|
راعي الجود والا حسان
احتفاءاً بعودة ولي عهد المملكه العربيه السعوديه سالماً معافي لارض الوطن نظمت هذه القصيده التى لاتمثل الا جزء يسير من مشاعري ومشاعر الكثير من المواطنين فرحةٍ بوصول وجه السعد والخير وجعل ايام المملكه دائماً افراح ومسرات........ يامرحبا وصلت ياسلطان واستبشرت بك منازلها المملكه جتك بالاحضان حتى كفوفك تقبلها في وصفها تعجز القيفان بنتٍ تنقض جدايلها بقدومك الشعب والاوطان تبكي فرح يامجْملها والحمدلله رفيع الشان اللي برى لك من عللها الفكر والروح والوجدان تغني احلا مثايلها ياراعي الجود والاحسان غيث اليتاما وارملها ماللوفا غيركم عنوان صعب المواقيف تكفلها بش المحيا كريم ايمان تفخربك افضل خصايلها ياقايد الجيش ياشيهان تلطم عدانا وتخذلها من هيبتك ترضخ العدوان سطوتك بالفعل تذهلها آمن البحر للبحر لابان حلاّل كايد مسايلها ومن حد عرعر ليّا جازان حامي حماها وعاقلها ياللي طمعت بجبل دخان روحك بجهلك تجاملها من دون حد الوطن فرسان الارض تحتك تزلزلها حاضر بحاضر على الميدان ما انته بقادر تقابلها بقوة الدين والايمان تدحر فلولك وتقتلها في ظل دوله على سيسان بالشرع تحكم تعاملها ماتقبل الزور والبهتان بالله عظيمٍ توكلها يامهبط الوحي والقرآن ياقبلة قلوب لك ولّها يحكمك من توفي الميزان آل سعود بفعايلها عاش الوطن عاشوا الشجعان اللي عريبه سلايلها هذي قصيده عن الثقفان عشق ولاء من قبايلها لاجل الوطن نرخص الاثمان والنفس للموت نرسلها يامرحبا وصلت ياسلطان واستبشرت بك منازلها المملكه جتك بالاحضان حتى كفوفك تقبلها احترامي |
رد: راعي الجود والا حسان
مرحبا وحي الله ما جبت يابو زياد
قصيده من الطراز الاولى وطنيه شامخه بشموخك وشموخ الوطن لله درك وصح السانك ولاهنت ياالغريبي . . وبيض الله وجهك والحمد لله على رجوع ولي العهد وسلطان الخير تقبل احترامي |
رد: راعي الجود والا حسان
صح لسانك ياراع الأوله قصيدة جزله تزخر بالمشاعر الوطنية الصادقة والنعم فيك وفي ربعك
تقبل مروري |
رد: راعي الجود والا حسان
السلام عليكم ورحمة الله وبركاته
قصيدة جميلة بصراحة يابندر ، صح لسانك عليها ولاهو غريب هالوفاء والحب ، من كل سعودي عاش وتربى في هذا الوطن.......ونعم بربعك الثقفان..... صح لسانك تحية طيبة |
رد: راعي الجود والا حسان
قصيدة شامخة جزلة
من شاعر جزل مبدع نثر مشاعرة الوطنية في هذه الرااااااائعة فرسم لوحة جميلة امتزجت فيها روح الشعر الحقيقي والمشاعر المعبرة الصادقة ليصل هذا المبدع الى مبتغاه فيحيه الشعر قبل الرجال تسلم يابندر وصح لسانك تقبل تقديري واعتزازي |
رد: راعي الجود والا حسان
.
يامرحبا وصلت ياسلطان واستبشرت بك منازلها المملكه جتك بالاحضان حتى كفوفك تقبلها في وصفها تعجز القيفان بنتٍ تنقض جدايلها ياسلام .. ياراع الاوله قصيده شامخه بكل ماتعنيه من كلمه .. وزادها شموخاً ذلك المطلع البهي .. لقد احسنت الاختيار لمقدم هذه الرائعه .. في صاحب الايادي البيضاء .. سلطان الخير والحمدلله على سلامته .. تحياتي |
رد: راعي الجود والا حسان
عودة رائعة من الشاعر راعي الأوله
يارجل وين أنت من فترة مختفي عسى ماشر لكن هذه الشامخة تشفع لك الغياب صح لسانك وعلا شانك وبيض الله وجهك مشاعر وطنية صادقة نابعة من صميم القلب فوقعت في القلوب لله درك |
رد: راعي الجود والا حسان
اقتباس:
الله يبقيك يارايد هذيل والشموخ انت عنوانه يالغالي وصحت ابدانك ولاهنت وتشرفت بحضورك الراقي شكري الجزيل لشخصك الكريم |
رد: راعي الجود والا حسان
اقتباس:
صحت ابدانك يايسوم هذيل تشرفت بمرورك الكريم ولاعليك زود يالغالي لك مني كل التقدير |
رد: راعي الجود والا حسان
ياراعي الجود والاحسان
غيث اليتاما واراملها الله الله شاعر مبدع وله أسلوبه المتميز صح لسانك |
رد: راعي الجود والا حسان
[align=center][table1="width:95%;"][cell="filter:;"][align=center]
وعليكم السلام ورحمة الله وبركاته صح لسانك ياراعي الأوله قصيده رائعه ولاهو غريب الوفاء من اهل الوفاء ارق التحايا [/align][/cell][/table1][/align] |
رد: راعي الجود والا حسان
اقتباس:
يامرحبا ياعماد الشعر والجميل حضورك وصح بدنك وسلمت وماعليكم زود يا اهل الطيب والعلم الغانم تقديري وخالص شكري لمرورك الكريم |
رد: راعي الجود والا حسان
اقتباس:
اخي العزيز/ ابو الوافي حضورك بحد ذاته شرف لي وشهادتك وسام فخر صح بدنك يالغالي ولاهنت تحياتي وشكري لشخصك الكريم |
رد: راعي الجود والا حسان
اقتباس:
اخي الغالي / فارس الصحراء الشموخ مرورك وتعليقك الراقي وكلماتك مصدر فخر لاهنت |
رد: راعي الجود والا حسان
صح السانك وعلا شانك يالغالي
وبيض الله وجهك قصيده تحمل من أولها إلى آخرها الجزاله |
| الساعة الآن 01:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل