::{ مجالس قبيلة هذيل }:: موقع يهتم بتراث القبيلة ومفاخرها - الدكتور حمد العصيمي الملقّب بالداهيه يواجه/ تركي السناني!!!!

محاورتين أعجبتني وكنت أحد متابعيها
جمعت الشاعر الدكتور: حمد العصيمي (الداهيه) كما يحلو للبعض تسميته
مع شاعر إسمه : تركي السناني في أحد المنتديات
دار خلالها عدة لقاءات بين هذين الشاعرين . إخترت لكم شيءً منها
الدكتور حمد العصيمي شاعر علم وغني عن التعريف
ولكن من يعرف الشاعر / تركي السناني؟؟
لم أعد أقرأ له ولم أعد ادري إين هو الآن !!!!!
فهو بحق شاعر لايستهان به ولكم الحكم .
أتمنى أن يحوز ماطرحته على رضاكم .
وأترككم مع المحاوره ..

.
.
.

تركي السناني

سلام من شاعرن يعرف حدود الزين والشين
يبني بيوته على الطاله ويرفع فـي عمدهـا

هذي رساله وانا ابغى ردها لو بعد عاميـن
اما يجي ردها والا العـذر يصبـح رددهـا

د . حمد العصيمي

الله وضع حد يا الشعار بين الشين والزين
يا مرحبا يا بيوت بنيها اولى من هددهـا

يا تركي 2006لا تعـود تركـي 2000
احسب حساب الليال المقبله واللي بعدهـا

تركي السناني

يا راعي الديرة اللي وصفها من حضن ويمين
نبغي نلف الجنازه وانت وسـع فـي لحدهـا

قبل امس قفلت عنا السوق واغلقت الدكاكين
يا فكرتي فيك يا اللي نعمـة الله مـا حمدهـا

د . حمد العصيمي

يا راعي الديره اللي بين بحر وبين ظلعين
ما قدمك الا العدود اللي تروي من وردهـا

في سوقنا ما يحول راع ابو عشرة وقرشين
والسلعه الحايره والبايـره ترجـع بلدهـا

تركي السناني

خل السوالف تجي وتروح وتقر الموازين
واللي بغى الغاليه عندي ليا دور وجدهـا

عد الجنايز وتلقاها يجي خمسه وعشرين
لكن با الله ليا عديت لا تنقـص عددهـا

د . حمد العصيمي

ياصاحبي يا السناني دوب جات العين فا العين
والـدرب قدامنـا والسابقـة تطلـع بيـدهـا

يا تركي منين جاي الليله ورايح علـى ويـن
النـاس قالـوا يـدور للذهيبـه مـن فقدهـا

تركي السناني

سوق البعارين وانا اجيك بحمول البعاريـن
وابعد مداها عشان ليا عدت تعـدي جهدهـا

الله يعوض هوازن كلها في غـزوة حنيـن
هذا جزى اللي رضى الاصنام له رب وعبدها

د . حمد العصيمي

راع البعارين ساق الذود وازعل راعي الضين
والغافل اللي وخذ فا الليله اللـي مـا رقدهـا

هذيك غزوة قضاعه بعدها راحـت قطاعيـن
راحت قطاعين فوق الارض وارقد يا ولدهـا

تركي السناني

اللي تبيها عليها اليوم راحت خمسه سنين
وازريت فا العقده اللي حظك النايم عقدها

وحده بوحده يقولون الرجال الدهر يومين
واللي بقي لك بعدها فا لزمان امر وادهى

د . حمد العصيمي

اللي نباها خذينهـا غصيبـه يـا مساكيـن
شالتكم المزنه اللي برقهـا يسبـق رعدهـا

لله يطول حياتك لين تقـدر تقضـي الديـن
واللي مضت كان طاري لك طواري قم وعدها

تركي السناني

المسكنه قسم اهلها ماهي بقسم السلاطين
لا تقرب الغابه ام وحوش لا يا كلك اسدها

حبل الشقا بيننا ممدود وتجيك البراهيـن
كلن يقوم ركـون الملـه اللـي يعتقدهـا

د . حمد العصيمي

ياجوج ماجوج تحفظهم جبال الهند والصين
وان واعدتنا بعد بكره نجيها فـي وعدهـا

والله لاطلعك تال المـاد لا دنيـا ولا ديـن
واخذ عليك الصكوك اللي يثبتهـا سندهـا

تركي السناني

تبا تعيد الليالي يا العصيمي حرب حطيـن
واللي شهدها يعلم با الخبر من لا شهدها

نذكر نهار الثلوث ليا ذكرتوا يوم الاثنيـن
يا اللي رميت الحطب فا النار ولعها وزدها

د . حمد العصيمي

ان عادها الوقت رحتوا حب في وسط الطواحين
ما تطلع السجده الا في جبيـن اللـي سجدهـا

وش صار لك يا السناني بعد هذيك النهاريـن
اللي زرع شجرة الزقوم يـا تركـي حصدهـا

ثم يتغيّر بينهما المحراف
على النحو التالي
ويبدأ العصيمي

د.حمد العصيمي

قم يا السناني نباها بيننا شعلة ومقباس
ما فيه رحمه تولم لا تذل ولا تهابي

العام شفتك ورى العطفه تصيح وتجمع الناس
واليوم مسرعك رديت الشباري والجنابي

تركي السناني

يا ساطي الباس لا ناديت جا لك ساطي الباس
والذيب سرحان لا يمكن تعشاه الذيابي

العام واليوم يا شاعر عتيبه ما حصل باس
وان عدت عدنا وحالفنا عبيد الله العرابي

د.حمد العصيمي

اكرب حزامك وخل الكهربه تقرب من الماس
(ان علقت فا السما وان وقعت فوق الترابي)

يا ويلكم يا جهينه كان طاح الفاس فا الراس
في حلف الاشراف ما باقي نبي ولا صحابي

تركي السناني

عشرين فارس من العتبان فوق ظهور الافراس
راحوا مروايح ابو زيد وولد عمه ذيابي

دور على شجرة تقدر عليها وانقل الفاس
مالك ومال الرجال متعبةعوج الركابي

د. حمد العصيمي

عشرين لحية من الجهنان طاحت تحت الامواس
واربع وعشرين لحية شابت بعز الشبابي

قصرت عليك الثياب اللي تلبسها تلباس
قصرت ثياب السناني مير ماقصرت ثيابي

تركي السناني

بكره يطيح المطر ونجي لكم طرقي وعساس
ونصفي العد يا دكتور ويطيب الشرابي

احسب حسابك ترى هرجك تعدى الحد بقياس
انته تجيب الخطا واحنا نجي لك با الصوابي

د. حمد العصيمي

بكره يطيح المطر ويجي لكم حلاب الادياس
حتى لو تشملون ديوس عوجات الرقابي

ليا ابغيت اطعنك ما نبي بناقل رمح جساس
مار انت يمناك ما عديتها حد المخابي