من قصايد الحكمة : بيت الكرم
 

بيت الْكَرَم





يا جِعْل بيتٍ ما يكَرِّم ضيوفه
تنهد سيسانه وينهد مبناه
ترى البخيل الناس ما تحب شوفه
ولا تحب مجلاسه ولا تحب طرياه
لا شاف ضيفٍ يندرق سَدْ طوفه
وان دق بابه قال ماني هنياه
وللعز يا بيت الكَرَم والمضوفه
اللي يحب الضيف ويحب ملفاه
تلقى الكريم الشهم باسط كفوفه
بالجود ما يبخل على كل من جاه
لاجاه ضيفه قام يذبح خروفه
ويكَثِّر الترحيب وهذي سجاياه
عن الكرامه ما ترده ظروفه
ويا كثر ما تبذل من الخير يمناه
وياشين رَجْلٍ ما يتفقد ضعوفه
ويساعد المحتاج باللي يتورَّاه
اللي على الأقراب ما فيه روفه
إبعد عنه واحذر تسوي سواياه
رَجْلٍ كما هذا وهذي وصوفه
ما فيه سَرَّه يا عسى النار مثواه
ويا خِسْ رَجَّالٍ قليله عروفه
إلْيَا نصحته قام واعطاك علباه
والاَّ رخى راسه وهزهز كتوفه
وصمم على رايه ولَقَّاك مقفاه
اللي سواته ما عليهم حسوفه
لا خير فيه ولا في مثله وشرواه




عميِّر بن عويمر السويدي اللحياني
أبو طارق
منقول من منتديات قبيلة لحيان

رد: من قصايد الحكمة : بيت الكرم
 

رد: من قصايد الحكمة : بيت الكرم
 

رد: من قصايد الحكمة : بيت الكرم
 

[align=right]شكرا ً لك َ أخي اللحياني الهذلي هذا الإختيار و النقل الجميل .

قصيدة رائعة كما هي عادة شاعرنا / عمير بن عويمر اللحياني .[/align]

رد: من قصايد الحكمة : بيت الكرم
 

رد: من قصايد الحكمة : بيت الكرم
 

السلام عليكم ورحمة الله وبركاته

ياسلام أخوي اللحياني على جمال الإختيار لهذا الشاعر الكبير فعلا بشعره ومعانيه ..

اللي على الأقراب ما فيه روفه
إبعد عنه واحذر تسوي سواياه

ياسلام ..

الله يوفقك أخوي اللحياني .

رد: من قصايد الحكمة : بيت الكرم
 

النتغابي
أبو حمدان
سحاب
عز الرفيق
مشعل

شكرا لكم لإختياركم هذا الموضوع و التعليق عليه وفهذا أسعدني كثيرا

رد: من قصايد الحكمة : بيت الكرم
 

رد: من قصايد الحكمة : بيت الكرم
 

ما عليك زود يالفارس حزين الطلعة