قصيدة للشاعر عبدالعزيز بن عبدالله الهذلي
 

أيها الأخوة الأفاضل .. تعلمون وفقكم الله أن للشعر النبطي العديد من الأغراض من
ضمنها (النصح )وفي هذه المشاركة أقدم لكم قصيدة
للشاعر عبدالعزيز بن عبدالله المطرفي الهذلي يخاطب فيها
ابنه (سراج)ناصحاً له ومقدماً له في ثناياها عصارة تجاربه
موضحاً له الصفات والآداب التي يأملها فيه، ويحثه عليها ..
وهي بحق أمنيات خرجت من قلب ناصح أمين، فقد بدأ
وصيته بالحث على طاعة الله جل وعلى ثم تسلسل
مع ابنه بتوصيته ببر الوالدين وإكرام الضيف والجار ،
وكيفية التعامل مع الصديق والعدو
[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]

يا سراج أنا يابوك يا سراج أبا أوصيك=واسمع وصاتي يوم أوصيّك وأنهاك

اِسمع كلام اللي يحبّك ويغليك=يسهر ويتعب في محبتك ورضاك

يا سراج أنا يابوك لي طمعة فيك=خلك على ظني عسى الله ياقاك

أول وصاتي طيع ربٍّ مسويّك=اللي خلقك من العدم لين سوّاك

وأبوك وأمّك طيعهم بأمر واليك=والمصطفى يوصيك في أمك وآباك

رحّب بضيفك يوم يقبل مناصيك=بالضيف رحْب يافتى يوم ينصاك

وقدم له الكَرْمَه عسى الله يعطيك=وقدم لضيفك ما تحوشه بيمناك

والجار جارك كرّمه ثم عانيك=وادمح لجارك زلّته لو تحدّاك

واحذر رفيقٍ لك يصادق معاديك=من صادق العدوان واحد من عداك

صديقك اللي يوم تغليه يغليك=يفرح ليا جيته وتفرح ليا جاك

ما هو رفيق اللي ليا أقفيت يرميك=صديق في وجهك عدّو يتقفاك

واِحذر من النمّام من حيث ياتيك=واحذر من النمّام حِذْراك حِذراك

وختامها نطلب من الله ينجيك=ويكتب لك التوفيق في كل ممشاك [/poem]

متمنياً للجميع المتعة والفائدة،،،

رد: قصيدة للشاعر عبدالعزيز بن عبدالله الهذلي
 

واحــذر رفـيـقٍ لــك يـصـادق معـاديـك........مـن صـادق العـدوان واحـد مـن عـداك


بيض الله وجهك على هذه الابيات وصح لسان شاعرها.

رد: قصيدة للشاعر عبدالعزيز بن عبدالله الهذلي
 

اخوي الفارس حزين الطلعه

اسعدك الله في الدنيا والآخره

وصح لسان الشاعر

وقلي رايك في موسيقى (يك) و ( اك )<< احس انها مميزه<< مسوي شاعر

والله يعطيك العافيه

رد: قصيدة للشاعر عبدالعزيز بن عبدالله الهذلي
 

السلام عليكم ورحمة الله وبركاته

ونعم في الشاعر ابو سراج المطرفي ..
ولاهنت على النقل أخوي فارس ...

قصيدة جزلة وفعلا كل بيت فيها حكمة ودليل تجربة وخبره بالحياة ..

يـا سـراج أنـا يابـوك لـي طمـعـة فـيـك
خـلـك عـلـى ظـنـي عـسـى الله يـاقــاك

تسلم الله يوفقك ..

رد: قصيدة للشاعر عبدالعزيز بن عبدالله الهذلي
 

رد: قصيدة للشاعر عبدالعزيز بن عبدالله الهذلي
 

رد: قصيدة للشاعر عبدالعزيز بن عبدالله الهذلي
 

رد: قصيدة للشاعر عبدالعزيز بن عبدالله الهذلي
 

قصيده جزله فيها الوصايا الطيبه

رد: قصيدة للشاعر عبدالعزيز بن عبدالله الهذلي
 

واِحـذر مـن النمّـام مــن حـيـث ياتـيـك ////واحــذر مــن النـمّـام حِــذْراك حِــذراك

مشكور وصح لسان الشاعر

رد: قصيدة للشاعر عبدالعزيز بن عبدالله الهذلي
 

رد: قصيدة للشاعر عبدالعزيز بن عبدالله الهذلي
 

قصيدة راااااااااااااااائعه جدا


وشاعر نكتشف من بيوته انه له تجارب تفرض عليه الحكمة المتجليه في قصيدته


تسلم يمناك يبو خالد ولاعدمناك


وصح لسان الشاعر عبد العزيز المطرفي


وتحيااتي لك

رد: قصيدة للشاعر عبدالعزيز بن عبدالله الهذلي
 

قصيده رائعه وجميله جدا بيض الله وجهك وصح لسان الشاعر

رد: قصيدة للشاعر عبدالعزيز بن عبدالله الهذلي
 

آآآآآآآآآآآآآآه بس هو في زي الأبو !!!
والقصيده بأكملها جميله وهذا البيت الأجمل (في نظري طبعاً)

بعض القصائد لاتمر دون أثر !

درر قدمها أب لأبنه على طبق من شعر

تحياتي أستاذ الفارس ،، ويعطيك العافيه

رد: قصيدة للشاعر عبدالعزيز بن عبدالله الهذلي
 

حيا الله أخي الفاضل البرق ..

مرور كريم ..

واختيار مناسب ..

وفقك الله ..

وسدد خطاك ..

رد: قصيدة للشاعر عبدالعزيز بن عبدالله الهذلي