::{ مجالس قبيلة هذيل }:: موقع يهتم بتراث القبيلة ومفاخرها - محاورة /مساعد السويهري و ثواب المسعودي

[frame="7 80"]محاوره بين /مساعد السويهري و ثواب المسعودي
بقصر السعاده في مكه المكرمه

( مساعد بن سعيد )

مرحبا ترحيب وافي كل واحد في شداده
لازم اخطام الذلول ولازم اشداد المطيه
=
الركاده ياثواب ان كان ودك بالركاده
لابغيت اتمد يدك امع الرجال الصيرفيه

( ثواب بن ثويب )

البقا ومقابل العراف نوع امن الرشاده
العب العب يامساعد لاعليك ولاعليه
=
كيف سوة حالة الحداد من بعد الحداده
والذكاه اللي بلى سكين ماتسمى ذكيه

( مساعد بن سعيد )

ليل ياليل السعد ياليل ياليل السعاده
ياثواب ابن ثويب جابك الله من صفيه
=
والزعامه والقياده خلها لهل القياده
جنبت عنها يداك وجابها الله في يديه

( ثواب بن ثويب )

ديرتي وانا احمدالله واشكره ماهي نقاده
والرجال إعيال جد وكل واحد في نحيه
=
البلاء اللي مالقي له شي من غاية مراده
كل ماشاف النصوف يقول ردوها صبيه

( مساعد بن سعيد )

البلد هذا بخير وزاد عزه واقتصاده
وانت لا هلحين ماتدري كذه والا كذيه
=
وانت ماتدري عن اللي حظ ابو سلطان صاده
شيخ قوم وشيخ صف وكلها صلحت عليه

( ثواب بن ثويب )

ربنا المعبود يعلم كل ماتطلب عباده
وحد صاح أمن الفرح وحدآ يصيح امن الاذيه
=
من طلب له خير زاده من طلب له شر زاده
والوظايف كيف جاتك من هناك من هنيه

( مساعد بن سعيد )

ياثواب ابليس بين الناس مايترك عناده
كل ماراحت سريه قام يقلب له سريه
=
والعرب كلآ يفسرها بفكره واعتقاده
وانت لك عامين مافصلت لك كسوة ظفيه

( ثواب بن ثويب )

ادري ان ابليس لاحول على المجنون أباده
اهرب اهرب عن بليس إزبن رياجيل الحميه
=
الرماه امسو كثير وكل يقدح من زناده
والمراجل حايره مابين شمس وبين فيه

&&&&&&
انتهت المحاوره،،،،،[/frame]