|
قصيدة بيت الكرم
مشاركة لأبناء عمي هذيل العز و الفخر إليكم هذه القصيده لأحد شعراء لحيان وهذيل وله ديوانين مكتوبين أحدهما نبطي والآخر فصيح وهو الأستاذ الباحث الشاعر
عميِّر بن عويمر السويدي اللحياني بيت الْكَرَم [poem=font="Arial,6,#008080,bold,normal" bkcolor="" bkimage="" border="none,1," type=1 line=0 align=center use=ex num="0,"] يا جِعْل بيتٍ ما يكَرِّم ضيوفه=تنهد سيسانه وينهد مبناه ترى البخيل الناس ما تحب شوفه=ولا تحب مجلاسه ولا تحب طرياه لا شاف ضيفٍ يندرق سَدْ طوفه=وان دق بابه قال ماني هنياه وللعز يا بيت الكَرَم والمضوفه=اللي يحب الضيف ويحب ملفاه تلقى الكريم الشهم باسط كفوفه=بالجود ما يبخل على كل من جاه لاجاه ضيفه قام يذبح خروفه=ويكَثِّر الترحيب وهذي سجاياه عن الكرامه ما ترده ظروفه=ويا كثر ما تبذل من الخير يمناه وياشين رَجْلٍ ما يتفقد ضعوفه=ويساعد المحتاج باللي يتورَّاه اللي على الأقراب ما فيه روفه=إبعد عنه واحذر تسوي سواياه رَجْلٍ كما هذا وهذي وصوفه=ما فيه سَرَّه يا عسى النار مثواه ويا خِسْ رَجَّالٍ قليله عروفه=إلْيَا نصحته قام واعطاك علباه والاَّ رخى راسه وهزهز كتوفه=وصمم على رايه ولَقَّاك مقفاه اللي سواته ما عليهم حسوفه=لا خير فيه ولا في مثله وشرواه [/poem] تحياتى لكل ربعي هذيل |
رد: قصيدة بيت الكرم
بيض الله وجهه صح لسانك
ومشكور على النقل الطيب . تحياتي . |
رد: قصيدة بيت الكرم
الشاعر عميِّرشاعر كبير ومعروف وله وزنه ,, وصح السانه
مشكور اخوي الغالي على نقلك الطيب |
رد: قصيدة بيت الكرم
مشكور يا فارس وصح لسان الشاعر
|
رد: قصيدة بيت الكرم
قصيدة جزلة من شاعر جزل
بيض الله وجهه ووجهك يا فارس بني لحيان و ننتظر منك الجديد تحياتي ,,, |
رد: قصيدة بيت الكرم
مشكووور يافارس على النقل
قصيده جزله من شاعر معروف صح لسانه والله وعسى بيت الكرم عامر |
رد: قصيدة بيت الكرم
قصيدة جزلة من شاعر جزل
صح الله لسانه وبيض الله وجهه وبيض الله وجهك يانمر على النقل المميز والرائع دائماً . |
رد: قصيدة بيت الكرم
الإخوة الكرام وأبناء العمومه
شاكر لكم المرور والتعليق وصحت أبدانكم تحياتى |
رد: قصيدة بيت الكرم
قصيدة جزلة من شاعر جزل
أشكر أخي فارس على النقل المميز ننتظر منك المزيد تقبل مروري |
| الساعة الآن 02:50 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل