|
محاوره نادره للشاعرين عبدالله المسعودي ومستور العصيمي .
المسعودي
واحدًا جابوه ودّوه مدري كيف قال *** من هو اللي دفّ مستور وندفّه وراه أخوياه ايدوّرونه وهو رايح لحال **** ما خبرت اللي يبا يروح ويكبّ أخوياه مستور ما خبرنا اللي يضيّق سريع الانفعال *** من يقول العلم جاني منين العلم جاه واشكل الاقوال يا ذيب ماهي راس مال***من ظما لو يشرب البحر ما يروي ظماه المسعودي الخبر والعلم تحت العمامه والعقال *** والعقال مع العمامه على راسك هذاه من زعل قلة سعة يشتري له وسع بال *** قبل يقعد له زمانه على راس الحصاه مستور ما على راسي يقع ما على روس الرجال***والعميل الوافي الناس ما تنقص وفاه الزعل طيّب ومكروه في بعض الحوال *** والامانة ما تضيع على طول الحياة المسعودي أنت فيك طبيّعة من جدودك والخوال *** لا غريبة تعجب الناس من قدر وغطاه إن عطتك كتوفها ما تربّطك الحبال *** وإن توجّه لك نحرها تلحفت العباه مستور وإن بدالك عوجة العوج في رقاب الجمال***مير من عارض بماعونه السيل امتلاه من تملت له غروبه تضارس به محال *** كل ما أوحى له منادي ينادي قال هاه المسعودي ما معي ماعون والوادي الممطور سال *** وانت كيف يسيل واديك وخيالك صحاه والحبوب الصم لو قيمة الحبة ريال *** ما بلعــــــــها غير من تطحن الحبّة رحاه مستور لو زهمت أبكم يجاوب على هذا السوال *** كيف عاقل يلتبس ثوب ما فصل علاه لن وصلك العلم عندك محايل واحتيال *** حيلة الحصني ليا شاف سبع الليل جاه أرجو أن تنال استحسان الجميع . |
رد: محاوره نادره للشاعرين عبدالله المسعودي ومستور العصيمي .
والحبوب الصم لو قيمة الحبة ريال *** ما بلعــــــــها غير من تطحن الحبّة رحاه
يا سلااااااااااام الف الف الف شكر اخوي عبدالعزيز صراحه ما قصرت ابد ابد بيض الله وجهك يالغالي |
رد: محاوره نادره للشاعرين عبدالله المسعودي ومستور العصيمي .
السلام عليكم ورحمة الله وبركاته
أخوي الغالي مطرفي الدلم .. مشكور بكل أمانة هذه المحاورة لم أقرأها من قبل .. محاورة ثمينه جدا .. رحم الله امير الشعر .. وأطال عمر الشاعر المخضرم العصيمي . الخبر والعلم تحت العمامه والعقال *** والعقال مع العمامه على راسك هذاه من زعل قلة سعة يشتري له وسع بال *** قبل يقعد له زمانه على راس الحصاه تسلم اخوي مطرفي الدلم . |
رد: محاوره نادره للشاعرين عبدالله المسعودي ومستور العصيمي .
بيض الله وجهك ماقصرت بالنسبه للمحاوره هذي معروفه ولها تسجيل صوتي وهذي المحاوره من حلقات الباديه والمحاوره الصوتيه حقتها تحصلها في موقع qeef
|
رد: محاوره نادره للشاعرين عبدالله المسعودي ومستور العصيمي .
شكراً على مروركم الكريم
وشكراً أخوي فهد على التوضيح وصلت ماقصرت . تحياتي . |
رد: محاوره نادره للشاعرين عبدالله المسعودي ومستور العصيمي .
بارك الله فيك يامطرفي الدلم على هذه المحاورة
الرائعة التي تعتبر محاورة قمة ومحاورة كبار هذه هي المحاورات الحقيقية التي لها طعم خاص رحم الله شاعر هذيل الأول رحمه واسعة وأطال الله في عمر مستور العصيمي الشاعر الكبير . |
رد: محاوره نادره للشاعرين عبدالله المسعودي ومستور العصيمي .
شكراً على مرورك الكريم أخوي
تحياتي . |
رد: محاوره نادره للشاعرين عبدالله المسعودي ومستور العصيمي .
الصراحة ابداع من هاؤلا الشعار وانت ايضاً
مشكوووور اخوي مطرفي الدلم على هذا النقل المتميز وبارك الله فيك |
رد: محاوره نادره للشاعرين عبدالله المسعودي ومستور العصيمي .
تسلم يالذيب هذيل على المرور الكريم .
تحياتي . |
رد: محاوره نادره للشاعرين عبدالله المسعودي ومستور العصيمي .
سلمت يمينك اخوي
يعطيك العافية تقبل مروري |
| الساعة الآن 06:11 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل