|
( جنيه الذهب بيد الجهاهيل ربيه)...عوده للتواصل معكم !!!!
[poem=font="Simplified Arabic,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
ابشرك طيّب ماتأثرت يانواف=وصدري بحر وطعونهم ماْآثرت فيه ضعيف الروابع يغرف البحر بالمغراف=زبون الشقا والبحر ميه على ميه ضعوفٍ تشاور بالردى والهروج ضعاف=وتلقى الجنوب الجرب بالدهن مطليه لوأسمع نباح كلابهم ماعليّ خلاف=تنابح ولاتاخذ عصاتي من يديه أسج القدم قدام ماقد رجعت خلاف=على العز ماصدّت عن الدرب رجليه ولاني بجاهل وآعترض حذفة الحذاف=ولامن بليت أعطيه فى الوجه مثنيه ولي ماقفٍ لاجيت بين العرب ينشاف=أعدّل عواج المنعوج وأنضج الكيه رفيقي لو إنه خبل مايحمي الميقاف=اداريه وأرفى خلته لو هو شويه فما بالك إليا كان راعي سيوف رهاف=صميدع وله فى وجيه الأخصام أماريه هذاك أفتخر به ثم أحيّر به الأوصاف=ولاعاد تلقى لاوصيفه ولا زيه وإذاهي غريبه يوم نصبر سنين عجاف؟=فما هي غريبه ندعس الداب والحيه وطيبك ليامن زاد ضربٍ من الإسراف=خبيث النبا ماقدّر الطيب موليه وهجرك لقومٍ ماتعزّك تراه إنصاف=جنيه الذهب بيد الجهاهيل ربيه ودارٍ هجرها الغيث ميرادها ينعاف=بدلها تحصّل دار بالغيث مرويه وأنا أقول يانواف من لاسرق ماخاف=وحكم القضا يقطع يدين الحراميه مادام النوايا طيبه والقلوب نظاف=ابو نيتين يطيح ويقوم ابو نيه[/poem] |
رد: ( جنيه الذهب بيد الجهاهيل ربيه)...عوده للتواصل معكم !!!!
ولي ماقفٍ لاجيت بين العرب ينشـاف
أعدّل عواج المنعـوج وأنضـج الكيـه رفيقي لو إنه خبل مايحمـي الميقـاف اداريه وأرفى خلتـه لـو هـو شويـه ونعم والله بك ياشاعرنا القدير عبيدالله صح لسانك على القصيده الجزلة وبيض الله وجهك |
رد: ( جنيه الذهب بيد الجهاهيل ربيه)...عوده للتواصل معكم !!!!
أخي الشاعر الفاضل عبيدالله العرابي أعجبتني قصيدتك خاصة البيت:
وهجرك لقومٍ ماتعـزّك تـراه إنصـاف جنيـه الذهـب بيـد الجهاهيـل ربيـه وما احتواه من حكمة ونصيحة يبدو انها خلاصة تجربة إنسانية في طبائع الناس وهكذا الحر الكريم في كل زمان ومكان يصون نفسه عما يدنسها ويعز نفسه فيجدها |
رد: ( جنيه الذهب بيد الجهاهيل ربيه)...عوده للتواصل معكم !!!!
اقتباس:
قصيدة للأمانة مدهشة لم أستغربها ولكن تعجبت كيف أنه توصل ما تريد بطريق سهل وحجج ذهنية قوية بالإضافة للأستعارات القوية في القصيدة دمت للإبداع أستاذي القديري |
رد: ( جنيه الذهب بيد الجهاهيل ربيه)...عوده للتواصل معكم !!!!
ودارٍ هجرها الغيـث ميرادهـا ينعـاف
بدلهـا تحصّـل دار بالغيـث مرويـه الله يحييك ياعبيد الله شاعر فذ وصاحب كلمه قويه صح لسانك طال عمرك تيك اوف |
رد: ( جنيه الذهب بيد الجهاهيل ربيه)...عوده للتواصل معكم !!!!
اقتباس:
جزلة لأبعد حدود الجزالة بيض الله وجهك يا العرابي على هالدرة الي شرفتنا بتدوينها في مجالسنا سبق وأن قلت لك أن حظورك إضافة لأي مكان تحضر به وهاهي مصداقية كلامي أخي العرابي اشكرك للتواجد ,,, وللشعر |
رد: ( جنيه الذهب بيد الجهاهيل ربيه)...عوده للتواصل معكم !!!!
يا سلااااااااااااااااااااااا ام
دخلت القلب هوا يامال العافيه يالعرابي صح لسانك والله ولا تحرمنا تواصلك يالغالي |
رد: ( جنيه الذهب بيد الجهاهيل ربيه)...عوده للتواصل معكم !!!!
بيض الله وجهك يالعرابي
عز الله إنها قصيدة جزلة من شاعر غني عن التعريف فهو عبيدالله العرابي الذي لايأتي إلا بالجزل دائماً وهذا ماتعودناه منه في كل مرة ، تواصلك معنا دائماً يثلج صدورنا فدمت بكل خير وعافية وصح الله لسانك وعلا شانك . |
رد: ( جنيه الذهب بيد الجهاهيل ربيه)...عوده للتواصل معكم !!!!
صح لسانك
|
رد: ( جنيه الذهب بيد الجهاهيل ربيه)...عوده للتواصل معكم !!!!
صح لسانك ياشاعرنا الكبير عبيدالله
وبيض الله وجهك لك تقديري واحترامي |
رد: ( جنيه الذهب بيد الجهاهيل ربيه)...عوده للتواصل معكم !!!!
اقتباس:
وعاش راس يبدع هالرائعة وسلمت يمين خطتها احترامي وتقديري أستاذ عبيدالله العرابي . . |
رد: ( جنيه الذهب بيد الجهاهيل ربيه)...عوده للتواصل معكم !!!!
صح لسانك,عبيد الله العرابي اسم اقترن بالابداع اينما حل ,ولا عاد تطول علينا الغياب الله يوفقك
|
رد: ( جنيه الذهب بيد الجهاهيل ربيه)...عوده للتواصل معكم !!!!
مازال الحرف بخير لطالما أن العرابي من أبرّ أمنائه وصيرفييه،
سجل اعجاب من لايجامل إلا صواباً. |
رد: ( جنيه الذهب بيد الجهاهيل ربيه)...عوده للتواصل معكم !!!!
اقتباس:
الغالي سلطان الندوي ماعليك زود يالغالي وصح الله قلبك سعيد بهذا الحضور وبهذا التعليق الأجمل تقديري |
رد: ( جنيه الذهب بيد الجهاهيل ربيه)...عوده للتواصل معكم !!!!
اقتباس:
الغالي / الفارس حزين الطلعه اشكرك على رؤيتك وروعة تجلي فكرك من خلال ماتقرأ وإن كان هناك شيء جميل في هذا النص فهو إيضاءاتك التي أضفتها أشكرك كما يليق بك |
| الساعة الآن 01:15 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل