رد: ديوانية الشيخ أبو حمدان الشعبية
 

حيا الله الضيوف وحيا الدرب اللي جابتهم أبرك الساعات والله
حياك الله وحيا ماجبت والله يافواز وصح لسانك ياالغالي
كنت في إنتظارك على أحر من الجمر أنت وشرواك من الرجال
نحتاج تواجدهم معنا في هذي الديوانية الشعبية

ماخليت لنا قاف نشقره على قافك يابو عايش رايح أرد عليك بقافيه غير إن شاء الله أنتظرني

أقلط تقهوى في صدر المجلس حياك الله ياوجه السعد

رد: ديوانية الشيخ أبو حمدان الشعبية
 

السلام عليكم ورحمة الله وبركاته
قصيده كانت تغنى في ملاعب لحيان قديما ولا زالت محفوظة لدى الشياب
وحبيت انقلها لكم




[poem=font="arial,5,#4b0082,normal,normal" bkcolor="" bkimage="" border="none,1," type=1 line=1 align=center use=ex num="0,"]
ونا هيض عليه وقـت فـي المبريـه=شريق الشمس بادي من ورى الانشارا
معي صاف القرا مسلوبة(ن) غربيـه=شلوع في الضرايـب ملحهـا زفـارا
انـا مقـط ازهبهـا مـن العـاريـه=معي بارودها يسبـق شبـات النـارا
احط الورد فـوق صـدارت الجنبيـه=والمزهـب المنقـوش فيـه افكـارا
بعد شدو عربكـم ليـش اقيـم هنيـه=على درب السباع اللي لهـا مقطـارا
سباع الـرزن والحّمـام والوبريـه=سباعٍ مـع قواريـن الحـزوم تبـارا
[/poem]


لحنها باين و الله إن صعب جدا و إن شاء الله إن نزلت صوتية أنزلها

رد: ديوانية الشيخ أبو حمدان الشعبية
 

لله درك يالمحارب وبيض الله وجهك علي بالملازيم إنك كفو
هذي المواضيع الزينة اللي نبغاها
نبغى تراث الأباء والأجداد وعلومهم الغانمة
أنا على ثقة تامة بأنني أمام شخصية لازالت تملك الكثير من هذه المواضيع الجزلة
اسمح لي أن أنتظر منك المزيد
تقبل تحياتي

رد: ديوانية الشيخ أبو حمدان الشعبية
 

انا قصدي ان الموضوع يستحق التثبيت وتم اضافة تقييم ..

ابو حمدان الجلسة معكم وناااسة والله ..

وانشاء الله نجد المتعة والفائدة

رد: ديوانية الشيخ أبو حمدان الشعبية
 

وجهك أبيض يبو حمدان و أشكرك على الإطراء الذي أتمنى أني أستحقه و سآتيك بكل جديد و شرف كبير لي أن ينتظر ما أكتب شيخ بمعنى الكلمة متمثل في شخصك الكريم
دمت بود

أخي سكني كلمة إنشاء خطأ و الصحيح أنها إن شاء
بارك الله فيك

رد: ديوانية الشيخ أبو حمدان الشعبية
 

صحييييييييييييييييح ............. أحسنت يا المحاااااااااااارب

رد: ديوانية الشيخ أبو حمدان الشعبية
 

تفضل بابو عايش خذ ثمن حدايتك وسامحنا على القصور
ترى خبرتي في الحداء رايحة وطي والجود من الماجود:

يامرحبا في حلة اللي يوم جيتوا قام هلاّ
رحب البدو بالغيث يوم أمطر على الديرة وهلاّ
يفرح بمقدمكم ويستانس وقلبه مستهلاّ
يامرحبا والأرض تحت أقدامكم صارت شداد

الدار مافيها كدر واللي يجيها يسفهلاّ
وصاحبك يفرح بالرجال الغانمة ولا به إلاّ
بعض العرب يلد بعيونه علينا مشبهلاّ
مرة يناظر في الجمل وأمرار ينظر في الشداد

رد: ديوانية الشيخ أبو حمدان الشعبية
 

رد: ديوانية الشيخ أبو حمدان الشعبية
 

مرحبا ملايين يالسكني
والمتعة والإنشراح شوفة الغانمين مثلك وشرواك
وتفاعلهم الطيب مع الديوانية بما يلائمها من مواضيع
مشكور على التثبيت ومشكور على التقييم
ومشكور الين ترضى وياهلا والله

رد: ديوانية الشيخ أبو حمدان الشعبية
 

صحت الألسن والله

موضوع القهوة متميز جدا يا أبو حدان

رد: ديوانية الشيخ أبو حمدان الشعبية
 

صح بدنك يابو المثلم
وشهادتك أعتز بها ووسام شرف على صدري
وإن شاء الله سنأتي لكم باشياء كثيرة ومفيدة ومميزة
ولانستغني عنكم أيضاً فيد واحدة لاتصفق
سعدت بتواجدك يالغالي

رد: ديوانية الشيخ أبو حمدان الشعبية
 

مساء الخير يابو حمدان وضيوفك الكرام

عطونا علوم المطر يالربع

ابشركم ديارنا ممطوره مطر زين من بعد المغرب

نحمد الله ونشكره


ٍ

رد: ديوانية الشيخ أبو حمدان الشعبية
 

صح لسانك يافواز وصح لسان شاعر الحداء والرجز والنظم والمحاوره الكبير ابو حمدان

رد: ديوانية الشيخ أبو حمدان الشعبية
 

السلام عليكم ورحمة الله وبركاته


أتمنى تنال أعجابكم ،،هالكيبوردية،،حقيقتاً هي لاترتقي ،، بمكانة الممدوح وبربعة ،،،لاوالله،،،ولكن تبقى شعور صادق ،،ومن القلب ،يعلم الله...



[frame="1 50"][poem=font="arial,5,,normal,normal" bkcolor="" bkimage="" border="none,1," type=1 line=0 align=center use=ex num="0,"]
قولوا لبو حمدان لن كان زريان= ماعندنا له غير (معدال ســده)
يعد وأنآ أسد ،،من بال نشطان= يقـول مايرضية واحنا نمــده
الطيب يا أهل الطيب ماجزاه نكران= والطيب...(أبو حمدان) مده وعده
ماقلتها والله زورٍ وبهتــان= ولالي فماقال المخاليق لده
البيت مايبني على غير سيسان=ياساس ماباحت ليالية سـده
أنا أشهد أنك شيخنا ياكحلان=مع كل طالة لك مغيرٍ وهــده
راعي وفا،،من غير زودٍ ونقصان=وجدر الوفا مابيننا مانهده
أقولها في كل ماقف وميدان= الطيب لا أهل الطيب ماهو مكده
يادعد يادعد الكريمة بعد زان= لي ماقفٍ ...ماني مدور مرده
أنتم هل الطالات في كل الأزمان=يامحتمين العز جزرة ومـده
تاريخكم يشدوا به الوقت (ديوان)=وأفعالكم من باسكم مستمده
شم الأنوف اللي لهم رفعة الشان=إليا أعتزا كلن بخاله وجده
أهل السيوف مرجحة كل ميزان=ماتختلف... في لين وإلا فشـدة
المجد له منزال بين وعنوان=في حد دعـد ولانزل غير حـده
قبيلةٍ من فعلها العز ريـان=والجود منها ماتضده ماضده
هذي شهادة حق والحق برهان=وباب الوفا ماني من اللي يرده
للطيب دار وللاجاويد عنوان=وللعز درب وللكرم كل مده
وقولوا لبو حمـدان لن كـان زريـان=والله مافــ \ القلب غير المـوده
[/poem][/frame]

رد: ديوانية الشيخ أبو حمدان الشعبية
 

وعليكم السلام ورحمة الله وبركاته
الله واكبر ... الله واكبر
والصلاة على النبي
تسلــــــــــــــــــــــ ـم يعماد
و هذه ثروه من ثرواتك
ياطيبــــــــــــــــــــ
صحـــــــ لسانك
وإنت من أهل الطيب دائماً
ويستاهل الشيخ ابوحمدان