رد: جيبوا لنا بن قاسي اللي في المعارك ما يلين
 

أقسم أخس منك يبن قاسي لو تعرف قد إيش أنا تعبان عيوني تشوف براد الشاهي فاضي و ودي ببراد شاهي راسي مفتر من اليوم ما شربت شاهي

و الفناجيل أحسها تبرق تبا مسكة يدي ههههههههههههه

و الشكر لأبو المثلم على تنسيق المحاورة

و الشكر لكل من حضر و مسك صف و بالذات صفي ههههههههههه

و الشكر لبن قاسي

و أشكركم جميعا

و تصبحون على خير

رد: جيبوا لنا بن قاسي اللي في المعارك ما يلين
 

لا شكر على واجب يالمحارب أبدعتم الله لا يهينكم

رد: جيبوا لنا بن قاسي اللي في المعارك ما يلين
 

ما تجي منين


خلها شمين و تصير كلمة أنا أول من كتبها في الشعر و بالذات المحاورة هههههههههههههههه

رد: جيبوا لنا بن قاسي اللي في المعارك ما يلين
 

أوكي شمين شمين هههههههه

رد: جيبوا لنا بن قاسي اللي في المعارك ما يلين
 

تسلمون يا شعارنا

وبيض الله وجيهكم

وتحيه خاصه لابو المثلم

حبيب القلب

وتصبحون على خير

رد: جيبوا لنا بن قاسي اللي في المعارك ما يلين
 

[poem=font="Arial,5,#00008b,normal,normal" bkcolor="" bkimage="" border="none,1," type=0 line=0 align=center use=ex num="0,"]
المحارب
سلام ردة وافية تنصى جميع الحاضرين = عداد ما هلت سحابة من غزير أمطارها
جيبو لنا بن قاسي اللي في المعارك ما يلين = لكن وش يقدر يسوي و النصر لكبارها

بن قاسي
يا مرحبا ياصاحبي واقلط على سمن وسمين = والطيبه قدم العرب اسعى لها واختارها

العلم الاول ياجودي ماغيره غير الذهين = واللي يبيها تستوي يصبر لصالي نارها

المحارب
ماني مخاوي أهل اليسار اللي بلا تقوى ودين = و الطيبة لن شفتها ماني مغير طارها
ماني بخايف و أنت في جيبي وأنا رجل فطين = لكن لي موضوع لك و الناس تدري أخبارها

بن قاسي
جاني خبر عن سالفه منها يبى يندى الجبين = عودً من الروضه خرج مدري من اي اشجارها

يالله طلبتك لا يروح من المحاصيل الثمين = ياعل من كان السبب يحمل جميع اوزارها


المحارب
كل ٍ بظرفه يا أجودي و اللي تبا ما اعرفه زين = لكن غرس غرسة و كل الناس تجني إثمارها
أنا معك ماشي وبقضي لك لزومك كل حين = بمشي على نهجه و أنا عاشق جميع ديارها

بن قاسي
خلك على وضح النقى وامشي طريق الصالحين = واحذر تقاذفك الهبوب ايمينها ويسارها
واللي يبى شقر العصى يبطي وتهلكه السنين = الضلع شامخ وش يضره من صغار حجارها

المحارب
لا تتهمني ياأجودي و الجيم ما يتلاه سين = أعرف طريقي و كل لحية عارف ٍ مقدارها
حنا على المذهب و حنا للجماعة داعمين = و إن كان عندك هرجة ٍ تكفى تفك حصارها

بن قاسي
مانته من التهمه قريب ولا قصدت الطيبين = اهل الوجيه النيره متناقلين اخبارها
انا قصدت اهل النفاق الخارجين المارقين = اللي على نهج الخوارج ماخذين افكارها

المحارب
ربك ترى موجود و أنته يا عسى دربك يمين = و أهل الفتن في فالها تلقى العذاب بدارها
مقصدك فيه و فيه و أحيانا يجي هرجك شمين = و أختار دربه من على كيفي و أنا دبارها

[/poem]

رد: جيبوا لنا بن قاسي اللي في المعارك ما يلين
 

بيض اله وجيهكم ياشعارنا كفيتوا ووفيتوا وهذي عوايدكم

وتصبحون على ألف خير

رد: جيبوا لنا بن قاسي اللي في المعارك ما يلين
 

لا هنت يانايف كفو والشك يقطعه اليقين ::::::يا عنك بن قاسي دخل لذيابها في اوكارها

ماني من اللي يختلف هرجه وتثنيه اليمين::::::علمي قرار معتمد للي يبي معبارها

رد: جيبوا لنا بن قاسي اللي في المعارك ما يلين
 

يابو نوف بيض الله وجهك ولا هنت

والله انك ماتسلم القشاره يالنصراوي

رد: جيبوا لنا بن قاسي اللي في المعارك ما يلين
 

مشكورين وبيض الله وجيهكم جميع شعار وصفوف والعذر طلعت جاني ظرف واضطريت أني أطلع لكن لعبنا معكم نصف القاف والحمد لله .


تحياتي .

رد: جيبوا لنا بن قاسي اللي في المعارك ما يلين
 

ابو المثلم :

سلامات وش فيك صرت اصفراني هههههههههههههه

لا يكون متضامن مع النصراويه خخخخخخخخخخخ

رد: جيبوا لنا بن قاسي اللي في المعارك ما يلين
 

صح لسانك و و نعم بك يبن قاسي

رد: جيبوا لنا بن قاسي اللي في المعارك ما يلين
 

و وجهك يبو قاسي ولا هنت

و منك نتعلم هههههههههههههههه

رد: جيبوا لنا بن قاسي اللي في المعارك ما يلين
 

ختامها مسك وعنبر

صح لسانك يا بن قاسي

صح لسانك يا نايف

قلتم فأبدعتم


الظاهر اللون هذا تكريم مشكور ومقبول من الإدارة الكريمة فجزاهم الله خيرا على حسن الظن وأسأل الله العون والتوفيق

رد: جيبوا لنا بن قاسي اللي في المعارك ما يلين
 

أبو المثلم وش اللون البرتغالي ذا


مبارك عليك ترقيتك إلى منصب عضو ذهبي