::{ مجالس قبيلة هذيل }:: موقع يهتم بتراث القبيلة ومفاخرها

الله الرحمن الرحيم

السلام عليكم ورحمة الله وبركاته وبعد

هذة المحاورة من أروع المحاورات التي لايجيد التقيّد بقافيتها سوى

الشعراء المثقفين والقادرين على الأبداع فتعالوا نستمتع بإبداع

الشاعرين الكبيرين حبيب العازمي _ و _ محمد السناني
_______________________________________________

حبيب

مرحباترحيبتٍ مثل العسل وأحلا وحلاّ=يالضيوف إللي حللتم فالمحل أهلا وسهلا

من تعلم في حياته ماجهل حاشى وكلاّ=والغشيم إليا كتب لابدمايخطي في الأملا

السناني

البقى ياهل الوفى مثل الخيال المستهلاّ=يارجال إصدورها من موجب الضيفان كملا

ياحبيب دفتر التعليم ماهو مستحلاّ=والمثابر فالزمن لابد مايفنى ويبلا

حبيب

يامحمد لاتقول أن الجمل فالحمض فلاّ=يامثنيها معقلها سرت من دون عقلا

حضنا دايم كبير ونجمنا نجمٍ تعلاّ=والمشاكل لاتجمعها على رأسك وتبلا

السناني

ياحبيب لاتقول الحبل بين يديك حلاّ=اليال المظلمه في رأس ابو عمار حبلا

أنت طيب لكن إللي من على العالم تولاّ=مايعارض في طريقه غير مهبولٍ وخبلا

حبيب

إختلفنا وإتفقنا وإختلفنا قولوا ألاّ=أنت ياللي تنطق ألا ليش ماتنطق بعد لا

حلونا ماينتمرر مرّنا ماينتحلاّ=وإن بغيب الميل ميل ولن بغيت العدل عدلا

السناني

إتفقتوا وإختفلتوا ماطلع فيكم معلاّ=واحدٍ منكم شجيع وواحدٍ دعواه ختلا

مانبي ننشدك عن زلة لسانك يوم زلاّ=صبر ولا حنضلة جاء للأسد عشرين شبلا

حبيب

قلت لرجال عان الدرب والرجال ظلاّ=والمريض يطيب بعد إنه على النيران يصلا

لونشيع قلب بن متروك شفناه يتدلاّ=مير بن متروك وسط العيص عنها وين يجلا

السناني

أنت رجالٍ تهم الناس والشيخ يتغلاّ=إنتهى عشرين فصل وباقيٍ عشرين فصلا

لونشيع مخ أبو فيصل نشوف إنه تملاّ=مابقي له غير تطعيمه على الماشي ومصلا

حبيب

كيف تجحد وأنت حاضر عصر وعيونك تحلاّ=الله إنه لايبارك في هوى عنتر وعبلا

أنت مخك يامحمد نصف معك ونصف ولاّ=مالك إلا من يجيبلك الدوى مدبول دبلا

السناني

مانعارض مايدبر ربنا عزا وجلاّ=وأنت ياحبيب معلق فالجمل عشرين حبلا

للحكم من وسع صدرك لاتضيق ولا تملاّ=والحقيقه ماتخاطبك العرب من دون سبلا

حبيب

وآهني إللي لياحان الفجر كبر وصلاّ=عقب صارت سالفتكم مالها لاأوّل ولاأتلا