي يبي لك خير لو هو كواك!!!!احترت بك يالمريض اللي جداك السهر

خالد الهذلي

يامنور الوقت اشوفه اخذك ثمن رماك!!!!مدري من الوقت ولا انته تحب العسر
خل الدوا لك وداو الي من اول عداك!!!!الين شانت جنوبك ثم شـان الظهـر

منور

الوقت اخبره معك ياصاحبي بااشتباك!!!!يامجلس الامن نبغى منك حل الامـر
اتلوم طب الطبيب ومشكلتك بحشاك!!!!انداوي البطن ويعود البـلا بالصـدر

خالد الهذلي

انته ورا الزاد فالمطعم تطالع سـراك!!!!وانا ورا الطايلات اسرح لها من فجر
ان كنت مبلي عسى ربي يجنب بلاك!!!!حنا على خير ياراعي جنون البقـر

منور

امسك سرا بالمطاعم لأجل اجهز غداك!!!!بـدال ماتشكـرن حذفتنـي بالحجـر
اللي بولاعته لاضاق شـب السـواك!!!!حتى المساويك يحسبها زقاير مصـر

خالد الهذلي

مادام هذي سواتك وين اعين جزاك!!!!مشغول عند الصحون ولانسيت القدر
الي يشب الحرايق بالحرايق حـداك!!!!والنار ماترحم اليابس ولا الي خظر

منور

بغيت اغطيك لكن قمت تكشف غطاك!!!!لاطبلوا قمت ترقص بينهم بالقصـر

احسن تروح لفراشك ثم تشرب دواك!!!!وتنام بدري لأجل تدرك صلاة الفجر

يلي على راسك الليله توقـع حصـاك !!!!خمسك ليا جاتنا ترجع عليكـم عشـر
ياشعيل عقب الهدير الناس تسمع رغاك!!!!والرغي عقب الهدير اكبر معاني القهر

ياسلام ياسلام
ابدعتم ولا غرابه
صحت الالسن