::{ مجالس قبيلة هذيل }:: موقع يهتم بتراث القبيلة ومفاخرها

تهاوت رحلة ايامي في ركن الخوف والحسره
********* وبديت اضعف مثل ظلي وارمي بالعمر خلفي

تصورت القدر حاجز زجاج من السهل كسره
********* ولكني جرحت اناملي حتى دمع طرفي

وعشت الياس والحيره بشوق ينتظر بكره
********* ولاهان الالم عندي ونصفي مل من نصفي

يميني خانت حروفي وهانت عندها العشره
********* ومن يكتب لي اشعاري اذا ماخانني كفي

وهل ارتاح واحساسي مجرد حلم او فكره؟؟
********* او احذف باقي اوراقي واودع فكري المنفي

تمنيت ارحل لعالم عليه الفاتحه تقرأ
********* ورفض موتي يواجهني بوجه القادم المخفي

فهل شفتوا جسد ميت رفض يستقبل قبره؟؟
********* انا هذي معاناتي واظن اللي مضى يكفي

ابترجى الزمن واحمل على كتفي عنا دهره
********* ماعادت فيني القوه على اقناعه يجي صفي

انا من يوم ميلادي ما احني راسي مره
********* ولكن ماتحملته عجز لا يشمله وصفي

وانا اللي كنت بالاول عنيد.. قاسي.. وتذبحني الحره
********* بديت اضعف وانا اكره مجرد ضعفي لضعفي