نصفي بقايا حي والنصف مذبوح
 

[poem=font="arial,4,#8b0000,bold,normal" bkcolor="" bkimage="" border="none,1," type=1 line=1 align=center use=sp num="0,"]

بعض الطيوف تمر فالحلم وتروح=والبعض للاشواق ساعي بريـده
بعض الاوادم وقته مزوح وفروح=وبعض الاوادم يقتل الحزن عيده
وانا ترى قلبي من العام مجـروح=ولا عاد يستحمل جروحٍ جديـده
نصفي بقايا حي والنصف مذبوح=وتعبت من ظلم الظروف العنيـده
اهيم في سطح الورق وانثر البوح=شعرٍ يغيظ اهل القلـوب البليـده
يبني به العاشق تماثيل وصـروح=وتقراه خطلان اليديـن وتعيـده
يازين ياللي تخلط الجـد بمـزوح=مدري دلع والا ظروفـك زهيـده
خذ كلمة مني تسجل على اللـوح=وان كـان ودك ودهـا للجريـدة
انا ليا غنت حمامه على الـدوح=تنقضت فينـي جـروحٍ عديـده
ارحل فمان الله يازيـن مسمـوح=عسى حياتك في البقيـة سعيـدة
والا اسقني قدام لا تطلع الـروح=شربة هنا تبري الجروح الجديده [/poem]

رد: نصفي بقايا حي والنصف مذبوح
 

صح السانك اخي عبد العزيز واولى المشاركات وباقه جميله,,,
نتمنى منك ان تكون معنا في هذا الصرح الشامخ,,
لكي تستفيد وتفيد



فهلا وسهلا,,

بين اخوانك ,,


ابداع اخي عبد العزيز لاهنت



دمت بوووود ,,,

رد: نصفي بقايا حي والنصف مذبوح
 

السلام عليكم ورحمة الله وبركاته


فالبداية نرحب بك أخي عبدالعزيز، في منتداك ، نورت المنتدى.

ومصافحة أولى تبشر بالكثير والكثير، صح لسانك لين ترضى ياعبدالعزيز.

تحية طيبة

رد: نصفي بقايا حي والنصف مذبوح
 

السلام عليكم ورحمة الله وبركاته

اولا نرحب بك اخي الكريم اجمل ترحيب

ونتمنى لك قضاء اجمل الاوقات

بالنسبه للقصيده فهي رائعه جدا

ومشاركه اولى تستحق التقدير

صح لسانك يالغالي

وحياك الله في مجالس هذيل

رد: نصفي بقايا حي والنصف مذبوح
 

بحر بسيط وسهوله وعذوبه في النص ننتظر جديدك اخونا عبد العزيز الدلبحي حياك الله

رد: نصفي بقايا حي والنصف مذبوح
 

بعض الاوادم وقته مزوح وفروح
وبعض الاوادم يقتل الحزن، عيده


يا سلام

رواء شعري ولا شك

مرحبا بالشعر

مرحبا والله يا عبدالعزيز

رد: نصفي بقايا حي والنصف مذبوح
 

رد: نصفي بقايا حي والنصف مذبوح
 

والله جزالة وسهولة الفاظ وتسلسل شعري رائع
سجل إعجابي ونتمنى المزيد وياهلا بك أخوي
تشرفنا بوجودك معنا

رد: نصفي بقايا حي والنصف مذبوح
 

رد: نصفي بقايا حي والنصف مذبوح
 

ما شاء الله تبارك الله بدايه ناريه

صح لسانك وننتضر جديدك

رد: نصفي بقايا حي والنصف مذبوح
 

صــــــــــــــــــــــــ ـــــــح لســـــــــــــــــــــــ ـانكـ



بعض الطيوف تمر فالحلم وتروح=والبعض للاشواق ساعي بريـده
بعض الاوادم وقته مزوح وفروح=وبعض الاوادم يقتل الحزن عيده

رد: نصفي بقايا حي والنصف مذبوح
 

غبدالعزيز الدلبحي

صح لسانك

يبني به العاشق تماثيل وصروح
وتقراه خطلان اليدين وتعيده

البيت شاعري ولكن اعتقد انك ابتعدت عن الشاعريه في الشطر الثاني فجاء صيغة فخر بعد ما بديت بصيغة حالمة ان جاز لي التعبير

على العموم هذا ما ينقص من شاعريتك

تقبل مروري

رد: نصفي بقايا حي والنصف مذبوح
 

السلام عليكم ورحمة الله وبركاته


هانحن نرحب بقصيدتك يسبقها ترحيبنا بشخصك ..
إطلالة أولى مختلفة لاشك ..
بمعنى آخر كان هنا شعرا يحمل كل معاني الجمال ..

ننتظر المزيد فمن يقدم هذه التحفة يملك أكثر وأكثر ..

مرحبا بك مرة أخرى أخي الشاعر عبد العزيز ..

رد: نصفي بقايا حي والنصف مذبوح
 

صح لسانك..

قصيده رائعة..

رد: نصفي بقايا حي والنصف مذبوح