|
رد: اقرب يا هشام
ما شاء الله تبارك الله
أبو سعود لا فض الله فاك ولا عاش من يشناك ولا يهون بن معيش عزالله انكم أبليتم بلاءً حسنا والى الأماااااااااااام |
رد: اقرب يا هشام
محاوره بين الشاعرين/بن معيش و هشام الهذلي
والبادع للقاف الشاعر بن معيش سلام الله على اللي حفظ وعده ووفاه على نهج العرب والسلوم الاوليه يـجـاوب صـاحبه يـوم صـوت لـه ونـاداه يبى منه السوالف على وضح السنيه هشام الهذلي هلا بالصاحب اللي عسانا نكسب رضاه على الطيب نرضا به وهو يرضى عليّه زهمنـي والوعـد مـا تناسيـه ولا أنسـاه وهذي يا عميل الرضـى عـادة (ن) فيّـه بن معيش حليل الصاحب اللي بليس اليوم غواه على قول المثل غلطة الشاطر قويه يدرهم في طريقه ولا حسب لممشاه وقشر الحظ جابه وحطه في يديه هشام الهذلي بليـس الله يعـزك مربّـط مـا تبعـنـاه نصوم الشهر بعدين ننظر فـالقضيّه هشام أن جاك يمشي توقّع لا تحداه ترى ما عنده إلا المدافـع والشظيّـه بن معيش والا يا صاحبأ شايل الحربه وشلفاه يبى ينطح جبل ما يجي في الرزيه بعير القوم رايح ومعطيني مقفاه حلفت اني لا ابركه ثم اعطيه كيه هشام الهذلي أنا أعرف سكتي وأعرف البندق ومرماه وأصـوّب طلقتـي فـالـهـدف مـيـه بمـيـه وردت العد قبل الضما وأضميت من جاه وإذا ودك نـصــب الـكــم شـربــه هـنـيّـه &&&&&&&&&& اسف علشان ماحضرت المحاوره ولكن نسقتها لكم محاوره قويه ورائعه من الطرفين وبيض الله وجيه الصفوف المسانده للمحاوره |
رد: اقرب يا هشام
هلا فيك أخوي مشعل الهذلي
وجودك في أي وقت يسعدني حياك الله وبيض الله وجهك هلا فيك يا ذيب الفيافي وبيض الله وجهك شاعرنا سامي الهذلي بيض الله وجهك وتنسيق رائع ومتى ما جيت ما يفوت الطيب الله يحفظك |
رد: اقرب يا هشام
بيض الله وجيهكم شعراءنا هشام و بن معيش
و مالي فالطيب نصيب |
رد: اقرب يا هشام
المعذرة يالربع عن عدم حضوري للمحاورة
محاورة رائعة وقوية صح الله السنتكم هشام الهذلي+ وبن معيش وبيض الله وجيهكم |
رد: اقرب يا هشام
والله أنا خابر إن المحاوره ستكون الساعه 11 ويش اللي أخرها ؟؟؟؟
وبما أنكم خالفتم نهج المحاوره في منتدانا نلزمكم بإعادتها مرة أخرى ، وماهنا فكه !! لإنها والله قمة في الإبداع والتحدي بين الشاعرين " مدري ليه حسيت إنكم داخلين حرب ؟؟؟!!" صح لسانك ياأبو سعود ولاهنت يابن معيش |
رد: اقرب يا هشام
يا ليت الدنيا تنساني....مادام الناس ناسينـــي
احسب الناس طيبين....طلعت انا الطيب فيـهم كل النخاوله عنـدي....ولا ادري من فيهم سني اشكي همي اللــــه....والا الغير اللــــه اشكي ـــــــــــــــــــــــــ ـــــــــــــــــــــــــ ــــــــــــــــــــــــ واتمنى منكم تعطوني ريكم فيها ومشكوووووووووووووورر |
رد: اقرب يا هشام
بيض الله وجيهكم والله محاورة كايفة
والله اثرك ياهشام خطير بليـس الله يعـزك مربّـط مــا تبعـنـاه نصوم الشهر بعدين ننظر فـالقضيّه هشام أن جاك يمشي توقّع لا تحداه ترى ما عنده إلا المدافـع والشظيّـه أنا أعرف سكتي وأعرف البندق ومرماه وأصـوّب طلقـتـي فـالـهـدف مـيـه بمـيـه وردت العد قبل الضما وأضميت من جـاه وإذا ودك نـصـب الـكــم شـربــه هـنـيّـه انا اشهد ليتك طاوعني يوم على العموم صح لسانك اخوي معيش واخوي هشام والجايات اكثر تقبلوااااااااااااااا مروووووووووووووووري |
| الساعة الآن 09:35 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل