رائعه من روائع ابو بندر ( المسك لاهل المسك)
 

قصيده جديده من قصائد الشيخ سعود بن هلال السعيدي الهذلي

يتمنى ان تنال اعجابكم

[poem=font="Arial,5,,bold,normal" bkcolor="" bkimage="" border="none,1," type=2 line=1 align=center use=ex num="0,"]
المسك لاهل المسك والكيرللكير=والريح ماهزت جبال مقيمه
لونعتبر من ماضيات الاساطير=وعشنا على نهج العصور القديمه
كان اختلف مقياسنا للمعايير=وتبدل الحال الجديد بقديمه
الصحبه اللي مابها يابدر خير=نسيانها والبعد عنها غنيمه
تتعب قدم رجلك بكثر المشاوير=صحبه سقيمه والنهايه سقيمه
من صد صد ولاتدور لتبرير=مادام نفسك بالوفا مستقيمه
الصحبه اللي ماتجي يابدر غير=يصبح ثمرها مثل شوك الهشيمه
وين انت من صحبة رجال مناعير=اهل النفوس الطيبه والحشيمه
ان جيتهم تلقى معزة وتقدير=وان غبت ماتلحقك منهم نميمه
وان جيتهم وارد لفو لك مصادير=الطيب واضح والنوايا سليمه
وان ماصفا حظك وزين المقادير=الصبر خير ولا ذيول الهزيمه
الكسر مايجبر بعد كثر تجبير=والمزن مايمطر على راس غيمه
وين انت ياهمام من صحبة الزير=كم من نديم ما شكى من نديمه
يابدر لا تشغلك كثر التفاكير=دام البنادم عمد والعقل خيمه
ماكل دلو يجذب الما من البير =والحنضله ماهي مثل غصن نيمه
ولا كل طير ليا كفخ يابدرطير=ورخص البضاعه ماتجيبلك قيمه
والطيب لو من دون وصله طوابير=شدالحزام وخل عندك عزيمه
والمرجله عسره وتحتاج تدبير=ومن لايضيم الوقت وقته يضيمه
والصحبه اللي بالهلل والدنانير=وش فايدتها والفوايد عديمه
والزله اللي ماقفاها معاذير=تبقى مثل دم الغريم لغريمه[/poem]


تقبلوا تحيات ابو بندر فهو يبلغكم سلامه وتقديره ويتمنى لكم التوفيق



وصح لسانك يابو بندر ولا عدمنا هالتواصل يالغالي

رد: رائعه من روائع ابو بندر ( المسك لاهل المسك)
 

رد: رائعه من روائع ابو بندر ( المسك لاهل المسك)
 

صح لسان ابو بندر

ومشكور على النقل

رد: رائعه من روائع ابو بندر ( المسك لاهل المسك)
 

صح لسانك يابو بندر


وعطيك العافيه ابو بسام

رد: رائعه من روائع ابو بندر ( المسك لاهل المسك)
 

صح لسانك يابو بندر وعليك السلام والرحمة

قصيدة جزلة المعاني قوية المباني


ومشكور يابو بسام على النقل والله يسلمك


ياليت تأكد لي من هذا البيت لاني بغيت احرره قلت : لا يمكن انت الغلطان
[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
وين انت من صحبة رجال منعايـر=اهـل النفـوس الطيـبـه والحشيـمـه[/poem]

رد: رائعه من روائع ابو بندر ( المسك لاهل المسك)
 

رد: رائعه من روائع ابو بندر ( المسك لاهل المسك)
 

صح لسانك ابو بندر


ومشكور يابو بسام



تقبل مروري

رد: رائعه من روائع ابو بندر ( المسك لاهل المسك)
 

ماكـل دلـو يجـذب المـا مـن البـيـر
والحنضله ماهي مثل غصـن نيمـه
ولا كـل طيـر ليـا كـفـخ يابدرطـيـر
ورخص البضاعـه ماتجيبلـك قيمـه




الله الله الله صح لسان الشاعر

وعزالله شهادتي فيه مجروحه

قصيده جزله يعطيك العافيه يا ابو بسام والله يسلمك ويسلمه ووصل سلامنا له

رد: رائعه من روائع ابو بندر ( المسك لاهل المسك)
 

السلام عليكم ورحمة الله وبركاته

والـزلـه الـلــي ماقـفـاهـا مـعـاذيـر
تبـقـى مـثــل دم الـغـريـم لغـريـمـه

الصدق هذا البيت رددته أكثر من مرة لما فيه من دقة التعبير ورصانة المعنى ..جزل والشاهد الله ..وكل القصيدة جزلة بكل أمانه .

ان جيتـهـم تلـقـى مـعـزة وتقـديـر
وان غبـت ماتلحقـك منهـم نميـمـه

مشرفنا الغالي هذلي الله يبارك فيك على نقل هالقصيدة ويسلم راعيها ......لو كل الشعر مثل هذي القصيدة ماشكينا جفوة الشعر أبد ..

إسلم وسلم ويستاهل مهدي المسك كل خير الله يحفظه ..

رد: رائعه من روائع ابو بندر ( المسك لاهل المسك)
 

رد: رائعه من روائع ابو بندر ( المسك لاهل المسك)
 

رد: رائعه من روائع ابو بندر ( المسك لاهل المسك)
 

رد: رائعه من روائع ابو بندر ( المسك لاهل المسك)
 

مشكور علي النقل يا هذلي

رد: رائعه من روائع ابو بندر ( المسك لاهل المسك)
 

صح لسان أبو بندر

وبيض الله وجهه

قصيدة جزلة من جزل

و بيض الله وجهك يا هذلي و الفخر لي

على نقل المتميز دائما

رد: رائعه من روائع ابو بندر ( المسك لاهل المسك)