|
رد: ديوانية الشيخ أبو حمدان الشعبية
اهداء للديوانية ...
عايد الهذيلي ...ماقاله في دلته... يالله في نو(ن) مزونه رويه ................................ياخذ ثمان أوجاب والوبل همال يسقي من الشعبه ليا الجابريه ................................على ديار هذيل ماضين الأفعال يسقي ديار آهل الشرف والحميه ............................. كسابت النوماس في كل الأحوال اللي مجالسهم لها قابليه ............................ مجالس(ن) ما جابت القيل والقال وعند الهذيلي دلة (ن) عجرفيه ................................... فنجالها يسوى ثلاثين فنجال واللي مكذبني فيبدي عليه ............................ ما دام راسي حي ما غطه الجال لو المساله بنها ما عليّه ............................... لكن عدينا ورى الحال باحوال مبروك الافتتاح وتغيير الأسم لى الافضل ..... ابو حمدان عساك على القوة ...يازين ماضيين وموروثنا ........ تحياتي |
رد: ديوانية الشيخ أبو حمدان الشعبية
للمره الثالثه نجي وما نحصل غير محماس
وسألناهـ عن عمه ابوحمدان يقول راح يتعش في صالة البرج عند ابوفهد عشان الشاعر رايد ضيف في البرج مع مموعه من الرجال وسلامتكمـــــــــــــــــ ـــــــــــــــــــــــــ ـــــــــــــــــــــ وكل ضيوف الديوانيه ضيوف البرج الهذلي والدئره واحده يالربع |
رد: ديوانية الشيخ أبو حمدان الشعبية
اقتباس:
حياك الله أختي الهنوف سعدت بتواجدك في الديوانية فأنت قد عرفت عنك حبك للتراث الشعبي والتراث الهذلي بالأخص وهذا شيئ جميل ورائع أشكر لك إهتمامك الدائم بالموروث الشعبي الهذلي وأشكر لك نقلك لهذه القصيدة الرائعة التي أعجبتني كثيراً وخصوصاً أنها لشاعر هذلي ويتحدث عن القهوة والعلوم الجزلة وعن ديار هذيل بيض الله وجهك اختي الهنوف وياهلا فيك دائماً في مجلس الأصالة والتراث والعلوم الغانمه |
رد: ديوانية الشيخ أبو حمدان الشعبية
الشيخ ابوحمدان :
السلام عليكم ورحمة الله وبركاته مبروك الحج وتقبل الله منا ومنكم صالح الاعمال وين هدية الحج ( الحمص + الحلاوة الحمراء ) والله يارفيقي هذه الهدية كانت لها قيمة ولايمكن يرجع الحاج إلا بها واليوم من زود النعمة ما احد يسأل عنها والبعض من الناس نسيها بالمرة عطنا علومك عسى ما تعبت في الحج |
رد: ديوانية الشيخ أبو حمدان الشعبية
اقتباس:
تقبل الله منا ومنكم صالح الأعمال والله يبارك بعمرك يابن العم وتصدق عاد والله إني أمس وأنا جاي من رمي الجمرات أشتريت الحمص والحلاوة الحمراء اللي تقول عنها ووزعت على الجيران والحمدلله من غير منه وتراني كل سنه أشتريها لأني أعتبرها أصالة وعادة قديمة تعطي للحج حلاوته وطعمه الخاص فهي مرتبطه بالحج دائماً أما عن علومي يابو الوليد أبشرك والله إني بخير ونعمه والحمدلله وياربي لك الحمد الأمور متيسرة أبشرك وحكومتنا جزاها الله كل خير ماقصرت ويسرت على المسلين أداء الفريضه حفظهم الله ورعاهم وأدام عزهم اشكر لك سؤالك عنا وعن أحوالنا وحياك الله في ديوانية الأصالة وعبق الماضي سعدت بتواجدك |
رد: ديوانية الشيخ أبو حمدان الشعبية
السلام عليكم ورحمة الله وبركاته
مساء الخير يابو حمداااااااااااااان كل عام وانت بخير ومن العايدين ومبروك الحج والحمد لله على السلامة .. |
رد: ديوانية الشيخ أبو حمدان الشعبية
اقتباس:
وعليكم السلام ورحمة الله وبركاته هلا والله يابو عايش تشرفنا بتواجدك الليلة هنا حللت أهلا ووطئت سهلا وكل عام وأنت بصحة وعافية وبارك الله بعمرك وسلمك ربي |
رد: ديوانية الشيخ أبو حمدان الشعبية
اقتباس:
يا أبو فهد طالع وسط المجلس تلقاني قدامك ، بس إنت الله يهديك توقف قدام محماس وترخي قزاز السيارة وتقله عمك وين ؟ وتحط رجلك :clap: يا أخوي لبق السيارة وأقلط ، وإشرب قهوة ، العجلة صيدتها حجلة :ie7m: وخلينا نسولف معك ونأخذ علومك الغانمة. تراني فحمان من رايد هذيل وأنا أقص في جرته من المكشات :ANSmile31: لموضوع الشخاميط لبرج المليون :waaady45: لهذا المجلس ، والله إني فحمان أبشرب مويه |
رد: ديوانية الشيخ أبو حمدان الشعبية
تفضلوا على العشا يالربع
أحتسيناكم كلكم ولكن ماأحد جاء ياكل النعمه هذي كلها لكن اللي حضر فيهم الخير والبركه تفضلوا الله يحييكم جميعاً 7 7 7 7 7 7 7 7 7 7 7 7 7 7 7 http://www.sahmup.com/Rahiq/untitled.jpg |
رد: ديوانية الشيخ أبو حمدان الشعبية
اقتباس:
مانا كنت عندك قبل شوي في البرج وعزمتكم كلكم على العشاء بمناسبة إعادة فتح الديوانية والآن العشاء شوفه فردناه في الديوانية والناس قاعدة تتعشى وأنت وينك ؟ |
رد: ديوانية الشيخ أبو حمدان الشعبية
اقتباس:
شرفت الديوانية يارجل أقلط تقهوى وتعشى وخلنا نسولف أنا وأنت الليلة أظن ماحولنا أحد واترك رايد تراني قبلك طردت وراه الين تعبت وحصلته في برج المليون يقصد وانا عازمه من العصر وتاركني لكن هين يابو سليم |
رد: ديوانية الشيخ أبو حمدان الشعبية
يا أبو فهد طالع وسط المجلس تلقاني قدامك
مرحباً بالغالي الفارس حزين الطلعه وكل عام وأنت بخير يوجه السعد يابوخالد وحشتنا متى العودهـ أن شاء الله والله فيه علوم كثير تحتاج سواليف وياخويه جالس في الديوانيه عند ابوحمدان وأنت شايفه وزع الحنبص والحلاوه ونسينا تقبل الله حجك ياشيخنا وعسى انسيتنا من الدعاء كتب الله لنا ولك الآجر والثواب |
رد: ديوانية الشيخ أبو حمدان الشعبية
سلام يا رجال
مساكم الله بالخير والتحية للجميع ، وين كسرات صالح ورايد ؟؟ أفر عليها في المنتدى ما لقيتها ! |
رد: ديوانية الشيخ أبو حمدان الشعبية
اقتباس:
أقلط يارجال تعشى وتقهوى وبعدين نعطيك العلم تشرفنا والله بهالطله البهية يارجل وينك من زماااان؟ |
رد: ديوانية الشيخ أبو حمدان الشعبية
يالربع عطونا سوليفك وعلومكم
اللي عنده سالفه وإلا قصيدة وإلا علوم طيبه يعطينا إياها لاتبخلون علينا ننتظر إبداعاتكم |
| الساعة الآن 06:18 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل