|
على امرك وفمان اللة
[frame="1 70"]
على امرك يالحبيب اللي تذكر لي طلب فرقاي مدامك ماتبي وصلي انا وش عاد يبقيني ْْ ابحفظ مابقى لي من كرامه وابتعد بخطاي على درب الغياب وين ماودي يدويني ْْ واذا حرك معاليقي هواك وحدني لأقصاك دعيت الله يصبرني يطمن قلبي وعيني ْْ وطلبته مثل مامكن غلاك وثبته بحشاي يشيله من عروقي قبل نار الوجد تنهيني ْْ وربي لو اعرف اني ابثني عزمك ورجواي اموت ولاترجيتك وقلبك مرخص فيني ْْ لو انك قلتها تبغى تشوف معزتك جواي او انك قلتها ساعة زعل والذنب كاسيني ْْ بجيك بكل مافيني من اول داخي لأتلاي واجي لرضاك لو أضر لأجلك باقي سنيني ْْ وانا اللي منك عانيته قتل نار العتب بشقاي غرام مات في عينك على فرقاك يغريني ْْ حسافه كنت احسب انك تقدر طيبتي ووفاي نعم وتقدر العشره تجاملني وتراعيني ْْ توقعتك تكون اخلص عشير جابته دنياي اشك بكل هالدنيا وتبقى ماتخليني ْْ طلبت البعد في وقت ابيك تكون به يمناي بعد ماجارت ايامي علي وحرت بيديني ْْ ولايخفاك لوعات الليالي وضيمها وياي وانا ادري ماانت نافعني وجودك بس يكفيني ْْ على كل حال ماينفع ملامي لك ولا شكواي فمان الله اببعد للفراغ اللي ينادينيْْ[/frame] |
رد: على امرك وفمان اللة
|
رد: على امرك وفمان اللة
وانا اللي منك عانيته قتل نار العتب بشقاي
غرام مات في عينك على فرقاك يغريني صورة أعجبتني كثيراً وقصيدة عذبة بكل محتوى الكلمة تقديري لكِ بنت الشيوخ |
رد: على امرك وفمان اللة
|
رد: على امرك وفمان اللة
الله الله الله
قصيده رائعه وجيده صح الله لسانك يا بنت الشيوخ وعساك عالقوه |
رد: على امرك وفمان اللة
السلام عليكم ورحمة الله وبركاته
الأخت بنت اشيوخ قصيدة شاعرية من الدرجة الأولى لاشك .. ليتك ذيلتي القصيدة بتعريف لقائلها .. شدني جدا هذا البيت : وربي لو اعرف اني ابثني عزمك ورجواي اموت ولاترجيتك وقلبك مرخص فيني ننتظر الجديد إن كان بهذا الجمال . |
رد: على امرك وفمان اللة
السلام عليكم ورحمة الله وبركاته
صح لسانك |
رد: على امرك وفمان اللة
صح لسانك يابنت الشيوخ هذا الشعر النسائي والابلاش تحس انه شعر شاعره ماهو شاعر في لمسه انثويه وعفويه جميله جدا بالتوفيق وننتظر القادم
|
| الساعة الآن 09:37 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل