|
رد: أسمعوا ياعيالي ..... اللي ماله أول ماله تالي
اقتباس:
هههههههههههههههههههههههه أول مرة اسمع بعنز رقطاء الرقطاء اسم يطلق على نوع من الأفاعي السامه التي تعيش في الجبال وهي أفعى ملونه بعدة ألوان لذلك سميت بالرقطاء . هذي معلومة على الطاير تصدق عاد مرورك دائماً يسعدني يابو نور ولايخلو من المرح والفكاهه ياربي يسعدك ولايحرمني من طلتك البهية |
رد: أسمعوا ياعيالي ..... اللي ماله أول ماله تالي
طيب طيب
سلام عليكم قبل كوول شئ ابو حمدان وضع الطريقه على جزأين الاول خاص بالحلال والغنم وما الى ذلك من بهيمة الانعام:biggrin::biggrin: والثاني كلمات << مع اني احرقت كل شئ عندي في موضوع المصطلحات:crazy: عموما استلموا الاسئله : الجزء الاول : عنز ذرواء ..... عنز طحلاء ..... عنز صربه .... شاه دخناء .... شاه شقاء الجزء الثاني : مغراب ..... نفله ( بسكون النون ) ..... صليبه ..... مصرابه ..... شذره فيه وحده من الجزء الثاني موجوده في موضوع المصطلحات اللي يدورها يلقاها:wink: |
رد: أسمعوا ياعيالي ..... اللي ماله أول ماله تالي
اقتباس:
هلا والله يابو بسام وعدت فاوفيت الله لايهينك ومجموعتين جديدة من أخينا ومديرنا الغالي أبو بسام تبغى الصدق والله فيه كم كلمة منها ماأعرف معناها ربما لها مسمى آخر عندنا لكن أغلبها أعرف معانيها بس ماني قايل نريد تفاعل الجميع ولانبغى نحرق الموضوع من بدايته ياالله ياحبايب علمونا وش يقصد أبو بسام من هذه المسميات عجلوا علينا عندكم ثلاثة أيام فقط وبعدها يتفضل أبو بسام مشكوراً بتوضيح وشرح معانيها كاملة مشكور يابو بسام على تفاعلك والله لايهينك |
رد: أسمعوا ياعيالي ..... اللي ماله أول ماله تالي
والله كلمات اول مرة تعدي علي يا اخوي يا الله خيرها بغيرها منكم نستفيد
|
رد: أسمعوا ياعيالي ..... اللي ماله أول ماله تالي
الصدق الصدق
ممكن هذي النوعيه من الغنم مي عندنا هههههههههههههه والله معرف ولا وحد ..>>بيدور له كهله يأخذ علومها بس عجبتني دخنا ممكن لأنها تدخن >> أنطم مشكور أبو بسام ولا هان أبو حمدان لي عوده تقبلو مروري |
رد: أسمعوا ياعيالي ..... اللي ماله أول ماله تالي
اقتباس:
الأخت ماتهاب ياليت لو تقولين اللي عندك أي شي حسب فهمك لها ماهو شرط يكون الجواب صحيح شكرا لتواجدك |
رد: أسمعوا ياعيالي ..... اللي ماله أول ماله تالي
اقتباس:
اخوي بث حاول وعطنا العلم ممكن ممكن الإستعانه بكهلة مافيه مشكلة أما دخناء لأنها تدخن والله حلوه مرة هذا اللي نبغاه جاوب إذا ماعرفت الجواب الصحيح جاوب بجواب فكاهي مثل بث تجريبي سميت شاة دخناء لأنها تدخن مالبورو أحمر وكانت قبل كذا تدخن أبو بس ههههههههههههههههه الله يسعدك ياشيخ لاهنت والله |
رد: أسمعوا ياعيالي ..... اللي ماله أول ماله تالي
السلام عليكم ورحمة الله وبركاته
الحقيقه يابو حمدان هذه المصطلحات غريبه علينا شوي ربما تختلف المسميات عندنا ونشكر ابوبسام لحضوره المتميز ولكن لي عوده بعد ماسأل الوالد الله يحفظه |
رد: أسمعوا ياعيالي ..... اللي ماله أول ماله تالي
عنز ذرواء ويقال لها ذريا وهي التي في إذنها نقط بيض
عنز طحلاء: مدري ممكن مالها طحال >>صرفها عنز صربه : صربه مأخوذه صب يعني من صربيا >>كمان صرفه الجزء الثاني : مصرابه . هي من الرعص ( الرضيع ) تحيداً من بطنه تستخدم بعد تجفيفها لعمل الجبن هذا والله أعلم |
رد: أسمعوا ياعيالي ..... اللي ماله أول ماله تالي
ياسلام الموضوع ممتع ويشهد الله
ساحاول الاجابة .. وان اخذت صفرا فلن ابالي ..وعزائي التفحيط الذي اراه امامي اقتباس:
عنز طحلاء = رمادية عنز صربه = لونها ضارب الى الحمرة شاة دخناء = كدرة على سواد شاة شقاء = لااعلم ولكني اعتقد انه تعبير عن مرحلة من عمرها -------------------------------------------------- مغراب = عصا طويلة مركب براسها حديدة وتستخدم لقطع الاعشاب والحشائش الصغيرة ارجو ان تصيب ولو واحدة منها ودمتم سالمين |
رد: أسمعوا ياعيالي ..... اللي ماله أول ماله تالي
ماتهاب : حاولي طال عمرتس ولو اني تعبت على هالكلمات لكن ما يخالف لو حاولتي
بث تجريبي : متى بتصير رسمي وتريحنا :65: حلوه تدخن ههههههههه محاولتك الثانيه فيها وحده صح ولو تحاول بعد يمكن تنجح على الحافه:Swaffff: ابو فهد الغالي : ننتظر عودتك لا شك ابو الاشبال : التفحيط درب لابد من المرور به :21: هههههه جبت وحده صح فقط ولو انها ليست الاجابه الدقيقه ولكنها ستؤخذ بعين الاعتبار البقيه : ننتظركم |
رد: أسمعوا ياعيالي ..... اللي ماله أول ماله تالي
طيب وش المطلوب يابو بسام
مافهمت شي وحبذا لو يكون هناك جائزه عباره عن تويس نصقع به في الثلاجه |
رد: أسمعوا ياعيالي ..... اللي ماله أول ماله تالي
اقتباس:
ابو نور تعال :27: هذا الي وصلني من أبو سعود لكن أماااااااانه لا تعلم أحد اني علمتك , , الحقيقه ســــــــهله لكن أبو نور جاب راي ما نبي نخالفه و يزعل علينا يعني ما فيه أجوبه إلا بتويس , , انتظروني بس اليومين هذي مشغووووووووووووول |
رد: أسمعوا ياعيالي ..... اللي ماله أول ماله تالي
اقتباس:
تصلح اسئلة وزاره هههههههههههههههههه |
رد: أسمعوا ياعيالي ..... اللي ماله أول ماله تالي
هههههههههههههههه
والله إنكم فله من جد بث تجريبي يعجبني إقدامك جداً الله يسعدك أبو الأشبال قول وماعليك على قولتك عزاءك فيما قال غيرك أبو فهد عجل علينا أسأل الوالد وهات العلم ابو الهنا والله إني متأكد إنك تعرف الإجابة لكن تيوس هديه مافيه تجاوب بلاش أهلا وسهلا ماتجاوب بلاش أنا رايح أجاوب وإلا أبو بسام وضاع عليك التيس عز الرفيق : مية مرة قلت لك أترك أبو الهنا تراه يوديك في داهية ماعليك منه تعال جيب لنا الإجابة بسرعة ولك الأجر |
| الساعة الآن 11:07 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل