|
رد: ديوانية الشيخ أبو حمدان الشعبية
اقتباس:
الله يصلحك يابو بسام شكلك فهمت الموضوع غلط أنا أقصد الطائرة اللي أهديتها لعماد لأني كنت رايح أرسل له الهدايا لمصر وقال لي أرسلها للوالد في الديرة ومن ضمن الهدايا الطائرة حقتك اللي أهديتها له فأنا أسأله إذا كان فيه مكان مناسب تحط به الطائرة وإلا لا ؟؟؟ هذا كل مافي الأمر ياأخي إنت داهية من جد هههههههههههههههههههههههه |
رد: ديوانية الشيخ أبو حمدان الشعبية
السلام عليكم ورحمة الله وبركاته
يابو حمدان ،،كيف حالك ياراعي الطيب،،،الليلة العرب وينهم أكرمك الله يابو حمدان على الحفل البارح ،،وبيض اللهوجهك ووجيه جميع من شاركنااا. خلف حميد الحسااني،،، تسلم على الهدايااا،،فا ياراعي الوفااا بن عادي،،والله إني البارح فقدنك ،،عسانا مانفقدك من شر،،،،تستاهل الخير الدلة يامحمااااااااااااااس نبا نتقهوى انا وهالشايب |
رد: ديوانية الشيخ أبو حمدان الشعبية
اقتباس:
هلا والله بالغالي عماد حياك الله وحنا ماسوينا إلا الواجب معك وأنت تستاهل أكثر الليلة العرب مدري وينهم ماشفنا منهم أحد ماغير أبو بسام قبل شوي جانا هنا وأخذ له فنجان قهوة وهو واقف وأعطانا كلمتين كانت متبقية لديه من البارح ثم خرج والآن شايف عز الرفيق جاي ياالله حيه أقلط تقهو يابو عباد حياكم الله جميع |
رد: ديوانية الشيخ أبو حمدان الشعبية
بن عادي،،والله إني البارح فقدنك ،،عسانا مانفقدك من شر،،،،تستاهل الخير
عساك ماتفقد غالي وانت تستاهل الخير كله |
رد: ديوانية الشيخ أبو حمدان الشعبية
ألووووووووووووووووو
الووووووووووووووووووووووو وووووو كيف , وش تقول ,, يا أخي ارفع صوتك أنا في مكان ما فيه ارسااااااااااااال وش تقووووووول تبغى أبيض ,,, وش الأبيض أهااااا طلي ابيض ,,,, طيب طيب هاااااا وش بعد الووووووووووووو وش تقول يا ولد أنا في منطقة معدوم فيها الإرسال منطقة مضروبه فيها كل ما يخص الحضارة أنا قدام ديوانية أبو حمدااااااااااااااااااان لا حوووووووووول ما حيوان الإ أنت أقول أبو حمدااااااان عم سلطان لا حووووووووووووول طوط طوط طوط , , , يا الريع المعذرة هذا عبد الله الندوي ( تيك أوف ) كان معي على الجوال المهم السلام عليكم و رحمة الله و بركاته كيف الحال يا الربع علومكم |
رد: ديوانية الشيخ أبو حمدان الشعبية
السلام للكل والجميع ،
والله يا "أبو حمدان" ولا هانو الربع ، اليوم جايب معاي لوحة تراثية أتمنى إنك تتقبلها مني بارك الله بيك وتشوف لها محل في ديوانية التراث الأصيل عندك ، بس تكفى بعدها عن الحطب والجمر ومحماس الله لا يعيقه ، http://www.alriyadh.com/2008/01/14/img/151021.jpg وهذه القصيدة اخترتها لضيوفك وهي تتحدث عن أنواع الريااااجيل للشاعر حميدان الشويعر المتوفي عام 1188هـ : ياذا افتهم مني جواب يشترى مثل اللُّوالو من عقود تنثرا والا فشمس مستنيره في الضحى انبيك بحال الناس يا هذا ترى: من جاد في سمته جاد في هذا وذا والمرجله ماهيب ورث تحجرا تلقى الجماعة من شجرة وحده وطبوعهم مختلفة.. ربي يقدّرا.. يطلع بهم خطو الكذوب الماهر غَوءج ولوجود عنانه يطمرا ومن الجماعه حامل متحمِّل ما فات يوم لضيف ما قرى ومنهم سواة الديك رزَّة عنقه مازان له زول بفعل يعرفا ومن الجماعة كالضبيب المنتفخ متبختر يسحب ثويبه من ورا كن الضعيف شايل سبع الطبق هو ما درى انه خفّ ريش الحمرا.. ومنهم ملاّق لوقي سلوقي سملّق ما له مكان يخبرا إلى حلف وإلى يمينه قاطع ولسِّينه باللطلطه ما يسدرا..! ومنهم هميلينة كبير حوضها لا هيب لا ثَمر فيها ولا ذَرَى! ومنهم من كنّه نخيلة قنعة باحسابها وحويضها ما يحفرا يدعون للكرمه ولا يدعونه وإلى حصل شور فعنهم يقصرا.. |
رد: ديوانية الشيخ أبو حمدان الشعبية
حيا الله عز الرفيق
حياك الله عند معزبك ، خلونا نتقهوى مع أبو عباد ونشوف علومه ، ويش أخبارك وخبرنا عن جولة وادي ضيم هههههههههه |
رد: ديوانية الشيخ أبو حمدان الشعبية
اقتباس:
ياخوي أتركك منه هذا مقلع على اسمه تعال بس تعال تقهوا وعين خير وكل العلوم الغانمة عندي وبعدين وش العلوم الغانمة اللي جنيناها من الحضارة حقتكم هذي وخاصة عند ربعنا ماأخذنا من الحضارة غير سلبياتها وتركنا إيجابياتها للأسف لذلك أنا فتحت هذي الديوانية لكي أبتعد عن سلبيات الحضارة وأعيد شريط الماضي الناصع البياض بكل معانيه وأشكاله نعيد تراثن ألأباء والأجداد نعيد تذكر عاداتنا وتقاليدنا العربية الأصيلة نعيد موروثتنا الشعبي الذي إندثر مع تيار الحضارة الغاشم يابو عباد ولايهون الباقين >>> (( اللي ماله أول ماله تالي )) صب القهوة يامحماس |
رد: ديوانية الشيخ أبو حمدان الشعبية
اقتباس:
ياسلام عليك يابو خالد هذي العلوم الغانمة والله وفي الحقيقة هي ليست صورة واحده بل صورتين معاً صورة الجمل وراعيه وهذي تعيد للأذهان تلك الحقبة الزمنية التي عاشها أبائنا وأجدادنا وهم يعتمدون في ترحالهم على الإبل صورة معبرة عن زمن جميل بكل ذكرياته والصورة الثانية القصيدة الرائعة التي تصف الرجال وأنواعهم وهي بحد ذاتها لوحة جميلة كلا اللوحتين ستكون في مكان أمين في صدر الديوانية وسيكون لها عناية خاصة خاصة ,انها أتت من شخص له مكانة كبيرة في النفس الف الف شكر يابو خالد بارك الله فيك وفي جهودك الرائعة للنهوض بهذ الديوانية الشعبية . |
رد: ديوانية الشيخ أبو حمدان الشعبية
مساك الله بالخير
يابوحمدان كيف حالك طال عمرك |
رد: ديوانية الشيخ أبو حمدان الشعبية
ياولد ياولد ياولااااااااااااااااااد
والله الليله ابو حمدان ماهو في ذا البارح العشاء سرى قدامي والليله ما في شاب الضوء |
رد: ديوانية الشيخ أبو حمدان الشعبية
على طاري الحضارة و البداوة يا ابو حمدان
استلم أنت و الربع هذي المحاورة بين اسطورة الشعر // عبد الله المسعودي ,, و الشاعر العلم محمد الجبرتي و يتكلمون فيها عن جيلين مختلفين عبد الله المسعودي يمثل الشباب و الجبرتي يمثل الشياب هنا يبرز عبد الله المسعودي في تقمص دور الحضري برغم بدويته الكامله و لكن لتزدان الملعبه و الفتل و النقض زمااااااان يا محاورة , , , الــــجــــبــــرتـــــي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] سلام رده من رجال البدو والبيـت الشعـر=لاهل البيوت اللـي عليهـا مقفلـه بيبانهـا نشرب حليب ام الحليب اللي تفلى في الشجر=ماهو حليب اطفال ماتدرون عـن حيوانهـا [/poem] الــــمــــســــعـــــودي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] يامرحبا وبيوتنا يابدو بسمنـت وحجـر=ومثبتـه مـع بابهـا يأتونهـا ضيفانهـا ياراع شاة البدو لوتطعم لبن شاة البحـر=اللي على الماعون صورة قرنها ووذانها [/poem] الــــجــــبــــرتـــــي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] حنا ليا جانا المطر نمشي ونرعى فالدير=وانتم ليا مطرت ديركم قفلـت دكانهـا وضيوفنا يالبدو لو يلفون في الليل الغدر=من حيث مادقو بحله قبسـت نيرانهـا [/poem] الــــمــــســــعـــــودي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] حنا ليا جا الليل نورنا كما نـور القمـر=وانتم ليا جا الليل ظلما ماتشوف اعيانهـا اشوف لي مختلفة الالوان من بدو وحضر=واللي يديها ماتنوشـه تلحسـه بلسانهـا [/poem] الــــجــــبــــرتـــــي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] الكهربا ماشي كماها مير مكتوبه خطـر=واليا انطفت ماتدري الجيران عن جيرانها حنا نعز الضيف مانقريه من حيد الخضر=نقريه باللي فالصحن متثنيـه عصبانهـا [/poem] الــــمــــســــعـــــودي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] حنا هل البندر كما العنبر المتلول السفـر=مجلوبة التجار وافـي مسكهـا ولبانهـا ياماشرينا من حلال البدو غاليت المهـر=وامسيت تاكل من شحمها بعد اخت اثمانها [/poem] الــــجــــبــــرتـــــي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] رياحكم عنبر وحنا ريحنا الماس الحمر=اليا وقف ظل السلوقيه تحت كرعانهـا واسفارنا يابدو ناخذها على وسق الشف=رماناخده بالكيل واللي قد وزن ميزانهـا [/poem] الــــمــــســــعـــــودي [poem=font="arial,4,,bold,normal" bkcolor="" bkimage="" border="none,1," type=1 line=0 align=center use=ex num="0,"] في كل ديره حقها من خير والا مـن قشـر=وان جاتنـا منكـم رعيـه عندنـا رعيانهـا وان سقت سياره شكت منها الحجاره والحفر=من قل عرفك كل ماخربت قعدت اوزانهـا [/poem] , , |
رد: ديوانية الشيخ أبو حمدان الشعبية
اقتباس:
محاوره رائعه بين عملاقين كبيرين تسلم ياعز الرفيق |
رد: ديوانية الشيخ أبو حمدان الشعبية
صباح الخير للجميع
وين القهوه يا محماس الله من الفراغ يامحماس يازين العمل والدوام الا على الطاري يا محماس يبغى لك واحد يناوب معك لانك 24 ساعه تكرف لكن ماهو منك الظاهر من القهاوي خلتك بدون نوم ويازين علوم الربع البارح والمحاوره اللي جابها ابو هذال كااااااااايفه تسلمون والله |
رد: ديوانية الشيخ أبو حمدان الشعبية
اقتباس:
الله الله على محاورات زمااااان أطربتنا والله يابو عباد جزاك الله كل خير علي بالحرام إنك كفو وراعي علوم غانمه زماااااااااااااااان يامحاورة |
| الساعة الآن 09:34 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل