|
عوده بعد انقطاع ( جديد ابو بسام )
[poem=font="Arial,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
ياليل وين الفجر قدام سدي يبوح=ماعاد لي فيك شف ولا هناني منام مادام غيري ينام وراسم(ن) له طموح=وانا حبيس الحروف بدون مانطق كلام اتمتم بخاطري واكتم كبار الجروح=واسري مساري ذيابه ماتهاب الظلام ياقلبي اللي على لاما الحبايب شفوح=ياجعل من لامك مع الوقت بكره يلام في ماضيات الليالي باني(ن) لك صروح=واليوم راحت صروحك مابقى الا خيام ما عاد فيها مجال لعاليات السفوح=خلك مع اهل الوطى في حرب والا سلام واصحى تغرك دموع الجادل اللي تنوح=خلك مع الحق صارم مثل حد الحسام في حزة المزح خلك مثل غيرك مزوح=واحذر وحاذر تجي في روحك الانهزام ياقلب رح للديار اللي شذاها يفوح=ابعد عن الديره اللي مكتسيها العسام لو بارق الخير فوق الدار نوضه يلوح=مايطلع الا غصون اذخر وورش البشام واياك تسمع نصيحة كل واحد نصوح=بعض المقالات غير مناسبه للمقام ياتي ويتفلسف بكلمه عليك ويروح=ويقول خذها نصيحه من نصوح همام من سار فوق الدرج لابد يرقى السطوح=مايدري انا قطعنا شوط من كم عام مايدرك ان الهدف ما هو بسهل الوضوح=وش موقع السطح من غاية بعيد المرام؟ ناديت واعليت صوتي مير صوتي بحوح=وادركت صعب التقدم في زمان الزحام وان قلت ياروح مابعدك هالايام روح=اثنين زايد ثلاثه خمسة بالتمام[/poem] مع احلى الاماني |
رد: عوده بعد انقطاع ( جديد ابو بسام )
يسرني أن أكون أول المعلقين على قصيدة هذلي والفخرلي
إبـــــــــــــــــــــــ ـــــــــــــــــــــــــ ــــداع .........صح لسانك ياأبو بســـــــــــــــــــــــ ـــــــــــــــــــــــام |
رد: عوده بعد انقطاع ( جديد ابو بسام )
قصيدة في غاية الروعه
فانت حفيد الشيخ والشاعر محمد بن غالي السعيدي من جهة ابيك وكذلك الشيخ والشاعر سند بن ناجي السعيدي |
رد: عوده بعد انقطاع ( جديد ابو بسام )
اقتباس:
الله ياهذلي ولي الفخر صح لسانك ولاهنت أبدآآآآآآآآع بصراحة اشكرك على هذه الرائعه تقبل مروري ياغاآآآآآآآآآآآآآآآآآآلي |
رد: عوده بعد انقطاع ( جديد ابو بسام )
السلام عليكم ورحمة الله وبركاته
تبارك الله ماشاء الله .. أن اشهد بالله أنك ماهو بشاعر بس فيلسوف ومتمكن ...بمعناي وليس بما عنيت أنت في القصيدة .. أبو بسام الله يبيض وجهك ويعزك .. ماعندي غيرها .. مادام غيري ينـام وراسـم(ن) لـه طمـوح وانا حبيس الحروف بـدون مانطـق كـلام هذا البيت غير .... تسلم لاهنت .. |
رد: عوده بعد انقطاع ( جديد ابو بسام )
صح لسان وعلا شانك
خير عودة ياابوبسام قصيده جزلة حسب العادة ابيض وجه ياابوبسام دوم |
رد: عوده بعد انقطاع ( جديد ابو بسام )
ونعممممممم ونعمممممممممم
يا رحيمي ذيباااان وبيض الله وجهك صح لسااااانك قصيدة مززززركشه جدا جدا رااااااااائعه واقلك مرة اخرى ونعمممممممممممم تحياتي |
رد: عوده بعد انقطاع ( جديد ابو بسام )
[grade="00008B FF6347 008000 4B0082"]صح لسانك ولاهنت
يعطيك الف عافيه وتسلم يمينك [/grade] |
رد: عوده بعد انقطاع ( جديد ابو بسام )
أخوي الغالي : هذلي والفخر لي
قصيده رائعه إستمتعت بقرأتها صح لساااانك وسجل إعجااااابي اخوك : عادل بن تركي المطرفي الهذلي |
رد: عوده بعد انقطاع ( جديد ابو بسام )
واصحى تغرك دموع الجـادل اللـي تنـوح
خلك مـع الحـق صـارم مثـل حـد الحسـام في حزة المزح خلـك مثـل غيـرك مـزوح واحذر وحاذر تجي فـي روحـك الانهـرام الله الله يبو بسام والله هذا عشمنا فيك وخاصه في هذا المنتدى صح الله لسانك يبو بسام قصيده جزله وشهادتي فيك مجروحه |
رد: عوده بعد انقطاع ( جديد ابو بسام )
صح لسانك
قصيدة رايعة ابداع من مبدع تقبل مروري |
رد: عوده بعد انقطاع ( جديد ابو بسام )
صح لسانك يابو بسام
|
رد: عوده بعد انقطاع ( جديد ابو بسام )
كدت أنسى أنك شاعر
من زماااااااااااااااااان لكن من حضر ما غاب صح لسانك و إلى الأمام |
رد: عوده بعد انقطاع ( جديد ابو بسام )
يا سلام عليك يا أبو بسام
صح لسانك مليون ولا يكفون جزل يا أبو بسام والجزل على قول علي بن حمري الجزل لا تشتك في جزايله لا توخر يا أبو بسام تراها طلبه |
رد: عوده بعد انقطاع ( جديد ابو بسام )
أخي الموقر (هذلي والفخر لي)
السلام عليكم قصيدة متألقة من شاعر متألق توقفت بإكبار وإعجاب عند قرآتي لهذه القصيدة لا سيما البيتين التاليين: ياقلـب رح للـديـار الـلـي شـذاهـا يـفـوح ابعـد عـن الديـره اللـي مكتسيهـا العسـام لو بارق الخير فـوق الـدار نوضـه يلـوح مايطلع الا غصون اذخـر وورش البشـام فألفيت البيتين عميقيين في المبنى والمعنى، وهي تشيء بنفس حرة أبية كريمة تأبى الضيم ولو كان من الحبيب . أكرر الشكر والتقدير لنشر هذه القصيدة التي هي كالهواء العليل والنسيم رقة ، بل ألذ من العسل الأبيض، وأجمل من الماء للعطشان، وأحلى من تلاقي العشاق بعد الفراق ... ( أكتفي بذلك عشان صلاة المغرب ههههههه) وتقبل مشكوراً خالص التحية وأرفع التقدير ،،، |
| الساعة الآن 02:56 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
الحقوق محفوظة لشبكة هذيل