::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   المجلس العام (https://hothle.com/vb/forumdisplay.php?f=4)
-   -   اصملوا يا شباب (https://hothle.com/vb/showthread.php?t=10720)

السرواني الهذلي 12-04-2007 06:58 PM

اصملوا يا شباب
 
الو ....الو .....الو.... الصوت واضح ..حول
هلا وغلا .......
How are you ??
تزقحون صح .......خخخخ

I miss you alot dears
oh ya nice DAKAH NIKS

Well:

تذكرون المثل الي يقول " اكل الزمان عليه وشرب"

عاد انا موب بس اكل وشرب.. الاّ فرش السّماط وتربّع

من زمان عنكم بس هذانن رجعنا وانا اقدر استغني عنكم ..
لي حوالي الشهر وانا الاحظ تدحدر في وزني..
شكيت ان فيني انفلونزا الدجاج..
وجتني ام الركب..

بالاخير اكتشفت ان هالانخراط في الوزن سبته الانخراط تارة في البكاء و الحزن و تارة في القراءة يقالكم ابتثقف خخخخ..و تارة في الرسم


و هذا الي وصلت له الى الان ولله الحمد والمنه ..

في هالصفحة المنورة بوجودكم ..
ومع فلسفة المخ الفاصل..
وحالات التدهور النفسي المزمن اللي تنتابني..
وشيئ من الانفصام المبكر في فلسفة طريق الخدمة..
يظل التحكم الارادي في النفس هي ميزة الانسان عن البهايم..

( مع ان الكثير من البشر ما يدلون الدرب خخخ)

المهم :
كنت قاعدة اتفرج على programme عن السعودية و جايبين وطنك ايش تقدر تعطيه >>ماعلينا ..

قامت تدور في بالي افكار و هواجيس عن :

نواف
طالب نجيب ..

تخرج من كلية الهندسة بتقدير مقبول " بالدّف "
عله ان يحيا بحياة رغيدة في ظل
الطفرة البشرية الناتجة عن ارتفاع اسعار البترول..
ووفرة الوظايف..

طموحه كاي شاب في امتلاك اخر موديل من سيارة تويوتا عراوي..
حيث انه هاوي للتضبيب " صيد الضبان " ..
كثيرا ما يحب الاختلاء بنفسه .. والتسدح في روضة خريم ..
والهياط على ربعه المتصرمحين في شوارع الرياض لاشغل ولا مشغله

طبعا الرجال ما صدق على الله،، لادوام ولا هم يحزنون
نوم لين الظهر وتبطح وسهر لين الفجر وماغير تشوفط بهالمعسل
لين صار صوت قصبته الهوائية تقل شكمان مصدي

قدم على كم وظيفه حكومية وخاصة وجلس ينتظر الرد منهم..
بس للاسف.. ماعندك احد




وفي احد الايام المغبرة دق جواله..

-الو..

-اهلا يابيه ازيك..حضرتك الاخ نواف ؟؟

ايه وصلْت..

-معاك حسنين من شؤؤن الموظفين في مؤسسة " تصاميم ال......... "

-هلا هلا وش عندك يالطيب

-يا أوستاز نواف دحنا وصل لنا طلب توزيف من حزرتك وعايزين نعمل لك مؤابلة شخصية حزرتك؟

-ايه ايه متى الموعد..

-بكرة الصبح حزرتك كويس؟

-كويسين..

طوط طوط ( قفل المصري بوجهه عشان لايصرف )



رجع نواف بيتهم وهو بيتشقق ويبشر اهله اخيرا لقيت وظيفه..

طبعا ذاك اليوم الرجال عزم اخوياه المصافيق على " مثلوثة " بهالمناسبة

بلا حامت كبودهم من الشاورما كل يوم

طبعا المسيكين ما نام من الفرحة وقعد يحلم بالوظيفة والراتب ..
والمكتب اللي تردح فيه الخيل

قام الصبح وراح للمصري حسنين..


السلام عليكم..

-وعليكو السلام هلا والله ومسهلا ( مصري متسعود)

قعد يعبي الاستبيان و و و ثمن قعد يكلمه حسنين ...

شوف يانواف احنا هنا عاوزين كوادر سعودية وعاوزينك تشتغل معانا

-طيب وش طبيعة العمل المطلوب مني..وكم الراتب ( كالعادة اهم شي الراتب )

-احنا مش حنختلف على الراتب وانشالله اذا اثبتت جدارتك حتاخود علاوات وبدلات

- يعني بحدود كم..? (الرجال ساحب على الشغلة ..باله مع الراتب )

-شوف حضرتك ..الشهرين الاوليين حتاخود 2000 ريال ،، ولما تتثبت حيبقى 3500 ريال

<--- نواف!!

-الحين خريج هندسة وراتب 3500 صاحي انت..?!


-مالك يابيه انت زعلان ليه مش احسن من النوم وبعدين اللي شايفك
بيقول جايبلي امتياز بمرتبة الشرف
دي حتة "مقبول" <---وده بكف الرجال

نواف مارد عليه طلع وصفق الباب وراه..

- لابارك الله في وجهك!



رجع نواف للبيت بعد ان مر القهوة على عشان يعدل الكور

الرجال الى يومكم هذا وهو ما اشتغل..

وماغير يطامر بملف أخضر علاّقي كود انه يلقى من يقدر مواهبه الفذه..
ويصكه بالراتب المأمول..

ولو تناظر من بعيد في تلك الزاوية المندثرة في مقهى ( .... ) بين شلة من المتصرمحين
لرأيت نواف الى الحين وهو يعدل في هالكور..ويهايط على اصحابه انه مهندس
............
ما يستفاد :


لكل شاب سعودي..

خلك طموح والدنيا ما توقف على احد..
بتدور وبتدور .. واللي ما طلته امس انشالله بيجيك بكرة..
شد حيلك وتوكل على الله..ومن توكل على الله فهو حسبه

كل شي صغير مصيره يكبر..
وكل قليل مصيره يكثر..
اذا حطيت براسك شي بتوصله ..
لا تحطم نفسك ...
كثير من عيالنا يبي يدوام على مكتب شبابيكة تطل على شارع عام و فخفخة ..
وبوه مكيف بالريموت.. هي مهيب شينه ..
بس اذا ماتوفرت لك تنتحر يعني.. !!
والا تنخمد ببيتكم وتصير عالة على اهلك والمجتمع..


انا كتبت هذا لان هذي حالة غالبية شبابنا ..
اخواني عيال خوالي عمامي .....


الحيــــاة صعبة.. بس يبيلها من يصمل......

الله يوفق الجميع ياااارب .........

عجبكم ردوا ما عجبكم شرفني مروركم ...

فـتى هذيل 12-04-2007 09:07 PM

رد: اصملوا يا شباب
 
لاوالله الا أعجبني...............وماقلت الا الصدق ياولد العم

يعني الــــ3500 ريال ماهي أحسن من النوم عند امه ؟؟؟؟؟؟؟؟

والا أبوه اللي يصرف عليه !!!!

ياخي اشتغل فيها الين تلقى لك وظيفه أزين ...لكن مانقول الا الله يصلح الحال

السحماني 12-04-2007 09:15 PM

رد: اصملوا يا شباب
 
الحيــــاة صعبة.. بس يبيلها من يصمل......


والله صادق هذا حالنا اليوم ما نرضى بالألف نرضى بالطيحة في البيت


وتقبل مروري


And thanks

أبو حمدان 12-04-2007 09:46 PM

رد: اصملوا يا شباب
 
والله الدنيا يبغى لها كفاح
والواحد يرضى بما قسمه الله له
ياخوي راتب قليل أحسن من لاشيء
والواحد يمشي حاله في مثل هذه الشغله
حتى يكرمه الله بأحسن منها .

محبوب 12-04-2007 10:24 PM

رد: اصملوا يا شباب
 
مشكور اخي السرواني

؟؟؟؟؟؟؟؟؟

سكني 12-05-2007 01:08 AM

رد: اصملوا يا شباب
 
موضوع جميل ويستحق الاهتمام والرد ..

سرواني .. سالت نفسك قبل لا تنزل الموضوع .. هل ( 1000 ) ريال قبل 10 سنوات هيا نفسها ( 1000 ) ريال اليوم ..؟!

سوال ثاني

هل الاسرة السعودية في غض النظر عن عدد افرادها .. يكفيهم راتب ( 1000 ) ريال الى ( 5000 ) ريال او ( 7000 ) ريال في وضعنا الراهن .. اجار الشقة او الفلة والمتتطلبات الاسرية .. البيت والمدام والسيارة والشغالة والاولاد والملابس و و و و .........الخ

اقتباس:

طموحه كاي شاب في امتلاك اخر موديل
الايستحق ..! .. وهل يستطيع ان يشتري مثل هذة السيارة .؟؟ متى وكيف ؟ وهل بالدين او قرضة ربوية من البنك .. يعني مصيبة اعظم (( ويطيح في حفر ومستنقاعة الديون )) عمر الدم ما ينغسل بالدم !!


اقتباس:

كثير من عيالنا يبي يدوام على مكتب شبابيكة تطل على شارع عام و فخفخة ..
وبوه مكيف بالريموت
هذا الكلام موبالغ فية

شكراً سرواني

اترخص يالربع

السرواني الهذلي 12-05-2007 01:47 AM

رد: اصملوا يا شباب
 
شكرا علي المرور يا ابوحمدان ومحبوب والسحماني وفتى هذيل وسكني
وبالنسبه لسكني لو نفترض انك ساكن في اسره مكونه من اكثر من شخص مين الاحسن انك تقعد او تشتغل 3500 ريال اسرتك اولى فيها
اما لسيارة لاتشتري جديد من اول مره
انا اعرف ان الكلام مبالغ فيه اشوي لكن في بعض من عيالنا ما يبون الا مكيفات ومكاتب وهم ما معهم الا المتوسطه
شكرا

سكني 12-05-2007 02:00 AM

رد: اصملوا يا شباب
 
اعجبني تعقيبك يا ولد ابوي

اقتباس:

وبالنسبه لسكني لو نفترض انك ساكن في اسره مكونه من اكثر من شخص مين الاحسن انك تقعد او تشتغل 3500 ريال اسرتك اولى فيها
كلامك ماعلية غبار ...........

اقتباس:

اما لسيارة لاتشتري جديد من اول مره
انا اعرف ان الكلام مبالغ فيه اشوي لكن في بعض من عيالنا ما يبون الا مكيفات ومكاتب وهم ما معهم الا المتوسطه
شكرا
لا شكر على واجب يالذيب .. اناا تحمست مع الموضوع وبعدين انتبهت ان الركن ركن الاستراحة للمواضيع الهزلية

حقيقة شدني الموضوع خصوصاً ان الناس تغيرة في كل شي ..ولا الوم الزمن على ذلك ..انما الزمن تدبير الاهي

تسلم وانا اخوك .. فديت سعة صدرك

نـــ الشمري ـــورهـ 12-05-2007 03:05 AM

رد: اصملوا يا شباب
 
مشكوووووور خيو على هالموضوع

والله يعينكم يالشبـــــاب الحمدالله اني بنـــت

والله يعين اهلكم عليكم http://www.7oob.net/smiles/2/Q82_22.gif

السرواني الهذلي 12-05-2007 07:17 AM

رد: اصملوا يا شباب
 
شكرا علي المرور يا سكني ونوره الشمري

تيك اوف 12-05-2007 07:26 AM

رد: اصملوا يا شباب
 
الله يعطيك العافيه يالسروااني

وبعدين اللي يقول ان الالف ماهو قروش ورني اياه

لا تقول ماهو قروش وش تبي يعني انت يابو الف ريال تبي تصرف مثل اللي رااتبه 10000

هذي المشلكه انه ماحد ثيطبق مد رجليك على قد لحاافك

ولا تناضر فوق تنسكر رقبتك

خلك مثلي على حد النظر <<<<<< الله من البكش

يعطيك العافيه طال عمرك

السرواني الهذلي 12-05-2007 09:30 AM

رد: اصملوا يا شباب
 
شكرا علي المرور يا تيك اوف

الهذلية 12-05-2007 08:52 PM

رد: اصملوا يا شباب
 
إي والله صادق ياأخوي
الله يعينا على الحاة الصعبة
بس عموماً الحمد لله على كل شي

الذيب هذيل 12-05-2007 09:10 PM

رد: اصملوا يا شباب
 
مشكوووور اخوي السرواني ما قصرت

السرواني الهذلي 12-06-2007 04:46 AM

رد: اصملوا يا شباب
 
شكرا علي المرور يا هذلية والذيب هذيل


الساعة الآن 08:45 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل