السلام عليكم
 

[poem=font=",7,darkblue,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black""]
تسلطن شاعر الحكمة وهو للسلطنة منوال= ومثله لا ارتكا للكايدة لابد يزهلها
عطانا من فنون المعرفة واسرارها شلاّل= و(جود) الخيل في ميدانها من جود اصايلها
ولا عندي من اسرار المعارف خير مماقال= ولكن هاضني زين العلوم وزين قايلها
وقلت آخذ مع (الطلحي) من اطراف الحكم موال= وانا من لابة طيب المعاني من شمايلها
ياهَبّ الرّيح : حنّا في زمانٍ يشبه الغربال= تساوت فيه زينات الصنايع مع فشايلها
تشوف الرَجل في هندامته بالبشت والدسمال= تقول ذولا الرجال اللي تنومس في قبايلها
تعجّب فيه لا منّه ظهر في مشيته يختال= وهو ماغيرشمّاعة هدوم السوق شايلها
يحسب المرجلة ثوبٍ يجرّ، وموترٍ، وعقال= ولا من جاته اعماها ، وهو ودّه يكحلها
حياته كل ابوها ما تغيّر بين رح ، وتعال= وحظه من صفات المرجلة صفرٍ يقابلها
يروحون العرب صوب اليمين وهو يروح شمال= ولا يغريه من بين الطبايع كود مايلها
انا وصّاني الوالد وحنّا في ذراه عيال= يقول احذر بحورالعيب لاتقرب سواحلها
وبنت الدون لا يغريك فيها رنّة الخلخال= ولوكثرت مفاتنها ، ولوطالت جدايلها
تراها تجحد المعروف ما تذكر منه مثقال= ليا شانت ظروفك قام يظهر لك تحايلها
ولا تسمع في النشمي عريب الخال قيل وقال= وشياطين البشرحذراك تنشب في حبايلها
صحيح ان البلد فيها من اقروم الرجال اجيال= رجالٍ تكسب الطالات والميلات تعدلها
أقوله ماني اطيبهم ، ولاني دونهم منزال= ولا من يصنع الكذبة على كيفه يفصّلها
ولكنها تجارب عشتها في كثرة الترحال= ومن عايش طباع الناس ما يجهل وسايلها
معوض خير يا رَجلٍ فقد ناس وفقد مدهال= خسايرجايرة لاشك ماتغني بدايلها[/poem]

رد: السلام عليكم
 

صح لسانك يابو رعد

قصيده جميله جدا


محمد عليه الصلاة والسلام لم يقل يابنات الدون تصدقن واكثرن من الاستغفار فاني رايتكن اكثر اهل النار , وذكر انهن يكفرن العشير بل قال عليه اتلصلاة والسلام يامعشر النساء

فلو استبدلت البيت الثاني ببيت يتحدث عن العيال لكان اجمل

قال راعي الكلام

شبعنا وشبع الذر من سورنا ... وللذر في زاد الطيبين معاش

من لايجود منسبه قبل ولده ... ولا ترى ولده يروح بلاش

فائق تحياتي واحترامي

رد: السلام عليكم
 

صح لسانك اخوي

قصيده جزله


تحياتي وتقديري

رد: السلام عليكم
 

معوض خير يارجلٍ فقد ناس وفقد مدهال
خساير جايره لاشك ماتغني بدايلها

صح لسانك وبيض الله وجهك يابورعد مجاراه رائعه ومصافحه اولى تجعلنا نطلب المزيد من القصيد الجزل ،تحياتي وتقديري

رد: السلام عليكم
 

مرحبا يابورعد
صح لسانك يالجزل

رد: السلام عليكم
 

حياك الله ياللحية الغانمة :
ومشكور على المرور .

رد: السلام عليكم
 

الجزالة هي في مرورك العطر ياغالي .
لاخلا و لا عدم .

رد: السلام عليكم
 

عظيم شكري وامتناني على تعطيركم متصفحي المتواضع .
لاهنت ياغالي .

رد: السلام عليكم
 

المهلّي ما يولّي .
صح بدنك يالنشمي .

رد: السلام عليكم
 

وعليكم السلام ورحمة الله وبركاته

وحياك الله يابو رعد

اطلاله اولى تبيض وجهك

صح لسانك

رد: السلام عليكم
 

صح لسانك

وصح لسان شاعر الحكمه


يسلمووووو

رد: السلام عليكم
 

المرحّب يسلم ويدوم مشرفنا الكريم .
ووجهك أبيض يالغالي .

رد: السلام عليكم
 

كل الشكر والتقدير على المرور العطر .
لاهنتم .

رد: السلام عليكم
 

[align=justify]صدقت أخوي خضر إطلالة عز الله تبيض الوجه ، وصح لسانك يابو رعد
[/align]


ولنا الشرف بإنضمامك ونتطلع للفرايد الندرا

رد: السلام عليكم
 

أخجلتم تواضعنا أيها الربّان الماهر ..
لا خلا ولا عدم .